အရှေ့အလယ်ပိုင်း၏ အကြီးဆုံး အဏ္ဏဝါပြတိုက်ကို အဘူဒါဘီတွင် ဖွင့်လှစ်မည်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ



အရှေ့အလယ်ပိုင်းဒေသရဲ့ အကြီးဆုံး အဏ္ဏဝါပြတိုက် National Aquarium ကို အခုနှစ်ကုန်ပိုင်းမှာ ဖွင့်လှစ်သွားမယ်လို့ အာရပ်စော်ဘွားများပြည်ထောင်စု (ယူအေအီး) နိုင်ငံက ပြောကြားလိုက်ပါတယ်။

အဘူဒါဘီမြို့က အဲဒီပြတိုက်မှာ ပြသမယ့် ရေနေသတ္တဝါတွေထဲမှာ ငါးမန်းနဲ့ ငါးလိပ်ကျောက် မျိုးစိတ် ၂၅ မျိုးက အကောင်​ရေ ၂၀၀ ကျော်လည်း ပါဝင်မှာဖြစ်ပါတယ်။ ငါးမန်းမျိုးစိတ်တွေထဲမှာ အန္တရာယ်အပေးနိုင်ဆုံး အမျိုးစားဖြစ်တဲ့ Bull Shark ငါးမန်းတွေကို အရှေ့အလယ်ပိုင်းက ပြည်သူတွေ ဒီပြတိုက်မှာ ပထမဆုံး လေ့လာကြည့်ရှုနိုင်မှာပါ။

အခြား ငါးမန်းအမျိုးအစားတွေဖြစ်တဲ့ Sand Tiger၊ Lemon၊၊ Zebra၊ Black Tip Reef၊ ငါးလိပ်ကျောက်တွေထဲမှာ Eagle၊ Shovelnose၊ Cownose၊ Freshwater စတာတွေ ပါဝင်မှာပါ။ ငါးမန်းအစာကျွေးပွဲလို ရေသတ္တဝါတွေကို ကိုယ်တိုင် ထိတွေ့ဆက်သွယ်နိုင်မယ့် စိတ်ဝင်စားဖွယ် အစီအစဉ်တွေကိုလည်း ပြတိုက်မှာ ကျင်းပပေးမှာဖြစ်ပါတယ်။

ပြတိုက်ရဲ့ အထွေထွေမန်နေဂျာ ပေါလ်ဟမီလ်တန်က ထူးခြားဆန်းပြတဲ့ ရေသတ္တဝါတွေ၊ စိတ်ဝင်စားဖွယ် အစီအစဉ်တွေကို အခုနှစ်ကုန်ပိုင်းမှာ ခရီးသွားတွေကို မိတ်ဆက်ပေးနိုင်ဖို့ မစောင့်နိုင်တော့ဘူးလို့ ပြောပါတယ်။

“လူတွေဟာ ပုံမှန်အားဖြင့် ငါးမန်းကို ​ကြောက်ကြတယ်။ သမုဒ္ဒရာတွေ ရေရှည်တည်တံ့ရေးအတွက် အလွန်အင်မတန် အရေးပါတဲ့ ရင်သပ်ရှုမောစရာ ဒီသတ္တဝါကြီးကို ကြည့်ရှုခံစားစေချင်ပါတယ်။ ပြတိုက်မှာ ဒီသတ္တဝါတွေနဲ့ ထိတွေ့တာဟာ ကြောက်ရွံ့မှုတွေ၊ အမြင်မှားမှုတွေ ပြေပျောက်စေဖို့ အထောက်အကူဖြစ်မှာပါ”

National Aquarium ပြတိုက်ဟာ ယူအေအီးနိုင်ငံအတွင်း ​တောရိုင်းတိရစ္ဆာန် ထိန်းသိမ်းကာကွယ်ရေးနဲ့ စောင့်ရှောက်ရေး စီမံကိန်းကြီးတစ်ခုကို ဖော်ဆောင်ဖို့တွက် အစိုးရ သဘာဝပတ်ဝန်းကျင်ဆိုင်ရာ အေဂျင်စီ Environment Agency Abu Dhabi နဲ့ ၂၀၂၀ ခုနှစ်မှာ ၅ နှစ်စာချုပ် ချုပ်ဆိုခဲ့ပါတယ်။


****************************************************************

END / 251