ကျောက်မဲစစ်ဘေးရှောင် ၅၀၀ ကျော် တောင်ကြီးမြို့ပေါ်သို့ သွားရောက် ခိုလှုံ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ရှမ်းပြည်မြောက်ပိုင်း၊ ကျောက်မဲမြို့နယ်ထဲမှာ မနှစ်က တိုင်းရင်းသားလက်နက်ကိုင်တပ်ဖွဲ့ချင်း ဖြစ်ပွါးတဲ့ တိုက်ပွဲတွေကြောင့် စစ်ဘေးရှောင်လာရတဲ့ ရွာသားတွေတချို့က ဖေဖော်ဝါရီ ၁၆ ရက်နဲ့ ၁၇ ရက်တွေမှာ   တောင်ကြီးမြို့ပေါ်ကို ထပ်မံရောက်ရှိလာပါတယ်။

ဖေဖော်ဝါရီ ၁၆ ရက်နေ့က   ၃၅၈ ဦး ၊ ၁၇ ရက်နေ့မှာ ၁၇၉ ဦး စုစုပေါင်း ၅၂၈ ဦး တောင်ကြီးမြို့ကို ရောက်လာတာဖြစ်ပြီး ဆရာတော်သံဃာတော်တွေက တောင်ကြီးဝေဠုဝန်ကျောင်းတိုက်နဲ့ ကမ္မဋ္ဌာန်းကျောင်းတိုက်တွေမှာ ခိုလှုံခွင့်ပြုထားပါတယ်။

ပြီးခဲ့တဲ့နှစ်ကတိုက်ပွဲတွေကြောင့် ထွက်ပြေးလာတဲ့ စစ်ဘေးရှောင်တွေဟာ မူရင်း ရွာပြန်နေကြပေမယ့် တချို့က မပြန်ရဲသေးဘဲ စစ်ဘေးရှောင်စခန်းမှာကျန်နေသလို တချို့က ဆွေမျိုး အသိတွေဆီ ပြောင်းရွှေ့ခိုလှုံနေကြပါတယ်။

အဲဒီထဲက ဟူးဆွန်ကျေးရွာအုပ်စု ဟူးဆွန်၊ ပုန်းလုံ ၊ ကျိန်ကိုင် ၊ နိမ်းဆိုင်းစတဲ့ကျေးရွာက အိမ်ထောင်စု ၂၀၀ ကျော် ၊ လူဦးရေ ၅၀၀ ကျော်ဟာ ရှမ်းပြည်တောင်ပိုင်း ရပ်စောက်မြို့နယ်  နောင်လုံကျေးရွာကို ပြောင်းလာပြီးရပ်စောက်ဘက်မှာလည်း တိုက်ပွဲဖြစ်တာကြောင့် ဟိုပုံးမြို့ နယ်ဘက် ကျည်တော်ရွာဘက် ပြောင်းသွားကြောင်း ၊ ဟိုပုံးမှာလည်း တပ်ပေါင်းစုတွေ ရောက်လာတာကြောင့် တောင်ကြီးမြို့ပေါ်ကို ထပ်ရှောင်လာရတာလို့ စစ်ဘေးရှောင်သွားရောက်ကူ ညီခဲ့သူတစ်ဦးက ဒီဗွီဘီကို ပြောပါတယ်။

“အစကကျောက်မဲစာပေယဉ်ကျေးမှုရုံးမှာ လာခို လှုံတယ်၊ အဲဒီမှာ လူကများနေရာကျပ်တည်းပြီး ကိုဗစ်ရောဂါလည်းကူးမှာစိုးလို့ တခြားနေရာကို တနေရာစီ ထပ်ခွဲသွားကြတယ်၊ ရွာထဲမှာတော့လက်နက်ကိုင်တွေရှိနေလို့ တိုက်ပွဲထပ်ဖြစ်မှာစိုးပြီး မပြန်ရဲဘူးပေါ့ ၊ သူတို့အသုတ်က အိမ်ထောင်စု ၂၀၀ ကျော်၊ ရပ်စောက်ဘက်မှာ ခိုလှုံခွင့်ပေးမယ့် စေတနာရှင်ပေါ်လာတာကြောင့် အဲဒီမှာတဲထိုးပြီးနေတာ တလကျော်ကြာတော့ ကျောက်ဂူမှာတိုက်ပွဲ ဖြစ်တယ်၊ သူတို့နေတဲ့နောင်လုံရွာနဲ့ နီးနီးလေး၊ အဲဒါနဲ့ မနေရဲဘူးဆိုပြီး  အသိရှိတဲ့ ဟိုပုံးမြို့နယ် ကျည်တော်ရွာကို ပြောင်းတယ်၊ ကျည်တော်မှာ ၉ ရက်နေပြီး အဲဒီနေရာနဲ့နီးတဲ့ မိုင်းပျဉ်းရွာမှာ  တပ်ပေါင်းစုတွေရောက်လာတယ် ၊ သူတို့က သေနတ်သံကြားရင်ကို ထိတ်လန့်နေတဲ့ စိတ်ဒဏ်ရာ ရနေကြတာဆိုတော့ အဲဒီမှာ မလုံခြုံသလိုခံစားရတော့ တောင်ကြီးမြို့ပေါ် ထပ်ရှောင်လာတာပါ။”

စစ်ဘေးရှောင်တွေဟာ ရေရှည်အတွက် ဘယ်မှာဘယ်လိုနေမလဲ မစဉ်းစားနိုင်သေးဘဲ လောလောဆယ် တနေ့တာ စားဝတ်နေရေး လုံခြုံရေးအတွက်သာဖြတ်သန်းနေကြောင်း ၊ တောင်ကြီးမှာခိုလှုံနေချိန် ဘုန်းကြီးကျောင်းက ကျွေးမွေးထားပေမဲ့ အချင်းချင်းပြန်ထောက်ပံ့နိုင်ဖို့ အလုပ်လုပ်နိုင်သူတွေက ရရာအလုပ်လည်း လုပ်ချင်နေကြတယ်လို့ ဆိုပါတယ်။

တောင်ကြီးရောက် ကျောက်မဲစစ်ဘေးရှောင်ထဲမှာ သက်ကြီးရွယ်အိုတွေ၊ ကိုယ်ဝန်ဆောင်တွေ၊ ကလေးငယ်တွေ၊ လေဖြတ်နေတဲ့ရောဂါသည်တွေပါ ပါဝင်ကြောင်း၊ ရပ်နီးရပ်ဝေး စေတနာရှင်တွေအနေနဲ့ ဖုံးနံပါတ် ၀၉၅၂၁၄၇၇၀ / ၀၉၅၂၁၁၄၃၇/ ၀၉၅၂၁၄၄၉၈၁၀/ ၀၉၄၂၅၄၆၆၆၆၅ တွေကို ဆက်သွယ်ကူညီနိုင်ပါတယ်။

****************************************************************
END / 251