အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
Sahar News သတင်းအထောက်အထားများ အရ အမေရိကန် နိုင်ငံ Kentucky ပြည်နယ်၊ Louisville ရှိ လူစည်ကားသော ပန်းခြံတစ်ခုတွင် ပြီးခဲ့သည့် သီတင်းပတ်က ပစ်ခတ်မှုအတွင်း လူနှစ်ဦး သေဆုံးပြီး လေးဦး ဒဏ်ရာရရှိခဲ့ကြောင်း အမေရိကန် ရဲတပ်ဖွဲ့က အတည်ပြု ပြောကြားခဲ့ပါတယ်။
ထိုနည်းတူစွာ အလာဘားမားပြည်နယ်တွင် မွေးနေ့ပါတီတစ်ခု၌ ပစ်ခတ်မှုတစ်ခုအတွင်း လူ ၄ ဦး သေဆုံးပြီး ၂၀ ဒဏ်ရာရရှိခဲ့ကြောင်း လည်း သိရှိရပါတယ်။
ပြည်နယ်မြို့တော် Montgomery အရှေ့မြောက်ဘက်ရှိ Dadeville ရှိ အကစတူဒီယိုတစ်ခုတွင် Sweet 16 ပါတီပွဲအတွင်း ပစ်ခတ် မှု ဖြစ်ပွား ခဲ့ခြင်းဖြစ်ပါတယ်။
Alabama Law Enforcement Agency (ALEA) မှ ပြောရေးဆိုခွင့်ရှိသူ တပ်ကြပ်ကြီး Jeremy Burkett က အဆိုပါ ဖြစ်ရပ်တွင် လူလေးဦး သေဆုံး ပြီး အများအပြား ဒဏ်ရာရရှိခဲ့ကြောင်း သတင်းထောက်များ အား ပြောကြားခဲ့ပါတယ်။
Annette Allen က သေဆုံးသူများထဲတွင် ၎င်း၏ညီမ Alexis ၏ 16 နှစ်မြောက် မွေးနေ့ပွဲကို ကျင်းပနေသည့် ၎င်း၏မြေးဖြစ်သူ Phil Dowdell ဖြစ်သည်ဟု Montgomery Advertiser အား ပြောပြခဲ့ ပါတယ်။
အခင်းဖြစ်ပွားပြီး နာရီပိုင်းအကြာတွင်ပင် တရားဥပဒေစိုးမိုးရေး အာဏာပိုင်များက မည်သူမည်ဝါကို ပစ်ခတ်ရခြင်းအကြောင်း အသေး စိတ်ကို ထုတ်ဖော်ပြောဆိုခြင်း မရှိကြောင်း သိရှိရပါတယ်။
FBI အပါအဝင် ဖက်ဒရယ်အေဂျင်စီများနှင့်အတူ ဒေသတွင်း တရားဥပဒေစိုးမိုးရေးအေဂျင်စီများသည် စုံစမ်းစစ်ဆေးမှုတစ်ခုကို စတင်ခဲ့ ကြောင်း သိရှိရပါတယ်။
ဤအဖြစ်အပျက် ဟာ ၂၀၀၇ ခုနှစ်က Virginia Tech မှာ လူ ၃၂ ဦး သေဆုံးခဲ့ရတဲ့ အမေရိ ကန် ပြည်ထောင်စု ၏ ကျောင်းပစ်ခတ်မှု ၁၆ နှစ်မြောက် နှစ်ပတ်လည်နေ့မှာ ဖြစ်ပွားခဲ့ခြင်း ဖြစ်ပါ တယ်။
Gun Violence Archive ၏ အဆိုအရ အမေရိကန် နိုင်ငံ တွင် ၂၀၂၃ခုနှစ် အတွင်း အစုလိုက် အပြုံလိုက် ပစ်ခတ်မှုကြီး ၁၆၃ခု ဖြစ်ပွား ခဲ့ ကြောင်း သိရပါတယ်။
****************************************************************
END / 251