ဂါဇာမြောက်ပိုင်းရှိ ကုလသမဂ္ဂဆေးခန်းကို နယ်ချဲ့ အကြမ်းဖက် ဇီယွန်ဝါဒီ စစ်တပ်က ပြင်းထန်စွာ တိုက်ခိုက်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

ဂါဇာကမ်းမြှောင်မြောက်ပိုင်းရှိ UNRWA ဆေးခန်းကို နယ်ချဲ့ အကြမ်းဖက်  ဇီယွန်ဝါဒီအစိုးရ၏ ရာဇ၀တ်မှု မြောက်သည့် တိုက်ခိုက်မှုကြောင့် ကလေးငယ်အများအပြား အပါအဝင် လူဒါဇင်ပေါင်းများစွာ သေဆုံး ကာ ဒဏ်ရာရရှိခဲ့ကြောင်း မီဒီယာသတင်းရင်းမြစ်များက ဖော်ပြခဲ့ပါတယ်။

အဆိုပါသတင်းရင်းမြစ်များ၏ အစီရင်ခံစာများအရ ဂျဗာလီယဟ် စခန်းရှိ ဂါဇာကမ်းမြှောင်မြောက်ပိုင်းရှိ UNRWA အေဂျင်စီမှ ပိုင်ဆိုင်သည့် အဆိုပါဆေးခန်းကိုနယ်ချဲ့ အကြမ်းဖက် ဇီယွန်စစ်တပ်က တိုက်ခိုက် ခဲ့ခြင်း ဖြစ်ပါတယ်။

ပါလက်စတိုင်းဒုက္ခသည်များ ခိုလှုံနေထိုင်ရာ ဂါဇာကမ်းမြှောင်မြောက်ပိုင်းရှိ UNRWA ဆေးဘက် ဆိုင်ရာဌာန တစ်ခုတွင် နယ်ချဲ့ အကြမ်းဖက် ဇီယွန်ဝါဒီအစိုးရ၏ လေကြောင်းတိုက်ခိုက်မှုအတွင်း လူ ၁၉ ဦး သေဆုံးခဲ့ပြီး ၉ ဦးသည် ကလေးငယ်များဖြစ်ကြောင်း ဝမ်းနည်း စွာ သိရှိရပါတယ်။

နယ်ချဲ့ အကြမ်းဖက် ဇီယွန်စစ်အစိုးရ၏ စစ်ပွဲရေးရာဝန်ကြီး Israel Katz က ဂါဇာကမ်းမြောင်ဒေသတွင် တိုက်ခိုက်မှုအမြောက်အများကို တိုးချဲ့လုပ်ဆောင်ကြောင်း ယနေ့နံနက်ပိုင်းတွင် ကြေညာပြီးနောက် ယခုတိုက်ခိုက်မှုကို လုပ်ဆောင်ခဲ့ခြင်းဖြစ်ပါတယ်။

ကုလသမဂ္ဂ အစီရင်ခံစာအရ ၂၀၂၃ ခုနှစ် အောက်တိုဘာလ ၇ ရက်နေ့ မှ ၂၀၂၄  ခုနှစ် ဇွန်လ ၃၀ ရက်နေ့အထိ ဂါဇာတွင် ဆေးရုံ ၂၇ ရုံ  နှင့် အခြားသော ဆေးဘက်ဆိုင်ရာ အဆောက်အဦ ၁၂ ခုကို တိုက်ခိုက်ခဲ့ပြီး တိုက်ခဲ့ မှုပေါင်း ၁၃၆ ခုထက်မနည်း ပြုခဲ့ကြောင်း မှတ်တမ်းတင်ထားပါတယ်။ ဤတိုက်ခိုက်မှုများကြောင့်  ဆရာဝန်များ၊ သူနာပြုများနှင့် ဝန်ထမ်းအများအပြား လည်း သေဆုံး ခဲ့ရပါတယ်။

၂၀၂၃ ခုနှစ် အောက်တိုဘာလကတည်းက နယ်ချဲ့ အကြမ်းဖက် အစ္စရေးစစ်တပ်သည် ဂါဇာကမ်းမြောင်ဒေသတွင် မတရားတိုက်ခိုက်မှုများ ပြုလုပ်ခဲ့သည့် အတွက်ကြောင့် ပါလက်စတိုင်းလူမျိုး ၅၀၃၀၀ ကျော် သေဆုံးခဲ့ပြီး ၁၁၄၀၀၀ ကျော် ဒဏ်ရာရရှိခဲ့ကြောင်း သိရပါတယ်။

သို့သော်လည်း ဂါဇာကမ်းမြောင်ဒေသရှိ ကျန်းမာရေးဝန်ကြီးဌာနက ကြေညာထားသည့် ကိန်းဂဏန်းများထက် များစွာ များပြားနေကြောင်း၊ စစ်ပွဲအခြေအနေအရ လမ်းမများပေါ်တွင် ပါလက်စတိုင်း အာဇာနည်များ အများ အပြား ကျန်ရှိနေသေးသောကြောင့် အာဇာနည်များ အရေအတွက်ထက် များစွာ ပိုများနေကြောင်း ကြေညာ ခဲ့ပါတယ်။

.......................................................

END / 251