စစ်တပ်၏ လူ့အခွင့် အရေးချိုး ဖောက်မှုများ ကြောင့် ကမ္ဘာ့ထိပ်တန်း စွမ်းအင်လုပ်ငန်းများ မြန်မာနိုင်ငံမှ ထွက်မည်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


စစ်ကောင်စီရဲ့ ပြည်သူလူ့ထုအပေါ် လူ့အခွင့်အရေးချိုးဖောက်မှုတွေကြောင့် မြန်မာနိုင်ငံမှာ လုပ်ငန်းလုပ်ကိုင်မှုတွေကို ရပ်ဆိုင်းတော့မယ်လို့ အမေရိကန်နဲ့ ပြင်သစ် စွမ်းအင်ကုမ္ပဏီတွေဖြစ်တဲ့ Chevron နဲ့ TotalEnergies တို့က ဒီက​နေ့မှာ ထုတ်ပြန်လိုက်ပါတယ်။

Chevron နဲ့ TotalEnergies တို့ဟာ ကပ္ပလီပင်လယ်အတွင်းက ရတနာ သဘာဝဓာတ်ငွေ့ ထုတ်လုပ်ရေး စီမံကိန်းမှာ ပါဝင်လုပ်ကိုင်နေတာ ဖြစ်ပါတယ်။

“တရားဥပဒေစိုးမိုးမှုနဲ့ လူ့အခွင့်အရေး ခြေအနေတွေ ပိုမိုဆိုးရွားလာတာကြောင့် ကျွန်တော်တို့ရဲ့ လုပ်ငန်းကို ပြန်လည်သုံးသပ်ခဲ့ရပြီး မြန်မာနိုင်ငံမှာ အပြုသဘောဆောင်တဲ့ ကူညီပံ့ပိုးမှုတွေကို TotalEnergies က လုံလုံလောက်လောက် လုပ်မပေးနိုင်တော့တာကို တွေ့ရပါတယ် ”

Chevron ကလည်း မြန်မာနိုင်ငံကနေ ထွက်ခွာရတာဟာ လူ့အခွင့်အရေးအခြေအနေ ဆိုးရွားမှုကြောင့်လို့ ပြောကြားခဲ့ပါတယ်။

“ရတနာ သဘာဝဓာတ်ငွေ့လုပ်ငန်းက ကျွန်တော်တို့ရဲ့ အကျိုးစီးပွားကို ပြန်လည်သုံးသပ်ကာ မြန်မာနိုင်ငံကနေ အစီအစဉ်တကျ ထွက်ခွာနိုင်ဖို့ ဆောင်ရွက်ခဲ့ပါတယ်”

သဘာဝဓာတ်ငွေ့လုပ်ငန်းဟာ မြန်မာနိုင်ငံမှာ နိုင်ငံခြားငွေ အများဆုံးရတဲ့ စီးပွားရေးတစ်ခုဖြစ်ပြီး နှစ်စဉ် ဝင်ငွေ ဒေါ်လာ ၁ ဘီလီကျော် ရှိပါတယ်။ ဒီလုပ်ငန်းကို စစ်တပ်ရဲ့လက်အောင်မှာရှိတဲ့ မြန်မာ့ရေနံနှင့် သဘာဝဓာတ်ငွေ့လုပ်ငန်းက ချုပ်ကိုင်ထားတာ ဖြစ်ပါတယ်။

မြန်မာနိုင်ငံတစ်ဝှမ်း အကြမ်းဖက်သတ်ဖြတ်မှု​တွေ၊ လူ့အခွင့်အရေးချိုးဖောက်မှုတွေ ကျူးလွန်နေတဲ့ စစ်တပ်ရဲ့ ဝင်ငွေရလမ်းမှာ သဘာဝဓာတ်ငွေ့လုပ်ငန်းက အဓိကဖြစ်နေတဲ့အတွက် နိုင်ငံခြားကုမ္ပဏီတွေအနေနဲ့ ဒီကဏ္ဍကနေ ထွက်ခွာဖို့ နိုင်ငံတကာ လူ့အခွင့်အရေးအဖွဲ့တွေက တစ်စိုက်မတ်မတ် တိုက်တွန်းလာခဲ့တာ ဖြစ်ပါတယ်။

