အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
မကွေးတိုင်း၊ မင်းဘူးမြို့နယ်မှာ ဧပြီ ၁၂ ရက်က ရွှေစက်တော်ဘုရားဖူးကား တိမ်းမှောက်ခဲ့တာကြောင့် အမျိုးသမီးတဦး သေဆုံးပြီး ၉ ဦး ဒဏ်ရာရရှိခဲ့တယ်လို့ မြေပြင်လူမှုကယ်ဆယ်ရေးအသင်းထံက သိရပါတယ်။
ရွှေစက်တော်ဘုရားဖူးပြီး ပြန်လာတဲ့ Nissan Extracap ယာဉ်ဟာ ဧပြီ ၁၂ ရက် နေ့လယ် ၂ နာရီကျော်က မင်းဘူးမြို့နယ် မင်းဘူး-ရွှေစက်တော်ကားလမ်း လေးပင်ရွာအနီး ၁၀ မိုင် ၄ ဖာလုံမှာ အရှိန်မထိန်းနိုင်ဘဲ တိမ်းမှောက်ခဲ့ပါတယ်။
ယာဉ်တိမ်းမှုကြောင့် ယာဉ်ပေါ်ပါလာတဲ့ ၁၀ ဦးထဲက အမျိုးသမီးတဦး နေရာမှာပဲ သေဆုံးခဲ့ပြီး ကလေး ၃ ဦး အပါအဝင် ၉ ဦး ဒဏ်ရာရရှိခဲ့ပါတယ်။
မြေပြင်လူမှုကယ်ဆယ်ရေးအသင်း တာဝန်ရှိသူတဦးက “ဘုရားဖူးက ပြန်လာရင်း အရှိန်မထိန်းနိုင်ဘဲ မှောက်တာ။ အမျိုးသမီးတဦးသေပြီး ၉ ဦး ဒဏ်ရာရတယ်။ အမျိုးသမီး ၂ ဦးနဲ့ အမျိုးသားတဦးက စိုးရိမ်ဒဏ်ရာရပါတယ်။ ကျန်တာကတော့ ပွန်းပဲ့ဒဏ်ရာပဲရတယ်” လို့ ပြောပါတယ်။
ယာဉ်တိုက်မှုကြောင့် သေဆုံးသူနဲ့ ထိခိုက်ဒဏ်ရာရရှိသူတွေကို မင်းဘူး (ဗြဟ္မစိုရ်) နာရေးကူညီမှုအသင်းနဲ့ ဇီအိုင်ရွာ လူမှုကူညီရေးအသင်းတို့က မင်းဘူးပြည်သူ့ဆေးရုံကြီးကို ပို့ဆောင်ပေးခဲ့ပါတယ်။
ပြီးခဲ့တဲ့ မတ် ၁၇ ရက်ကလည်း မင်းဘူးမြို့နယ်၊ ပုသိမ်-မုံရွာကားလမ်းမပေါ်မှာ ရွှေစက်တော်ဘုရားဖူးပြီး ပြန်လာတဲ့ လိုက်ထရပ်ကား စလစ်ဖြစ်ပြီး တိမ်းမှောက်ခဲ့တာကြောင့် အမျိုးသား ၁၁ ဦး ဒဏ်ရာရရှိခဲ့ပါတယ်။
****************************************************************
END / 251