အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာန
နိုင်ငံတောင်ပိုင်းက မာရာဝီမြို့ကို IS အကြမ်းဖက်အဖွဲ့က စီးနင်းသိမ်းပိုက်မှုအတွင်း ပျက်ဆီးသွားတဲ့ ဗလီတွေထဲက ဗလီကြီး ၃ လုံးကို ဖိလစ်ပိုင်အစိုးရက အခုလမှာ စတင် ပြင်ဆင်တော့မှာ ဖြစ်ပါတယ်။
စတင်ပြင်ဆင်မယ့် ဗလီတွေဟာ IS အကြမ်းဖက်အဖွဲ့နဲ့ ဖိလစ်ပိုင်တပ်ဖွဲ့တွေအကြား တိုက်ပွဲ အဓိကဖြစ်ပွားတဲ့ နေရာက Darussalam ဗလီ၊ Disomangcop ဗလီနဲ့ White ဗလီတို့ ဖြစ်ပါတယ်။
ဖိလစ်ပိုင် ပြန်လည်ထူထောင်ရေးနဲ့ မြို့ပြ ဖွံ့ဖြိုးတိုးတက်ရေးဌာန ၀န်ကြီး အက်ဒူရာဒို ဒဲလ် ရိုဆာရီယိုက ဒီဗလီတွေကို ပြုပြင်မှုဟာ ၄ ကနေ ၆ လအတွင်း ကြာမြင့်မယ်လို့ ပြောကြားခဲ့ပါတယ်။
ရိုဆာရီယိုဟာ မာရာဝီမြို့ ပြန်လည်ထူထောင်ရေးကို တာဝန်ယူကြီးကြပ်နေသူလည်း ဖြစ်ပါတယ်။
IS အကြမ်းဖက်အဖွဲ့ကို သစ္စာခံတဲ့ မောက်တေအဖွဲ့ဟာ ၂၀၁၇ ခုနှစ်က မာရာဝီမြို့ကို လနဲ့ချီ စီးနင်းသိမ်းပိုက်ခဲ့ပြီး ဖိလစ်ပိုင်အစိုးရတပ်နဲ့ ဒေသတွင်း မိုရိုလက်နက်ကိုင်တပ်တွေ ပူးပေါင်းကာ တိုက်ထုတ်ခဲ့ရပါတယ်။
အခု ဗလီ ၃ လုံးကို ပြုပြင်ဖို့အတွက် ဖိလစ်ပိုင်ပီဆို သန်း ၃၀ ကျော် ကုန်ကျမှာပါ။
ဖိလစ်ပိုင်အစိုးရဟာ မာရာဝီက သမိုင်းဝင်ဗလီတွေဖြေစ်တဲ့ Dansalan Bato Ali ဗလီ၊ Grand ဗလီတို့အပါအ၀င် IS အကြမ်းဖက်အဖွဲ့ကြောင့် ပျက်ဆီးသွားတဲ့ ဗလီ စုစုပေါင်း ၃၁ လုံးကို ပြုပြင်ဖို့ စီစဉ်ထားပါတယ်။
ရိုဆာရီယိုက ဒီလို ဗလီတွေကို ပြုပြင်ပေးတာဟာ တိုက်ခိုက်မှုဒဏ်ကို ခံစားခဲ့ရတဲ့ မာရာဝီပြည်သူတွေရဲ့ စိတ်ဒဏ်ရာကို ကုစားရေး တစ်စိတ်တစ်ပိုင်းဖြစ်တယ်လို့ ထည့်သွင်းပြောဆိုခဲ့ပါတယ်။
“ဒီဗလီတွေဟာ ဖိလစ်ပိုင်က အစ္စလာမ်ဘာသာ၊ အစ္စလာမ်ဘာသာဝင်တွေရဲ့သမိုင်းအတွက် အရေးပါတဲ့ အဆောက်အဦးတွေပါ။ ကျွန်တော်တို့ရဲ့မိတ်ဖက် ဆောက်လုပ်ရေး လုပ်ငန်းတွေရဲ့ ရက်ရောကူညီမှုတွေဟာ မာရာဝီပြည်သူတွေရဲ့ စိတ်ဓာတ်ကို မြှင့်တင်ရာမှာ၊ သူတို့အတွက် သာယာဝပြောရေးကို ဆောင်ကျဉ်းရာမှာ အထောက်အကူ ဖြစ်စေမှာ ဖြစ်ပါတယ်”
Grand ဗလီဟာ မာရာဝီနဲ့ မင်ဒါနာအိုဒေသ မြောက်ပိုင်းမှာ အကြီးဆုံး ဗလီဖြစ်ပြီး မာရာဝီက အစ္စလာမ်သာသနာရဲ့ အမှတ်အသားတစ်ခုလည်း ဖြစ်ပါတယ်။
Bato ဗလီက မာရာဝီမြို့ရဲ့ သက်တမ်းအရင့်ဆုံး ဗလီဝတ်ကျောင်းတော် ဖြစ်ပါတယ်။
***************************************************
END / 251