အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
စစ်ဦးစီးချုပ် ဗိုလ်ချုပ်ကြီး ဘီပင် ရာဝပ်ဟာ နိုင်ငံတောင်ပိုင်း တမီလ်နာဒူးပြည်နယ်မှာ လေယာဉ်ပျက်ကျ သေဆုံးသွားတယ်လို့ အိန္ဒိယလေတပ်က အတည်ပြုထုတ်ပြန်လိုက်ပါတယ်။
ဗိုလ်ချုပ်ကြီးရာဝပ် လိုက်ပါသွားတဲ့ Mi-17V5 ရဟတ်ယာဉ် ပျက်ကျသွားတယ်ဆိုတဲ့သတင်းတွေ ဒေသစံတော်ချိန် ဒီကနေ့ နေ့လယ်ပိုင်းလောက်ကတည်းက ကျယ်ကျယ်ပြန့်ပြန့်ထွက်ပေါ်နေတာဖြစ်ပါတယ်။
လေတပ်ရဲ့ ထုတ်ပြန်ချက်မှာ ရဟတ်ယာဉ်ဟာ လေတပ်စခန်းကနေ ကာကွယ်ရေးကောလိပ်ကိုအသွားမှာ ပျက်ခဲ့တာဖြစ်ပြီး ဒီအတွက် စုံစမ်းစစ်ဆေးမှုတွေလုပ်နေကာ ကာကွယ်ရေးဝန်ကြီးကလည်း ညနေပိုင်းမှာ လွှတ်တော်ကို တင်ပြဖို့ရှိတယ်လို့ ဖော်ပြထားပါတယ်။
လေယာဉ်ပျက်မှုအတွင်း ဗိုလ်ချုပ်ကြီးရာဝပ်ရဲ့ဇနီးနဲ့ လေယာဉ်ပေါ်လိုက်ပါသွားသူ အခြား ၁၁ ဦးလည်း သေဆုံးခဲ့ပါတယ်။
ကြည်း၊ ရေ၊ လေ စစ်ဦးစီးအရာရှိချုပ်တွေကို ကွပ်ကဲမယ့် စစ်ဦးစီးချုပ်ရာထူးကို အိန္ဒိယအစိုးရက ၂၀၁၉ ခုနှစ်မှာ ဖန်တီးကာ အငြိမ်းစားယူသွားပြီဖြစ်တဲ့ ဗိုလ်ချုပ်ကြီး ဘီပင်ရာဝပ်ကို ခေါ်ယူခန့်အပ်ခဲ့တာ ဖြစ်ပါတယ်။
ဗိုလ်ချုပ်ကြီးဟာ ဝန်ကြီးချုပ်မိုဒီနဲ့ နီးစပ်သူဖြစ်ပြီး၊ ကာကွယ်ရေးဝန်ကြီးဌာန အကြံပေးအဖြစ် တာဝန်ထမ်းဆောင်ခဲ့ဖူးပါတယ်။ မိဘမျိုးရိုးက စစ်သားမျိုးဖြစ်ပြီး ဗိုလ်ချုပ်ကြီးကိုယ်တိုင်လည်း အိန္ဒိယစစ်တပ်မှာ နှစ်ပေါင်း ၄၀ လောက် တာဝန်ထမ်းဆောင်ခဲ့ပါတယ်။
ပါကစ္စတန်၊ တရုတ်တို့နဲ့ ပိုင်နက်အငြင်းပွားမှုရှိနေတဲ့ ကက်ရ်ှမီးယားဒေသက တပ်တွေကို ကွပ်ကဲရသူ ဖြစ်ပါတယ်။ နိုင်ငံအနောက်မြောက်ပိုင်းမှာ လက်နက်ကိုင်ပဋိပက္ခလျော့ကျအောင် ဆောင်ရွက်နိုင်ခဲ့လို့ ကျော်ကြားသလို မြန်မာနိုင်ငံထဲအထိ ဝင်ရောက်ဆင်နွှဲတဲ့ သူပုန်တိုက်ဖျက်မှု စစ်ဆင်ရေးကိုလည်း ဗိုလ်ချုပ်ကြီးရာဝပ်က ကွပ်ကဲခဲ့ဖူးပါတယ်။
*********************************************************************
END / 251