Mehr News Agency ၏ အဆိုအရ အီရန် အစ္စလာမ်မစ် ပြည်သူ့ သမ္မတ နိုင်ငံ ၏ နိုင်ငံခြားရေး ဝန်ကြီး ဒေါက်တာ အမီးရ် အဗ်ဒွလ္လာဟ် ဟီရန်း(န) (Dr Amir Abdullahian ) သည် မိမိ နှင့် ရာထူးတူ တရုတ်နိုင်ငံခြားရေးဝန်ကြီး ဝမ်ယိ (Wang Yi) နှင့် တယ်လီဖုန်းခေါ်ဆိုခဲ့ပြီး ဒေသတွင်း နောက်ဆုံး အခြေအနေများ ကို ဆွေးနွေးခဲ့ကြောင်း သိရပါတယ်။
ဒေါက်တာ အမီးရ် အဗ်ဒွလ္လာဟ် ဟီရန်း(န) မှ ဆီးရီးယားရှိ အီရန်သံရုံးကို နယ်ချဲ့ အစ္စရေးက တိုက်ခိုက်ခဲ့ ကြောင်းနှင့် အီရန်၏ တုံ့ပြန်မှု နှင့် ပတ်သက်၍ တရုတ်နိုင်ငံခြားရေးဝန်ကြီး ဝမ်ယိ (Wang Yi) ထံ အကြောင်း ကြားခဲ့ပါတယ်။
နယ်ချဲ့ အစ္စရေး ဇီယွန်ဝါဒီအစိုးရ၏ တာဝန်မဲ့ လုပ်ရပ်မျိုး ထပ်၍ ဖြစ်လာရင် အီရန် အစ္စလာမ်မစ် ပြည်သူ့ သမ္မတ နိုင်ငံ အနေဖြင့် ချက်ချင်းနှင့် ပြတ်ပြတ်သားသား တုံ့ပြန်သွားမယ်လို့ အမေရိကန်ကို လည်း ရှင်းရှင်း လင်းလင်း ပြောကြားခဲ့ ကြောင်း ဒေါက်တာ အမီးရ် အဗ်ဒွလ္လာဟ် ဟီရန်း(န) မှ ဆက်လက်ပြောကြားခဲ့ပါတယ်။
ဤ တယ်လီဖုန်း ဖြင့် စကား ပြောဆို ချိန်တွင် တရုတ် နိုင်ငံခြားရေးဝန်ကြီး ဝမ်ယိ (Wang Yi) မှ အစ္စရေးနိုင်ငံ ဘက်မှ အီရန် သံရုံးကို တိုက်ခိုက်ခြင်းသည် နိုင်ငံတကာဥပဒေနှင့် ဆန့်ကျင်ကြောင်း ပြောကြားခဲ့ပါတယ်။
အမေရိကန်နှင့် အနောက်နိုင်ငံများ မှ ဟိုတစ်မျိုးဒီတစ်မျိုး မူဝါဒကို ကျင့်သုံးနေချိန်မှာ လုံခြုံရေးကောင်စီမှာ မိမိတို့ အနေဖြင့် အီရန်၏ ရပ်တည်ချက်ကို ထောက်ခံကြောင်း ဝမ်ယိ (Wang Yi) မှ ဆက်လက် ပြောကြားခဲ့ ပါတယ်။
****************************************************************
END / 251