တိရစ္ဆာန်ရုံမှဆင်မ လူ့အခွင့်အရေး ရသင့်၊ မရသင့် အမေရိကန်တရားရုံး ဆုံးဖြတ်မည်

 
အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


အသက် ၄၇ နှစ်အရွယ် ဆင်မတစ်ကောင်ဟာ တိရစ္ဆာန်ရုံမှာ အကျဉ်းချခံနေရတဲ့ အနေအထားရှိနေလား၊ လူတွေရသင့်ရထိုက်တဲ့ လွတ်လပ်စွာ သွားလာလှုပ်ရှားခွင့် ပေးသင့်လားဆိုတာကို အမေရိကန်ပြည်ထောင်စု နယူးယောက်တရားရုံးက ဆုံးဖြတ်ဖို့ ရှိနေပါတယ်။

Happy လို့ အမည်ရတဲ့ အဲ့ဒီဆင်မလေး Bronx တိရစ္ဆာန်ရုံကနေ လွတ်မြောက်ခွင့်ရဖို့ လူ့အခွင့်အရေးအဖွဲ့တစ်ခုဖြစ်တဲ့ Nonhuman Rights Project (NhRP) က ဆောင်ရွက်ပေးနေတာပါ။ ဒီကိစ္စနဲ့ပတ်သက်ပြီး ၂၀၁၈ ခုနှစ်မှာ ပထမဆုံး တရားရုံးကို လျှောက်ထားခဲ့တာဖြစ်ပါတယ်။

NhRP အဖွဲ့နဲ့ တိရစ္ဆာန်ရုံ နှစ်ဖက်စလုံးက လျှောက်လဲချက်တွေကို ကြားနာပြီးတဲ့နောက် လာမယ့် ၄ ပတ်ကနေ ၆ ပတ်အတွင်း အမိန့်ချမယ်လို့ နယူးယောက်တရားရုံးက ပြီးခဲ့တဲ့တစ်ပတ်မှာ ထုတ်ပြန်ခဲ့ပါတယ်။

တောထဲမှာ ဆင်တွေဟာ ၀လေံခေါင်ဖျားတဲ့ဒေသတွေအထိ လှည့်ပတ်သွားလာ နေထိုင်တတ်တာကြောင့် ဆင်မလေး Happy ကို တိရစ္ဆာန်ရုံထဲမှာ ထည့်ထားတာဟာ လူတွေကို တိုက်ပိတ်အကျဉ်ချထားတာနဲ့ ဆင်တူတယ်လို့ NhRP အဖွဲ့ရဲ့ လျှောက်ထားမှုမှာ ဖော်ပြထားပါတယ်။

NhRP ဟာ လူဝံ၊ မျောက်ဝံ၊ လင်းပိုင်နဲ့ ၀လေငါးတွေ တိရစ္ဆာန်ရုံထဲ ပိတ်လှောင်ခံရမှု ပပျောက်ရေး ကြိုးပမ်းနေတဲ့အဖွဲ့ ဖြစ်ပါတယ်။

အာရှဆင်တစ်ကောင်ဖြစ်တဲ့ Happy ဟာ ၁၉၇၁ ခုနှစ်က တောထဲမှာ မွေးဖွားခဲ့တာဖြစ်ပြီး Bronx တိရစ္ဆာန်ရုံမှာရှိတဲ့ အာရှဆင်နှစ်ကောင်ထဲက တစ်ကောင်ဖြစ်ပါတယ်။

တိရစ္ဆာန်ရုံမှာ ဒီလို ပိတ်လှောင်ထားခြင်းက ဆင်တွေရဲ့ ရုပ်ပိုင်းဆိုင်ရာ၊ စိတ်ပိုင်းဆိုင်ရာကို အလွန်အမင်း ထိခိုက်စေတယ်လို့ ဆင်သုတေသနပညာရှင် ဂျွိုက်စ်ပိုးလ်က ပြောပါတယ်။

NhRP ဟာ Happy ကို တန်နက်ဆီ ပြည်နယ်၊ ဒါမှမဟုတ် ကယ်လီဖိုးနီးယားက ဆင်ထိန်းသိမ်းစောင့်ရှောက်ရေးစခန်းမှာ ဘေးမဲ့လွှတ်ပေးပြီး ဆင်တစ်ကောင်ရဲ့ ဘ၀အစစ်အမှန်ကိုရဖို့ တောင်းဆိုနေတာပါ။

တိရစ္ဆာန်ရုံက Happy ဟာ အခြားဆင်နဲ့ အဆက်အသွယ်ရှိသလို၊ ကျွမ်းကျင်တဲ့ တိရစ္ဆာန်ထိန်းသိမ်းစောင့်ရှောက်သူတွေ၊ ဆရာဝန်တွေက ကြင်နာယုယစွာ စောင့်ရှောက်ပေးထားကြောင်း၊ အမေရိကန်ရဲ့ တိရစ္ဆာန်စောင့်ရှောက်ရေး အက်ဥပဒေအတိုင်း ကာကွယ်ထားကြောင်း တုန့်ပြန်ပြောကြားခဲ့ပါတယ်။

****************************************************************
END / 251