နချီဝန် ဒရုန်းဖြစ်ရပ်အတွက် အမေရိက နှင့် အစ္စရေးကို တာဝန်ရှိကြောင်း ရုရှားပြောကြား

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

Irna သတင်းဌာန ၏ အစီရင်ခံစာအရ ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာရီယာ ဇာခါရိုဗာ က အီရန်ကို ဆန့်ကျင်သည့် အကြောင်းပြချက်မရှိသော အမေရိကန်နှင့် အစ္စရေးတို့၏ တရားမဝင်၊ အကြောင်း မရှိသော တိုက်ခိုက်မှုများကြောင့် ဖြစ်ပေါ်လာသည့် အလွန် အန္တရာယ်များသော အခြေအနေများအပေါ် စိုးရိမ် ပူပန်ကြောင်း ပြောကြားခဲ့ပါတယ်။

သူမက ဆက်လက်၍ အမေရိကန်နှင့် အစ္စရေးတို့သည် ကုလသမဂ္ဂ စည်းမျဉ်းနှင့် နိုင်ငံတကာ ဥပဒေ၏ အခြေခံ မူများ ကို ချိုးဖောက်ကာ ကုလသမဂ္ဂအဖွဲ့ဝင်ဖြစ်သည့် လွတ်လပ်သော အချုပ်အခြာအာဏာရှိ နိုင်ငံတစ်နိုင်ငံ၏ အာဏာကို ဖျက်ဆီးရန် ကြိုးပမ်းနေကြောင်း ပြောကြားခဲ့ပါတယ်။

ဒရုန်းဖြစ်ရပ်ပြီးနောက် အဇာဘိုင်ဂျန်နှင့် အီရန်တို့အကြား ဆက်ဆံရေးတွင် ဖြစ်ပေါ်လာသော တင်းမာမှုများနှင့် ပတ်သက်၍ ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ရုရှားအနေဖြင့် မိမိ၏ မဟာဗျူဟာမိတ်ဖက် နှစ်နိုင်ငံလုံးအား အိမ်နီးချင်းကောင်းများ၏ မူဝါဒများကို လိုက်နာပြီး မစဉ်းစားဘဲ လုပ်ဆောင်သော အရေး ယူမှုများကို ရှောင်ရှားရန် တိုက်တွန်းကြောင်း ပြောကြားခဲ့ပါတယ်။

ထို့အပြင် ယခုကဲ့သို့ စိုးရိမ်ဖွယ်ကောင်းသော အခြေအနေများအတွင်း ဒေသတွင်း တင်းမာမှု မတိုးပွားစေရန် ဖြစ်ရပ် တစ်ခုချင်းစီကို သေချာစွာ စစ်ဆေးသုံးသပ်ရန် အလွန် အရေးကြီးကြောင်းလည်း သူမက ပြောကြား ခဲ့ပါတယ်။

++++++++++++++++++++++++++++++++++++++++++++++++++

END / 251