အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
မြန်မာနိုင်ငံရဲ့ သဘာဝဘေးအန္တရာယ်တွေနဲ့ ရင်ဆိုင်ရမှုတွေမှာ ငလျင်ဘေးအန္တရာယ်ဟာ အကြီးမားဆုံး ဖြစ်လာနိုင်တယ်လို့ နိုင်ငံတော်ရဲ့ ဒုတိယသမ္မတ ဦးဟင်နရီဗန်ထီးယူက ပြောပါတယ်။
“ငလျင်ဘေးအန္တရာယ်ဟာ တခြား မီးဘေး၊ ရေဘေး၊ လေဘေး စတဲ့ ဘေးအန္တရာယ်များလို မကြာခဏ ဖြစ်ပွားလေ့ မရှိတဲ့အတွက် အများစုအနေနဲ့ ငလျင်ဘေးအန္တရာယ်ကို မေ့လျော့ပေါ့ဆ နေတက်ပါတယ်။ မြန်မာနိုင်ငံမှာ ကျရောက်နိုင်တဲ့ သဘာဝဘေးအန္တရာယ်ကြီးတွေအနက် ရေရှည်မှာဆိုရင် ငလျင်ဘေးအန္တရာယ် အကြီးမားဆုံး ဖြစ်လာမယ်လို့ ပညာရှင်တွေက ယူဆထားကြောင်း သိရှိရပါတယ်” လို့ ဦးဟင်နရီဗန်ထီးယူက ပြောပါတယ်။
သြဂုတ်လ ၆ ရက်နေ့က နေပြည်တော် သင်္ဂဟဟိုတယ်မှာ ကျင်းပပြုလုပ်ခဲ့တဲ့ အမျိုးသားအဆင့် ငလျင်ဘေးအန္တရာယ် ကြိုတင်ပြင်ဆင်ရေး/တုံ့ပြန်ရေး စီမံချက် မိတ်ဆက်အခမ်းအနားနဲ့ မြေငလျင် ဖိုရမ်မှာ ဦးဟင်နရီဗန်ထီးယူက ပြောဆိုခဲ့တာပါ။
၂၀၁၁ ခုနှစ် မေလကဆိုရင် တာလေငလျင်ဘေး၊ ၂၀၁၂ နိုဝင်ဘာလကဆို သပိတ်ကျင်း ငလျင်ဘေး၊ ၂၀၁၆ ခုနှစ် ဧပြီလကဆိုရင် ကလေးမြို့အနီး ဗဟိုပြုလှုပ်ခတ်ခဲ့တဲ့ ငလျင်နဲ့ သြဂုတ်လက ချောက်မြို့အနီး လှုပ်ခတ်ခဲ့တဲ့ ငလျင်ဘေးတွေကြောင့် အဆောက်အဦ၊ ပုဂံမြို့ ရှေးဟောင်းစေတီပုထိုးတွေ၊ လူ့အသက်ပစ္စည်း အိုးအိမ်ဆုံးရှုံးမှုတွေ အများအပြား ဖြစ်ပေါ်ခဲ့တယ်လို့ ဆိုပါတယ်။
ဒါကြောင့် အချိန်အခါမရွေး ဖြစ်ပေါ်တတ်တဲ့ ငလျင်ဘေးအန္တရာယ်အတွက် ကြိုတင်ကာကွယ်ရေးနည်းလမ်းတွေ အသိပညာပေးမှုတွေ၊ ဇာတ်တိုက်လေ့ကျင့်မှုတွေ၊ ငလျင် ပြတ်ရွေ့ကြောပေါ်မှာရှိတဲ့ မြို့၊ ရွာတွေကို လေ့လာဆန်းစစ်ပြီး လိုအပ်တဲ့ အစီအမံတွေ ဆောင်ရွက်ထားဖို့လည်း နိုင်ငံတော် ဒုတိယသမ္မတက မှာကြားခဲ့ပါသေးတယ်။
=======================
251 / End
၆ ဩဂုတ် ၂၀၁၉ - ၁၅:၂၃
News ID: 967445
မြန်မာနိုင်ငံရဲ့ သဘာဝဘေးအန္တရာယ်တွေနဲ့ ရင်ဆိုင်ရ မှုတွေမှာ ငလျင်ဘေးအန္တရာယ်ဟာ အကြီးမားဆုံး ဖြစ် လာနိုင်တယ်လို့ နိုင်ငံတော်ရဲ့ ဒုတိယသမ္မတ ဦးဟင်နရီ ဗန်ထီးယူက ပြောပါတယ်။
