အာဆီယံနိုင်ငံတခုနှင့်တခု ဝင်မစွက်ဖက်ရေးမူကို လူထုညီလာခံ ဝေဖန်ထောက်ပြ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


အာဆီယံရဲ့ နိုင်ငံတခုနဲ့တခု ဝင်ရောက်စွက်မဖက်ရေးမူ၊ ဆန္ဒခံယူရမယ်ဆိုတဲ့အချက်ကြောင့် အာဆီယံ လုပ်ငန်းတွေ ဆုံးဖြတ်ချက်ချရာမှာ အားနည်းချက်တွေရှိနေကြောင်း ထိုင်းနိုင်ငံ ဘန်ကောက်မြို့မှာ ကျင်းပခဲ့တဲ့ အာဆီယံလူထုညီလာခံကနေ ဝေဖန်ထောက်ပြခဲ့ကြပါတယ်။

အာဆီယံအဖွဲ့ဝင် ၁၀ နိုင်ငံက လူမှုအခြေပြုအဖွဲ့အစည်းတွေပါဝင်တဲ့ ၂၀၁၉ အာဆီယံ လူထုညီလာခံကို ထိုင်းနိုင်ငံ ပထုံဌာနီခရိုင် သမာဆတ်က္ကသိုလ်မှာ စက်တင်ဘာလ ၁၀ ရက်မှ ၁၂ ရက်နေ့ထိ ၃ ရက်တာ ကျင်းပသွားခဲ့ပါတယ်။

အဆိုပါ ညီလာခံမှာ သက်ဆိုင်ရာနိုင်ငံအသီးသီးက တက်ရောက်လာတဲ့ လူမှုအခြေပြုအဖွဲ့ အစည်းကိုယ်စားလှယ်တွေအနေနဲ့ မိမိဒေသတွင်း ကြုံတွေ့နေရတဲ့ တရားမျှတရေး၊ တန်းတူညီမျှရေး၊ ငြိမ်းချမ်းရေး၊ ဒီမိုကရေစီရေး အခြေအနေတွေကို လာရောက်ဆွေးနွေး ဖလှယ်ပြီး ဒေသတွင်း အစိုးရတွေအနေနဲ့ ဆောင်ရွက်သင့်တဲ့အချက်တွေကို တောင်းဆိုခဲ့ကြတာပါ။

အဆိုပါတောင်းဆိုချက်တွေထဲမှာ ပထမဆုံး အာဆီယံရဲ့လုပ်ငန်းတွေ ဆုံးဖြတ်ချက်ချရာမှာ အားနည်းနေတယ်ဆိုတဲ့အချက်ကို ထောက်ပြထားတယ်လို့ ညီလာခံမှာ မြန်မာနိုင်ငံ လူမှုအခြေပြု အဖွဲ့အစည်းအနေနဲ့ ပါဝင်ဆွေးနွေးခဲ့သူ ညီမျှခြင်းမြန်မာအဖွဲ့ ဒါရိုက်တာ ဦးအောင်မျိုးမင်းက ဒီဗွီဘီကို ပြောပါတယ်။

“အာဆီယံအနေနဲ့ သူ့ရဲ့ အာဆီယံ ချာတာမှာ ပါတဲ့ လူထုအခြေပြု people center ဆိုတဲ့ ခေါင်းစဉ်ဖြစ်ပေမယ့် တကယ်တမ်းကျလို့ရှိရင် ပူးပေါင်းဆောင်ရွက်မှုတွေ အားနည်းနေတယ်၊ ပြီးရင် အာဆီယံရဲ့ နိုင်ငံတခုနဲ့တခု ဝင်ရောက်စွက်မဖက်ရေးမူတို့၊ အားလုံးရဲ့ဆန္ဒခံယူရမယ် ဆိုတဲ့အချက်တွေကြောင့် အာဆီယံရဲ့ လုပ်ငန်းတွေမှာ ဆုံးဖြတ်ချက်ချတဲ့အခါမှာ အားနည်းနေတဲ့အချက်ကို ပထမဆုံးထောက်ပြထားပါတယ်”

ဒါ့အပြင် ငြိမ်းချမ်းရေးနဲ့ လုံခြုံရေးကဏ္ဍမှာတော့ အာဆီယံနိုင်ငံရှိ လူ့အခွင့်ရေး ကော်မရှင်တွေအနေနဲ့ အမျိုးသမီးနဲ့ ကလေးအခွင့်အရေးဆိုင်ရာကော်မတီမှာ အားနည်း နေကြောင်း၊ လူ့အခွင့်အရေးမြှင့်တင်ရုံမျှမကဘဲ ကာကွယ်ခြင်းကို ပိုမိုအားထုတ်သင့်ပြီး တိုင်ကြားချက်တွေအပေါ် အရေးယူဆောင်ရွက်တဲ့အဆင့်ထိ တိုးမြှင့်သင့်တယ်လို့ အကြံပြု တောင်းဆိုထားတယ်လို့ ဆိုပါတယ်။

အာဆီယံနိုင်ငံအားလုံးအနေနဲ့ လူ့အခွင့်အရေးနဲ့ ပတ်သက်ပြီး အတင်းအကြပ်လက်မှ တ်ထိုးခြင်းကို တိုက်တွန်းကြောင်း၊ အာဆီယံရဲ့ အစိုးရများဆိုင်ရာ လူ့အခွင့်အရေးကော်မရှင်ကို ပိုမိုလွတ်လပ်ပြီး၊ ပိုမိုအားကောင်းပြီး လူ့အခွင့်အရေးကိစ္စကို စွမ်းစွမ်းတမံ လုပ်ဆောင်နိုင်သော အဖွဲ့အစည်းမျိုးဖြစ်ဖို့ လိုအပ်ကြောင်း၊ အစိုးရလက်အောက်ခံ၊ အစိုးရနဲ့ ပတ်သက်နေသောအဖွဲ့မျိုးမဖြစ်သင့်ဘူးလို့လည်း အကြံပြုထားပါတယ်။