စစ်တပ်က ထိန်းချုပ်ထားတဲ့ မြန်မာ့ရေနံနှင့် သဘာဝဓာတ်ငွေ့လုပ်ငန်းထံ ငွေကြေးစီးဆင်းမှုမရှိအောင် ဥပေဒအရရော၊ မြေပြင်အနေအထားအရပါ ကြိုးစားခဲ့ပေမယ့် ဓာတ်ငွေ့ရောင်းချငွေအများစုကို ထိုင်းစွမ်းအင်ကုမ္ပဏီ PTT က ပေးချေတာကြောင့် စစ်တပ်က ဒီငွေတွေမရအောင်လုပ်ဖို့ လက်တွေ့မှာ မဖြစ်နိုင်ဘူးလို့လည်း ဒီကနေ့ ထုတ်ပြန်ချက်မှာ Total က ပြောကြားခဲ့ပါတယ်။

ရတနာစီမံကိန်းရဲ့ ၃ ပုံ ၁ ပုံကို TotalEnergies က ပိုင်ဆိုင်တာဖြစ်ပြီး ၁၉၉၂ ခုနှစ်ကတည်းက လုပ်ကိုင်နေတာ ဖြစ်ပါတယ်။ Chevron က ၂၈.၂၆ ရာခိုင်နှုန်း ပိုင်ဆိုင်ပြီး ၁၉၉၀ ပြည့်နှစ်တွေကတည်းက လုပ်ကိုင်ခဲ့တာပါ။

ထိုင်းစွမ်းအင်လုပ်ငန်း PTTEP က ၂၅.၅ ရာခိုင်နှုန်းပိုင်ဆိုင်ကာ၊ စစ်တပ်လက်အောက်မှာရှိ မြန်မာ့ရေနံနဲ့ သဘာဝဓာတ်ငွေ့လုပ်ငန်းက ၁၅ ရာခိုင်နှုန်း ပိုင်ဆိုင်တာ ဖြစ်ပါတယ်။ စီမံကိန်းကထွက်တဲ့ ဓာတ်ငွေ့ ၇၀ ရာခိုင်နှုန်းက ထိုင်းက ဝယ်ယူတာပါ။

ဖေဖော်ဝါရီ ၁ ရက်နေ့ အာဏာသိမ်းပြီးနောက်ပိုင်း စစ်တပ်က ပြည်သူလူထုအပေါ် အကြမ်းဖက်သတ်ဖြတ်မှုကြောင့် စစ်တပ်စီးပွားရေးနဲ့ ဆက်နွယ်နေတဲ့ နိုင်ငံတကာလုပ်ငန်းတွေလည်း ဖိအားပေး ခံလာရပါတယ်။

Total ဟာ မြန်မာ့အရေနံနှင့် သဘာဝဓာတ်ငွေ့လုပ်ငန်းကို ငွေသားပေးချေမှု မလုပ်တော့ကြောင်း ပြီးခဲ့တဲ့နှစ်က ထုတ်ပြန်ခဲ့ပါတယ်။

Chevron နဲ့ TotalEnergies တို့ရဲ့ အခုဆုံးဖြတ်ချက်တွေကို နိုင်ငံတကာ လူ့အခွင့်အရေးအဖွဲ့တွေက ကြိုဆိုခဲ့ပါတယ်။

ရေနံ၊ သဘာဝဓာတ်ငွေ့၊ ကျောက်စိမ်းလုပ်ငန်း၊ ဘဏ်လုပ်ငန်းအပါအဝင် မြန်မာနိုင်ငံက ဝင်ငွေအမြောက်အများရတဲ့ ထိပ်တန်းစီးပွားရေးလုပ်ငန်း အများစုကို ဗိုလ်ချုပ်ကြီးတွေ၊ သူတို့ရဲ့ မိသားစုဝင်တွေ၊ သူတို့နဲ့ ဆက်ဆံရေးကောင်းတဲ့ ခရိုနီတွေက ထိန်းချုပ် လုပ်ကိုင်နေတာ ဖြစ်ပါတယ်။

****************************************************************
END / 251