စစ်တပ်ဝင်ငွေရနေသည့် သဘာဝဓာတ်ငွေ့လုပ်ငန်းကို ထိုင်းကုမ္ပဏီက ဆက်လက်လုပ်ကိုင်မည်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


စစ်တပ်ဝင်ငွေရနေသည့် သဘာဝဓာတ်ငွေ့လုပ်ငန်းကို ထိုင်းကုမ္ပဏီက ဆက်လက်လုပ်ကိုင်မည်ပြင်သစ်နဲ့ အမေရိကန်ကုမ္ပဏီတွေက ထွက်ခွာဖို့ ပြင်ဆင်နေတဲ့ ရတနာ သဘာဝဓာတ်ငွေ့ စီမံကိန်းကို ထိုင်းအခြေစိုက် PTTEP ကုမ္ပဏီက အပြည့်အ၀ ထိန်းချုပ်လုပ်ကိုင်ဖို့ ပြင်ဆင်နေပါတယ်။

မြန်မာနိုင်ငံက ရေနံနဲ့ သဘာဝဓာတ်ငွေ့လုပ်ငန်းတွေဟာ လူထုကိုဖိနှိပ်ညှင်းပမ်းတဲ့ စစ်တပ်အတွက် နိုင်ငံခြားငွေ အဓိကရရှိတဲ့ ရင်းမြစ်တွေ ဖြစ်နေပါတယ်။

ရတနာ ကမ်းလွန် သဘာဝဓာတ်ငွေ့ ထုတ်လုပ်ရေးစီမံကိန်းကို Moattama Gas Transportation Company (MGTC) လုပ်ငန်းခေါင်းစဉ်အောက်မှာ ပြင်သစ်၊ အမေရိကန်နဲ့ ထိုင်း စွမ်းအင်ကုမ္ပဏီတွေဖြစ်တဲ့ Total Energies၊ Chevron နဲ့ PTTEP၊ မြန်မာစစ်တပ်ပိုင် လုပ်ငန်းစုတွေ ပူးပေါင်းလုပ်ကိုင်နေတာ​ ဖြစ်ပါတယ်။

၂၀၂၁ ခုနှစ် ဖေဖော်ဝါရီ ၁ ရက်နေ့ စစ်တပ်က အာဏာသိမ်းပြီးနောက်ပိုင်း နိုင်ငံတစ်ဝှမ်း အကြမ်းဖက်မှုတွေ ကျူးလွန်လာတာကြောင့် မြန်မာနိုင်ငံကနေ ထွက်ခွာတော့မယ်လို့ Total Energies နဲ့ Chevron တို့က ဇန်နဝါရီလမှာ ထုတ်ပြန်ကြေငြာခဲ့ပါတယ်။

ထိုင်းစွမ်းကုမ္ပဏီ PTTEP ရဲ့ တာဝန်ရှိသူတစ်ဦးက စီမံကိန်းကို ၎င်းတို့ ဆက်လက်လုပ်ကိုင် သွားမယ်လို့ ပြောပါတယ်။

“မြန်မာနဲ့ ထိုင်းနိုင်ငံရဲ့ စွမ်းအင်လုံခြုံမှုဆိုင်ရာ အရေးပါမှု၊ နှစ်နိုင်ငံပြည်သူတွေရဲ့ စွမ်းအင်လိုအပ်ချက်အပေါ် ရိုက်ခတ်လာနိုင်မှု စတာတွေကို အဓိကဦးစားပေးပြီး Yadana စီမံကိန်းနဲ့ MGTC လုပ်ငန်းနဲ့ပတ်သက်တဲ့ ဖြစ်နိုင်မယ့် အနေအထားတွေအားလုံးကို PTTEP က အသေအချာ စဉ်းစားသုံးသပ်နေပါတယ်”

အာဏာသိမ်းစစ်ကောင်စီရဲ့ ပြောရေးဆိုခွင့်ရှိသူ ဗိုလ်မှူးချုပ် ဇော်မင်းထွန်းကလည်း ရတနာ သဘာဝဓာတ်ငွေ့ စီမံကိန်းကို ထိုင်း PTTEP က အပြည့်အ၀ ထိန်းချုပ်လုပ်ကိုင်ဖို့ ဆန္ဒရှိကြောင်း မကြာသေးမီက ထုတ်ဖော်ပြောဆိုထားပါတယ်။
****************************************************************
END / 251