အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
၂၀၀၂ ခုနှစ် ဂူဂျာရတ်ပြည်နယ်က အကြမ်းဖက်တိုက်ခိုက်မှုမှာ မွတ်စလင် ၁၁ ဦးကို သတ်ဖြတ်မှုနဲ့ စွပ်စွဲခံရသူ ၆၉ ဦးကို အိန္ဒိယ တရားရုံးက ကြာသာပတေးနေ့မှာ တရားသေ လွှတ်ပေးလိုက်ပါတယ်။
အဟ်မဒ်ဒါဘတ်မြို့မှာ ၂၀၀၂ ခုနှစ် ဖေဖော်၀ါရီ ၂၈ ရက်နေ့က ဖြစ်ပွားခဲ့တဲ့ သတ်ဖြတ်မှုဖြစ်ပါတယ်။ ဒီကိစ္စအတွက် ၈၆ ဦး တရားစွဲဆိုခံခဲ့ရပြီး ၁၇ ဦးက အမှုရင်ဆိုင်နေစဥ်အတွင်းမှာ သေဆုံးခဲ့ပါတယ်။
“တရားမျှတမှုဟာ နစ်နာသူတွေကို ထပ်ပြီး ကျောခိုင်းသွားပါပြီ။ ဒီလူတွေကို ဘယ်အချက်နဲ့ တရားသေ လွှတ်ပေးလိုက်လဲဆိုတာ ကျွန်တော်တို့ လေ့လာသွားမှာပါ” လို့ တရားလိုရှေ့နေ ရှမ်ရှဒ် ပထန်က ပြောပါတယ်။
စီရင်ချက်ကို ပြန်လည်သုံးသပ်ဖို့ အထက်ရုံးကို တင်သွားမယ်လို့လည်း ပထန်က ဆိုပါတယ်။
လွှတ်ပေးလိုက်သူတွေထဲမှာ ဟိန္ဒူအမျိုးသားရေးပါတီ BJP က ထင်ရှားသူ အမျိုးသမီး မာယာ ကိုဒ်နာနီလည်း ပါ၀င်ပါတယ်။ အခင်းဖြစ်ပွားစဥ်က သူမဟာ လွှတ်တော်အမတ်တစ်ဦးဖြစ်ပြီး နောက်ပိုင်း ၀န်ကြီးချုပ်မိုဒီအစိုးရမှာ ၀န်ကြီးအဖြစ် တာ၀န်ထမ်းဆောင်ဖူးပါတယ်။
သူမဟာ ဂူဂျာရတ်အကြမ်းဖက်မှုက မွတ်စလင် ၉၇ ဦး သတ်ဖြတ်ခံရတဲ့ အခြားအမှုတစ်ခုအတွက် တရားစွဲဆိုခံရကာ အပြစ်ရှိကြောင်း တွေ့ရတဲ့အတွက် ထောင်ဒဏ် ချမှတ်ခံခဲ့ရပါတယ်။ ဒါပေမယ့်နောက်ပိုင်းမှာ BJP သြဇာနဲ့ ပြန်လည်လွတ်မြောက်ခဲ့ပါတယ်။
ဟိန္ဒူအစွန်းရောက်အဖွဲ့တွေဖြစ်တဲ့ Bajrang Dal နဲ့ Vishwa Hindu Parishad ခေါင်းဆောင်တွေဟာ အဟ်မဒ်ဒါဘတ်က သတ်ဖြတ်မှုမှာ တရားစွဲဆိုခံခဲ့ရပေမယ့် မနေ့က တရားသေ လွတ်မြောက်လာခဲ့ပါတယ်။
ဟိန္ဒူဘုရားဖူးတွေ စီးလာတဲ့ရထား မီးလောင်မှုကို မွတ်စလင်တွေက လုပ်တယ်ဆိုတဲ့ ၀ါဒဖြန့်မှုကြောင့် ၂၀၀၂ ခုနှစ်က ဂူဂျာရတ်ပြည်နယ်တစ်၀ှမ်းမှာ မွတ်စလင်တွေ အကြမ်းဖက်သတ်ဖြတ်ခံခဲ့ရပြီး အစိုးရစာရင်းတွေအရ အနည်းဆုံး တစ်ထောင်လောက် သေဆုံးတယ်လို့ ဆိုပါတယ်။
လေ့လာဆန်းစစ်သူတွေက သေဆုံးသူအရေအတွက်ဟာ အခုထက် ပိုမိုများပြားတယ်လို့ ထောက်ပြခဲ့ကြပါတယ်။
လက်ရှိ အိန္ဒိယ၀န်ကြီးချုပ် မိုဒီဟာ တိုက်ခိုက်မှုဖြစ်ပွားစဥ်က ဂူဂျာရတ်ပြည်နယ် အုပ်ချုပ်ရေးမှူးဖြစ်ပြီး၊ ဒီအဖြစ်အပျက်ကို ထိထိရောက်ရောက် ထိန်းသိမ်းခဲ့ခြင်းမရှိဘူးလို့ စွပ်စွဲခံခဲ့ရပါတယ်။
မွတ်စလင်တွေကို တိုက်ခိုက်မှုမှာ ပြည်နယ်ရဲတပ်ဖွဲ့နဲ့ အစိုးရအဖွဲ့က တာ၀န်ရှိသူတွေ ပူးပေါင်းပါ၀င်ခဲ့တဲ့ အထောက်အထားတွေကိုလည်း နောက်ပိုင်းမှာ ကျွမ်းကျင်သူတွေက ဖော်ထုတ်ခဲ့ကြပါတယ်။
****************************************************************
END / 251
