ကယန်းအမျိုးသားပါတီ ဥက္ကဋ္ဌအပါအ၀င် ၃ ဦးကိုထပ်မံအမှုဖွင့်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ရန်ကုန်၊ ဇန်န၀ါရီ ၁၈ ။                  ။ ကယန်းအမျိုးသားပါတီ ဥက္ကဋ္ဌ ခွန်းဘီထူးအပါအ၀င် ကရင်နီပြည်သူ ၃ ဦးကို ငြိမ်းချမ်းစွာ စုဝေးခြင်းနှင့် ငြိမ်းချမ်းစွာ စီတန်းလှည့်လည်ခြင်းဆိုင်ရာဥပဒေ ပုဒ်မ ၁၉ ဖြင့် လွိုင်ကော်မြို့မရဲစခန်းမှူးမှ တရားလိုလုပ်ကာ ထပ်မံအမှုဖွင့်ထားကြောင်း ၄င်းတို့နှင့် နီးစပ်သူတစ်ဦးဖြစ်သည့် ကယားပြည်နယ် အခြေစိုက် အရပ်ဘက်အဖွဲ့ LAIN နည်းပညာအထောက်အကူပြု အဖွဲ့ ဒါရိုက်တာ ကိုကျော်ထင်အောင် ကပြောသည်။

“ ၅ ရက်နေ့မှာ ကိုရဲမင်းကျော်ပါ ၅ ဦးကို တရားရုံးလိုက်ပို့ရင်းနဲ့ ပြည်နယ်အစိုးရရုံးရှေ့မှာ ဟောပြောမှုပေါ့နော်။ အဲ့ဒီမှာ ကြိုတင်အကြောင်းကြား ထားခြင်းမရှိတဲ့အတွက်  ငြိမ်း၊ စု၊ စီ ပုဒ်မ ၁၉ နဲ့တရားစွဲပါတယ်ဆိုပြီး မနေ့ ညနေခင်းကအကြောင်းကြားထားပြီးတော့ မနက်ဖြန် ၁၉ ရက်နေ့ကိုတော့ လွိုင်ကော်မြို့နယ်တရားရုံးကို ရုံးချိန်းလာဖို့ဆိုပြီး ပြောဆိုထားတယ်လို့သိရပါတယ် “  ဟု ၄င်းကပြောသည်။

အမှုဖွင့်ခံရသူ ၃ဦးမှာ ကယန်းအမျိုးသားပါတီ ဥက္ကဋ္ဌ ခွန်းဘီထူး၊ ကယန်းမျိုး ဆက်​သစ်​လူငယ်​ ဗဟို​ကော်​မတီဝင်​ ခွန်း​အသန်းနှင့်​ ကရင်​နီပြည်​ ​တောင်​သူ လယ်သမား သမဂ္ဂ ဥက္ကဋ္ဌ ခူးတူရယ်​တို့ဖြစ်ကြသည်။

၄င်းတို့သည် အငြင်းပွားဖွယ်KNPP ရဲ​ဘော်​ (၃) ဦးနှင့်​ အရပ်​သား (၁) ​ဦး ​သေဆုံးမှု အ​ပေါ် ဆန္ဒထုတ်​​ဖော်​​တောင်းဆိုခဲ့သည့်​ လူငယ်​ (၅) ဦး ကိစ္စနှင့်ပက်သက်ပြီး ဇန်​နဝါရီလ ( ၅ ) ရက်​​နေ့ လွိုင်​​ကော်​မြို့နယ်​ တရားရုံးသို့ ကရင်​နီပြည်​သူ (၁၀၀၀) ဝန်းကျင်​ခန့်​က ဝန်းရံပေးရန် ဦးဆောင်ခဲ့သူများလည်း ဖြစ်သည်။

အဆိုပါ ကန့်ကွက်ရှုံ့ချ ဆန္ဒထုတ်ဖေါ်ခဲ့သူ ၅ ဦးကို ယနေ့ ဇန်နဝါရီ ၁၂ ရက်နေ့တွင် ငွေဒဏ်သုံးသောင်းစီ လွိုင်ကော်မြို့နယ်တရားရုံးက ချမှတ်လိုက်ပြီး ငွေဒဏ်မဆောင်သည့်အတွက် ထောင်ဒဏ် ရက် ၂၀ ချမှတ်ခဲ့ခြင်းဖြစ်သည်။

အဆိုပါလူငယ် ၅ ဦးသည် ဇန်န၀ါရီ ၂၅ ရက်နေ့တွင် လွှတ်ဖွယ်ရှိနေပြီး ယခု၎င်းတို့ကို ၀န်းရံခဲ့ကြသည့် သူ၃ ဦး ထပ်မံအမှုဖွင့်ခံခဲ့ရခြင်းလည်း ဖြစ်သည်။

အဆိုပါ ပုဒ်မ ၁၉ သည် ပြစ်မှုထင်ရှား စီရင်ခြင်းခံရပါက  ၃ လထက် မပိုသော ထောင်ဒဏ် သို့မဟုတ် ၃ သောင်းထက်မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ကျခံနိုင်သောပြစ်မှုလည်းဖြစ်သည်။

========================
251 / End