လူ့အခွင့်အရေးချိုးဖောက်မှုများကိုလည်း စုံစမ်းစစ်ဆေးဖို့ လိုအပ်နေကြောင်း၊ လွတ်လပ်စွာ ပြောဆိုမှုကြောင့် ဖမ်းဆီးခံရသူတွေ ပြန်လွှတ်ပေးဖို့၊ တရားစွဲမျိုးတွေ ရပ်တန့်ဖို့လည်း တောင်းဆိုထားပါတယ်။

ကုန်သွယ်မှုကဏ္ဍမှာ အာဆီယံအနေနဲ့ ရင်းနှီးမှုကိုအားသန်ပေမယ့် ပြည်သူလူထုရဲ့ အခွင့်အရေးကို မထိခိုက်အောင် သတိထားဆောင်ရွက်သင့်ပြီး တနိုင်တပိုင်လုပ်ငန်းတွေကို အားပေးဖို့၊ ရင်းနှီးမြှုပ်နှံ မှုလုပ်ငန်းမှာ လူထုနဲ့ တိုင်ပင်ဖို့ အချက်တွေလည်း ပါပါတယ်။

သဘာဝပတ်ဝန်းကျင်နဲ့ပတ်သက်ပြီး ဖွံ့ဖြိုးတိုးတက်ရေးစီမံကိန်းတွေ၊ စီးပွားရေးပရောဂျက်တွေ ဆောင်ရွက်ရာမှာ လူထုရဲ့အသံ၊ ဆန္ဒကို ထည့်သွင်းစဉ်းစားဖို့၊ သဘာ၀၀န်းကျင် မထိခိုက်အောင် ထိန်းသိမ်းကာကွယ်ပေးဖို့အချက်တွေလည်း တောင်းဆိုထားပါတယ်။

ရွှေ့ပြောင်းလုပ်သားအရေးနဲ့ ပတ်သက်လို့လည်း အထောက်အထားရှိရှိ မရှိရှိ အလုပ်သမားအခွင့်အရေးကို ကာကွယ်စောင့်ရှောက်ပေးဖို့၊ ဒုက္ခသည်တွေ၊ ပြည်တွင်းမှာ လှည့်လည်သွားလာနေရတဲ့ ဒုက္ခသည်တွေကို ကာကွယ်ပေးဖို့ တောင်းဆိုချက်မျိုးတွေအပါအဝင် လူထုတွေနဲ့ တွေ့ဆုံဆွေးနွေးတိုင်ပင်တဲ့ လုပ်ငန်းစဉ်တွေရှိသင့်ကြောင်း၊ သို့မှသာ ရည်မှန်းထားသော ကြာရှည်တည်တံ့ခိုင်မြဲတဲ့ဖွံ့ဖြိုး တိုးတက်မှုပန်းတိုင်ကို ရောက်ရှိနိုင်မယ့်အကြောင်း အကြံပြုထားပါတယ်။

အဆိုပါတောင်းဆိုချက်တွေကို အာဆီယံအထွေထွေအတွင်းရေးမှူးချုပ်နဲ့ သက်ဆိုင်ရာ နိုင်ငံခြားရေးဝန်ကြီးဌာနမှတဆင့် သက်ဆိုင်ရာ သမ္မတများ ဝန်ကြီးချုပ်များထံ ပေးပို့မှာဖြစ်ပြီး လာမယ့် နိုဝင်ဘာလထဲ ထိုင်းနိုင်ငံမှာ ကျင်းပဖို့ရှိတဲ့ အာဆီယံထိပ်သီးစည်းဝေးပွဲကြီးမှာလည်း လူထုအခြေပြု အဖွဲ့အစည်းကိုယ်စား လှယ် ၁၁ ဦးနဲ့ အစိုးရတာဝန်ရှိ ကိုယ်စားလှယ် ၁၁ ဦးတို့ မျက်နှာချင်းဆိုင် တွေ့ဆုံဆွေးနွေးနိုင်ဖို့ ကမ်းလှမ်းထားကြောင်း ဦးအောင်မျိုးမင်းက ပြောသွားပါတယ်။

ဒီလို အာဆီယံလူထုညီလာခံကြီးကို နှစ်စဉ်ကျင်းပပြီး သက်ဆိုင်ရာအစိုးရတွေဆီ အကြံ ပြုတောင်းဆိုချက်တွေ ပေးပို့ခဲ့ရာမှာ လေးစားလိုက်နာတဲ့ နိုင်ငံတွေရှိသလို မလိုက်နာတဲ့ နိုင်ငံတွေလည်းရှိတာကြောင့် ယခင်ကတောင်းဆိုခဲ့ဘူးတာတွေလည်း တဖန်ပြန်ပြီးတောင်းဆို နေရဆဲဘဲလို့ ဆိုပါတယ် ။

ဒီတနှစ်ညီလာခံမှာ အာဆီယံအဖွဲ့ဝင် ၁၀ နိုင်ငံက လူထုအခြေပြုအဖွဲ့အစည်း ကိုယ်စားလှယ်တွေ စုစုပေါင်း ၁၀၀၀ လောက် တက်ရောက်လာပြီး မြန်မာနိုင်ငံအနေနဲ့လည်း လူထုအခြေပြုအဖွဲ့အစည်းပေါင်း ၂၀ ကျော်က ကိုယ်စားလှယ် ၆၀ ကျော် တက်ရော က်ဆွေးနွေးခဲ့ပါတယ် ။

====================================

END / 251