၂၀၀၂ ခုနှစ် ဂူဂျာရတ်ပြည်နယ်က အကြမ်းဖက်တိုက်ခိုက်မှုမှာ မွတ်စလင် ၁၁ ဦးကို သတ်ဖြတ်မှုနဲ့ စွပ်စွဲခံရသူ ၆၉ ဦးကို အိန္ဒိယ တရားရုံးက ကြာသာပတေးနေ့မှာ တရားသေ လွှတ်ပေးလိုက်ပါတယ်။
အဟ်မဒ်ဒါဘတ်မြို့မှာ ၂၀၀၂ ခုနှစ် ဖေဖော်၀ါရီ ၂၈ ရက်နေ့က ဖြစ်ပွားခဲ့တဲ့ သတ်ဖြတ်မှုဖြစ်ပါတယ်။ ဒီကိစ္စအတွက် ၈၆ ဦး တရားစွဲဆိုခံခဲ့ရပြီး ၁၇ ဦးက အမှုရင်ဆိုင်နေစဥ်အတွင်းမှာ သေဆုံးခဲ့ပါတယ်။
“တရားမျှတမှုဟာ နစ်နာသူတွေကို ထပ်ပြီး ကျောခိုင်းသွားပါပြီ။ ဒီလူတွေကို ဘယ်အချက်နဲ့ တရားသေ လွှတ်ပေးလိုက်လဲဆိုတာ ကျွန်တော်တို့ လေ့လာသွားမှာပါ” လို့ တရားလိုရှေ့နေ ရှမ်ရှဒ် ပထန်က ပြောပါတယ်။
စီရင်ချက်ကို ပြန်လည်သုံးသပ်ဖို့ အထက်ရုံးကို တင်သွားမယ်လို့လည်း ပထန်က ဆိုပါတယ်။
လွှတ်ပေးလိုက်သူတွေထဲမှာ ဟိန္ဒူအမျိုးသားရေးပါတီ BJP က ထင်ရှားသူ အမျိုးသမီး မာယာ ကိုဒ်နာနီလည်း ပါ၀င်ပါတယ်။ အခင်းဖြစ်ပွားစဥ်က သူမဟာ လွှတ်တော်အမတ်တစ်ဦးဖြစ်ပြီး နောက်ပိုင်း ၀န်ကြီးချုပ်မိုဒီအစိုးရမှာ ၀န်ကြီးအဖြစ် တာ၀န်ထမ်းဆောင်ဖူးပါတယ်။
သူမဟာ ဂူဂျာရတ်အကြမ်းဖက်မှုက မွတ်စလင် ၉၇ ဦး သတ်ဖြတ်ခံရတဲ့ အခြားအမှုတစ်ခုအတွက် တရားစွဲဆိုခံရကာ အပြစ်ရှိကြောင်း တွေ့ရတဲ့အတွက် ထောင်ဒဏ် ချမှတ်ခံခဲ့ရပါတယ်။ ဒါပေမယ့်နောက်ပိုင်းမှာ BJP သြဇာနဲ့ ပြန်လည်လွတ်မြောက်ခဲ့ပါတယ်။
ဟိန္ဒူအစွန်းရောက်အဖွဲ့တွေဖြစ်တဲ့ Bajrang Dal နဲ့ Vishwa Hindu Parishad ခေါင်းဆောင်တွေဟာ အဟ်မဒ်ဒါဘတ်က သတ်ဖြတ်မှုမှာ တရားစွဲဆိုခံခဲ့ရပေမယ့် မနေ့က တရားသေ လွတ်မြောက်လာခဲ့ပါတယ်။
ဟိန္ဒူဘုရားဖူးတွေ စီးလာတဲ့ရထား မီးလောင်မှုကို မွတ်စလင်တွေက လုပ်တယ်ဆိုတဲ့ ၀ါဒဖြန့်မှုကြောင့် ၂၀၀၂ ခုနှစ်က ဂူဂျာရတ်ပြည်နယ်တစ်၀ှမ်းမှာ မွတ်စလင်တွေ အကြမ်းဖက်သတ်ဖြတ်ခံခဲ့ရပြီး အစိုးရစာရင်းတွေအရ အနည်းဆုံး တစ်ထောင်လောက် သေဆုံးတယ်လို့ ဆိုပါတယ်။
လေ့လာဆန်းစစ်သူတွေက သေဆုံးသူအရေအတွက်ဟာ အခုထက် ပိုမိုများပြားတယ်လို့ ထောက်ပြခဲ့ကြပါတယ်။
လက်ရှိ အိန္ဒိယ၀န်ကြီးချုပ် မိုဒီဟာ တိုက်ခိုက်မှုဖြစ်ပွားစဥ်က ဂူဂျာရတ်ပြည်နယ် အုပ်ချုပ်ရေးမှူးဖြစ်ပြီး၊ ဒီအဖြစ်အပျက်ကို ထိထိရောက်ရောက် ထိန်းသိမ်းခဲ့ခြင်းမရှိဘူးလို့ စွပ်စွဲခံခဲ့ရပါတယ်။
မွတ်စလင်တွေကို တိုက်ခိုက်မှုမှာ ပြည်နယ်ရဲတပ်ဖွဲ့နဲ့ အစိုးရအဖွဲ့က တာ၀န်ရှိသူတွေ ပူးပေါင်းပါ၀င်ခဲ့တဲ့ အထောက်အထားတွေကိုလည်း နောက်ပိုင်းမှာ ကျွမ်းကျင်သူတွေက ဖော်ထုတ်ခဲ့ကြပါတယ်။
****************************************************************
END / 251