ဉာဏ်ရည် တုနည်းပညာ တွင် အမေရိကန်က တရုတ်ကို ရှုံးသွားပြီဟု ထိပ်တန်း ကွန်ပျူတာ ပညာရှင် ပြော

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ




ဉာဏ်ရည်တုနည်းပညာ (AI) ပြိုင်ပွဲမှာ တရုတ်က အမေရိကန်ကို အနိုင်ရသွားပြီး ဒီကဏ္ဍမှာ တရုတ်က ကမ္ဘာကို ကြီးစိုးဖို့ ဦးတည်နေပြီလို့ အမေရိကန်စစ်တပ်ရဲ့ ကွန်ပျူတာဆော့ဖ်ဝဲဆိုင်ရာ အကြီးအကဲဟောင်းက Financial Times သတင်းဌာနကို ပြောကြားလိုက်ပါတယ်။

အနောက်ကမ္ဘာက ထောက်လှမ်းရေး သတင်းအချက်အလက် သုံးသပ်မှုတွေအရ တရုတ်ဟာ ဉာဏ်ရည်တုနည်းပညာ၊ စင်သက်တစ်ဇီဝဗေဒ (synthetic biology) နဲ့ မျိုးရိုးဗီဇဆိုင်ရာ နည်းပညာတွေလို ခေတ်ရှေ့ပြေး နည်းပညာတွေမှာ လာမယ့် ၁၀ စုနှစ်တွေအတွင်း လွှမ်းမိုးဖို့အလားအလာ ရှိနေတာကို တွေ့ခဲ့ရပါတယ်။

အမေရိကန်စစ်ဌာနချုပ် ပင်တဂွန်က ဆော့ဖ်ဝဲဆိုင်ရာ အကြီးအကဲဟောင်း နီကိုလက်စ် ချိုင်လန်က တရုတ်ရဲ့ ဒီကြီးထွားလာမှုကို မတုန့်ပြန်နိုင်တာကြောင့် အမေရိကန်ဟာ အန္တရာယ်ရှိနေပြီလို့ ဆိုပါတယ်။ အမေရိကန်စစ်တပ်မှာ နည်းပညာဆိုင်ရာ ပြုပြင်ပြောင်းလဲမှု နှေးကွေးတယ်လို့ဆိုကာ ချိုင်လန်က စက်တင်ဘာလအတွင်း ရာထူးကနေ နှုတ်ထွက်ခဲ့တာ ဖြစ်ပါတယ်။

“လာမယ့် ၁၅ နှစ်၊ နှစ် ၂၀ လောက်ဆိုရင် ကျွန်​တော်တို့ တရုတ်ကို ယှဉ်နိုင်မယ့် အနေအထား ရှိတော့မှာ မဟုတ်ပါဘူး။ အခုအချိန်မှာ​ဆိုရင်တောင် ကျွန်တော့်အမြင်အရ ပွဲက ပြီးသွားပါပြီ”

တရုတ်ဟာ မီဒီယာ​ကနေ၊ ပထ၀ီနိုင်ငံရေးအထိ အရာအားလုံးကို လွှမ်းမိုးပြီး ကမ္ဘာကြီးရဲ့အနာဂတ်ကို ထိန်းချုပ်ဖို့ စီမံနေပြီလို့လည်း ချိုင်လန်က ဆိုပါတယ်။

ဉာဏ်ရည်တုနည်းပညာနဲ့ ပတ်သက်လာရင် Google လို နည်းပညာကုမ္ပဏီတွေက အစိုးရနဲ့ ပူးပေါင်းဆောင်ရွက်မှု မလုပ်ဘဲ ကျင့်ဝတ်ပိုင်းဆိုင်ရာ ငြင်းခုံမှုတွေမှာပဲ ပိုမိုအာရုံစိုက်နေကြောင်း၊ တစ်ချို့အစိုးရဌာနတွေမှာ ဆိုက်ဘာလုံခြုံရေးဟာ မူလတန်းအဆင့်လောက်သာရှိကြောင်း ချိုင်လန်က ဝေဖန်ခဲ့ပါတယ်။

တရုတ်ကုမ္ပဏီတွေကတော့ ကျင့်ဝတ်ကိစ္စကို ဘေးဖယ်ထားပြီး တရုတ်အစိုးရနဲ့ပေါင်းကာအကြီးအကျယ် ရင်းနှီးမြှုပ်နှံနေကြတယ်လို့လည်း သူက ဆိုပါတယ်။

အမေရိကန်လေတပ်ရဲ့ ပြောရေးဆိုခွင့်ရှိသူ ဖရန့် ကန်ဒဲလ်က နှုတ်ထွက်သွားတဲ့ ချိုင်လန်ကို ခေါ်ကာ လေတပ်ရဲ့ ဆော့ဖ်ဝဲဆိုင်ရာ ဖွံဖြိုးတိုးတက်မှု ကိစ္စနဲ့ပတ်သက်ပြီး သူ့ရဲ့ အကြံပြုချက်တွေကို ဆွေးနွေးခဲ့ကြောင်း၊ ချိုင်လန်ရဲ့ ကူညီမှုတွေအတွက် ကျေးဇူးတင်ကြောင်း ပြောကြားခဲ့ပါတယ်။

#############################                       
END / 251