အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
အစ္စရေးမှာ ဗလီဝတ်ကျောင်းတော် အနည်းဆုံး ၇၀ ကျော်လောက် ဖျက်ဆီးခံရတာ၊ ဂျူးဘုရားကျောင်း၊ စားသာက်ဆိုင်၊ အရက်ဘား၊ ကပွဲရုံတွေအဖြစ် ပြောင်းလဲခံခဲ့ရတယ်လို့ မကြာသေးခင်က စစ်တမ်းတစ်ခုမှာ ဖော်ပြထားပါတယ်။
ဒီစစ်တမ်းကို အစ္စရေးမှာရှိတဲ့ အာရပ်ရေးရာကော်မတီ ပြုစုထုတ်ပြန်တာပါ။ ၏
ဥရောပကနေ ဝင်လာတဲ့ ဂျူးတွေက ပါလက်စတိုင်းပိုင်နက်တွေကို တိုက်ခိုက်သိမ်းပိုက်ပြီး အစ္စရေးနိုင်ငံ ထူထောင်ခဲ့တဲ့ ၁၉၄၈ ခုနှစ်ကတည်းက အနည်းဆုံး ဗလီဝတ်ကျောင်းတော်ပေါင်း ၁၅ လုံးလောက်ကို ဂျူးဘုရားကျောင်းအဖြစ် ပြောင်းလဲခဲ့တယ်ဆိုတာ လေ့လာမှုမှာ တွေ့ခဲ့ရပါတယ်။
ဗလီ အလုံး ၄၀ လောက် ဖျက်ဆီးခံရပြီး အရက်ဘား၊ စားသောက်ဆိုင်၊ ကပွဲရုံ ဒါမှမဟုတ် ပြတိုက်အဖြစ် ပြောင်းခံထားရတဲ့ ဗလီက ၁၄ လုံးလောက် ရှိနေပါတယ်။
“ပါလက်စတိုင်းတွေ ထွက်ပြေးရတဲ့ Nakba ဖြစ်ရပ်အပြီးမှာ ပါလက်စတိုင်းရွာပေါင်း ၅၃၉ ရွာ ဖျက်ဆီးခံခဲ့ရပါတယ်။ ဗလီတွေအပါအဝင် ပါလက်စတိုင်းတွေရဲ့ အဆောက်အဦးအားလုံးဟာ အစ္စရေးအာဏာပိုင်တွေရဲ့ ခံတွင်းဝကို သက်ဆင်းခဲ့ရပါတယ်” လို့ ကော်မတီအကြီးအကဲ ကမားလ် ခါတစ်ဘ်က ပြောကြားခဲ့ပါတယ်။
ဂျူးတွေက ပါလက်စတိုင်းနယ်မြေတွေကို တိုက်ခိုက်သိမ်းပိုက်ပြီး အစ္စရေးနိုင်ငံထူထောင်တဲ့ အဖြစ်အပျက်ကို ပါလက်စတိုင်းတွေက Nakba လို့ ခေါ်ဝေါ်သမုတ်ပါတယ်။
တိုက်ခိုက်မှုကြောင့် ထွက်ပြေးရတဲ့ ပါလက်စတိုင်းတွေရဲ့ နေအိမ်တွေ၊ လယ်ယာမြေတွေကို သိမ်းဆည်းဖို့ အစ္စရေးအစိုးရက ဥပဒေပြဌာန်းထားတာကို ခါတစ်ဘ်က ထောက်ပြခဲ့ပြီး သုဿာန်တွေအပါအဝင် ပါလက်စတိုင်းတွေရဲ့ အမှတ်သညာတွေ၊ သမိုင်းအမွေအနှစ်တွေကို အစ္စရေးအစိုးရက အလေးမထားဘူးလို့လည်း ပြောကြားခဲ့ပါတယ်။
ဝတ်ပြုရာနေရာတွေ ပြန်လည်ရရှိရေး ပါလက်စတိုင်းတွေက ကြိုးစားခဲ့ပေမယ့် အစ္စရေးအစိုးရက အဆင့်ဆင့် တားဆီးပိတ်ဆို့ခဲ့တယ်လို့လည်း ခါတစ်ဘ်က ဆိုပါတယ်။
ဗလီတွေကို တစ်ခြားနေရာတွေအဖြစ် ပြောင်းပစ်တယ်ဆိုတဲ့ သတင်းတွေကို အစ္စရေးအစိုးရက ငြင်းဆိုပါတယ်။
၂၀၁၅ ခုနှစ် အစ္စရေးနိုင်ငံခြားရေးဝန်ကြီးဌာရဲ့ ထုတ်ပြန်ချက်မှာ ပြီးခဲ့တဲ့ ၂၅ နှစ်အတွင်း အစ္စရေးမှာရှိတဲ့ ဗလီအရေအတွက်ဟာ ၅ ဆ များလာကြောင်း၊ အစ္စရေးမှာနေထိုင်တဲ့ မွတ်စလင်တွေ ဝတ်ပြုရာနေရာ တည်ဆောက်နိုင်ဖို့အတွက် အစိုးရက ငွေကြေးထောက်ပံ့မှုတွေ ပြုလုပ်ပြီး၊ ဗလီ ၁၀၀ ကျော်က ရှေ့ဆောင်အီမာမ်တွေကိုလည်း အစိုးရက လခပေးထားကြောင်း ဖော်ပြထားပါတယ်။
ခါသစ်ဘ်က ဒီပြောကြားမှုကို ငြင်းပါတယ်။ အစ္စရေးမှာရှိတဲ့ ဘယ်ဗလီကိုမှ အစ္စရေးအစိုးရက ဆောက်ပေးတာမရှိဘဲ ဘာသာဝင်တွေရဲ့ လှူဒါန်းငွေနဲ့ ဆောက်လုပ်ထားတာ ဖြစ်ကြောင်း၊ ရှေ့ဆောင်အီမာမ်တွေကိုလည်း ဗလီဂေါပကအဖွဲ့ကသာ လခပေးတာဖြစ်ကြောင်း တုန့်ပြန်ပြောကြားခဲ့ပါတယ်။
ဂျူးဘုရားကျောင်းတွေ၊ စားသောက်ဆိုင်တွေ၊ အရက်ဘားတွေ၊ ကပွဲရုံတွေအဖြစ် ပြောင်းလဲခံလိုက်ရတဲ့ ဗလီတွေထဲမှာ အစ္စရေးနိုငငံမြောက်ပိုင်း စဖဒ်မြို့က al-Ahmar ဗလီ၊ ကေဆာရီယာမြို့က al-Jadid ဗလီ၊ ဟိုက်ဖာနဲ့ ဂျက်ဖာမြို့တွေက Ayn Hawd Mosque နဲ့ al-Siksik ဗလီ၊ စတဲ့ ထင်ရှားတဲ့ ဗလီတွေ ပါဝင်ပါတယ်။