Sahar News ၏ သတင်းအထောက်အထား များ အရ ဂျပန်နိုင်ငံတွင် နှစ်သစ်၏ပထမနေ့တွင် ငလျင် တစ်ခုလှုပ်ခတ်ခဲ့ပြီး နှစ်သစ်၏ပျော်ရွှင်မှုကို ဝမ်းနည်းမှုအဖြစ်သို့ ပြောင်းလဲစေခဲ့ပါတယ်။ ၂၀၂၄ ခုနှစ် ဇန်နဝါရီလ ၁ ရက်နေ့တွင် ဂျပန်နိုင်ငံ၌ ငလျင် ၁၅၅ ခု လှုပ်ခတ်ခဲ့ကြောင်း မီဒီယာများ၏ ဖော်ပြချက်အရ သိရပါတယ်။ ငလျင်လှုပ်ခတ်မှုကြောင့် သေဆုံးသူဦးရေ တဖြည်းဖြည်း မြင့်တက်လာပြီး ယခုအခါ ၅၀ ဦးအထိ ရောက်ရှိလာပြီဖြစ်ပါတယ်။
ဂျပန်နိုင်ငံတွင် အင်္ဂါနေ့တွင် အိမ်ပေါင်း ၃၃၀၀၀ ခန့် လျှပ်စစ်မီးပြတ်တောက်ခဲ့ပြီး အဓိကလမ်းမကြီးများ အပါအဝင် အဓိကလမ်းများ ပြတ်တောက်သွားကာ နိုင်ငံတစ်ဝှမ်းရှိ ဆေးဘက်ဆိုင်ရာဝန်ထမ်းများနှင့် စစ်ဘက် ဆိုင်ရာ ဝန်ထမ်းများအတွက် ကယ်ဆယ်ရေးဝန်ဆောင်မှုများပေးရန် အခက်အခဲဖြစ်စေခဲ့ပါတယ်။
၂၀၂၄ ခုနှစ် ပထမနေ့တွင် ဂျပန်နိုင်ငံ၌ အင်အားပြင်းငလျင်လှုပ်ခတ်ပြီးနောက် ပျက်စီးဆုံးရှုံးမှုပမာဏကို တာဝန်ရှိသူများက အကဲဖြတ်ရန် ကြိုးပမ်းလျက်ရှိပါတယ်။ ဂျပန်မိုးလေဝသအေဂျင်စီက တနင်္လာနေ့တွင် လှုပ်ခတ် ခဲ့သည့် ငလျင်သည် ရစ်ခ်ျတာစကေး ၆ ဒသမ ၇ ရှိခဲ့ကြောင်း သိရပါတယ်။
ဂျပန်အာဏာပိုင်များသည် ငလျင်လှုပ်ခတ်ပြီးနောက် မကြာမီတွင် ဆူနာမီသတိပေးချက်ထုတ်ပြန်ခဲ့ပြီး နိုင်ငံတစ်ဝှမ်းတွင် လှိုင်းအမြင့် ၅ ပေအထိ မြင့်တက် လာခဲ့ပါ တယ်။
တနင်္လာနေ့မွန်းလွဲပိုင်းတွင် ပြင်းအား ၇ ဒသမ ၆ အဆင့်ရှိ ငလျင်ကြီးလှုပ်ခတ်ခဲ့ရာ ကမ်းရိုးတန်းဒေသအချို့မှ ဆူနာမီလှိုင်းလုံးများက နိုင်ငံ၏ အနောက်ဘက် ကမ်းရိုးတန်းကို ဝင်ရောက်တိုက်ခတ်ခဲ့သဖြင့် ကမ်းရိုးတန်းဒေသ အချို့မှ လူများ ကုန်းမြင့်ပေါ်သို့ ထွက်ပြေးခဲ့ရသည်။ လှိုင်းကြီးမှုကြောင့် ကားများနှင့် အိမ်အချို့ ပင်လယ်ထဲ သို့ မျောပါသွားခဲ့ပါတယ်။
****************************************************************
END / 251