အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
ဘူးသီးတောင်မြို့နယ်တောင်ပိုင်း၊ ကင်းချောင်းကျေးရွာတံတားအနီး မိုင်းပေါက်ကွဲပြီး မိုင်းထောင်တဲ့သူပါ သေဆုံးသွားတယ်လို့ အနောက်ပိုင်းတိုင်းစစ်ဌာနချုပ်မှ ဗိုလ်မှူးကြီး ဝင်းဇော်ဦးက အတည်ပြုပြောကြားပါတယ်။
“မိုင်းပေါက်တာမှန်ပါတယ်၊ ဒီနေ့မနက် ၉ နာရီကျော်လောက်မှာ ဖြစ်တာပါ။ ဒီကောင်တွေ မိုင်းလာထောင်တာ စစ်ကြောင်းတွေလာနိုင်တဲ့ အဲဒီနေရာမှာ ဒီတခါဆိုရင် ၃ ခါရှိပြီ၊ ၂ ခါက မအောင်မြင်ခဲ့ဘူး။ အခုထောင်တာက မိုင်းထောင်တဲ့သူ မကျွမ်းကျင်တဲ့အတွက် မိုင်းထောင်ရင်းနဲ့ ပေါက်ကွဲပြီး ထောင်တဲ့သူပါ သေဆုံးသွားတယ်” လို့ အတည်ပြုပြောကြားပါတယ်။
ကင်ချောင်းကျေးရွာမှ တာဝန်ကျဆရာမတဦးက “ပေါက်ကွဲသံ ၂ ချက်ကြားရတယ်၊ ရွာသူရွာသားတွေပါ စာသင်ကျောင်းနဲ့ ဘုန်းကြီးကျောင်းမှာ ခိုလှုံနေကြတယ်။ အခုတော့ ငြိမ်သက်သွားလို့ ကျမတို့လည်း ဘူးသီးတောင်ကို ပြန်လာကြပါပြီ” လို့ ပြောပါတယ်။
ဘူးသီးတောင် ပြည်နယ်လွှတ်တော်အမတ် ဦးထွန်းအောင်သိန်းက “ရွာသူရွာသားတွေ ပြောတာက မိုင်း ၃ လုံး ပေါက်တယ်လို့တော့ကြားတယ်။ ရွာသူရွာသားတွေ စိုးရိမ်နေကြကြောင်း ဖုန်းဆက်လာကြတယ်” လို့ ဆိုပါတယ်။
ကင်းချောင်းကျေးရွာမှာ အိမ်ခြေ ၂၀ ကျော်နဲ့ ဦးရေ ၁၀၀ ကျော်ရှိပြီး ဘူးသီးတောင်မြို့နဲ့ ၄ မိုင်လောက် ဝေးတယ်လို့ သိရပါတယ်။
====================================
END / 251
၁၅ စက်တင်ဘာ ၂၀၁၉ - ၁၃:၀၁
News ID: 975607
ဘူးသီးတောင်မြို့နယ်တောင်ပိုင်း၊ ကင်းချောင်းကျေး ရွာ တံတားအနီး မိုင်းပေါက်ကွဲပြီး မိုင်းထောင်တဲ့သူပါ သေဆုံး သွားတယ်လို့ အနောက်ပိုင်းတိုင်းစစ်ဌာနချုပ်မှ ဗိုလ်မှူးကြီး ဝင်းဇော်ဦးကအတည်ပြုပြောကြားပါတယ်။
