အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
(၁) ဇေယာရသ် သေ အေမာမ် ဟိုစိုင်းန် (အ.စ)
အေမာမ် ဂျအ်ဖရ်ဆွာဒစ်က် (အ.စ) မိန့်တော် မူသည်။
« အကြင်မည်သူမဆို ရှက်ဗ်ဘေ အာရှုရာ (ညအားဖြင့် အာရှုရာ) နှင့် အာရှုရာ နေ့ တွင် အေမာမ် ဟိုစိုင်းန် (အ.စ) ၏ ဇေယာရသ် ပြုမည် ဆိုလျင် တစ်နည်း အားဖြင့် ၎င်းသည် အေမာမ် (အ.စ) အတူ ရှဟီးဒ် ဖြစ်ခဲ့ ခြင်း ဖြစ်ပါသည်။ » ကြည့် - သဟ်ဖသိုလ်အဝါမ် ကျမ်း ၊ စာမျက်နှာ ၃၂၂
(၂) မိုးလင်းသည့် အထိ မအိပ်ဘဲ နေခြင်း
တစ်ညလုံး အလ္လာဟ် ၏ အေဗါဒသ် ပြုမည် ၊ အေမာမ် ဟိုစိုင်းန် (အ.စ) နှင့် ရှဟီးဒ်တော် များ နှင့် အဲဟ်လေ့ဘိုက် (သ) (အ.စ) ၏ ဆင်းရဲ ဒုက္ခ ခံခဲရ ရက်စက်ခံခဲ့ရသည့် အပေါ် ငိုကြွေး ပြီး နေမည် ဆိုလျင် တစ်နည်းအား ထိုသူသည် ရှိသမျှ ကောင်းကင်တမန် အားလုံး ၏ အေဗါဒသ် ပြုခြင်းပမာ ဖြစ်မည်။ ထိုသူ အတွက် နှစ်ပေါင်း ၇၀ ကောင်းမှုကုသိုလ် ပြုသည့် ဆဝါးဗ် ကို ရေးမှတ် ခြင်း ရရှိပေမည်။
ဤညတွင် အေမာမ် ဟိုစိုင်းန် (အ.စ) နှင့် ကိုယ်တော် ၏ သစ္စာ ရှင် သာဝကတော် များ သည် ရန်သူတွေ ဝိုင်းရံထားသည့် ကရ်ဗလာ ကွင်းပြင် တွင် မတ်တပ်ရပ်၍ ညလုံးပေါက် မနက်မိုးသောက် သည် အထိ အေဗါဒသ် ပြုခဲ့ကြပါတယ်။ မိမိတို့ ရှဟာဒသ် ဘွဲ့ ခံယူရန် ပြင်ဆင် ခံကြပါတယ်။ ကြည့် - သဟ်ဖသိုလ်အဝါမ် ကျမ်း ၊ စာမျက်နှာ ၃၂၂
(၃) လေးရကတ် နမာဇ် ဝတ်ပြုခြင်း
မစ်ဆ်ပါဟ်ဟိုလ်အာဗစ်ဒ်ဒီးန် ကျမ်းတွင် လာရှိပါတယ်။ « အကြင်မည်သူမဆို ရှက်ဗ်ဘေ အာရှုရာ (ညအားဖြင့် အာရှုရာ) တွင် လေးရကတ် နမာဇ် ဝတ်ပြုမည် ဆိုလျင် အလ္လာဟ် ဟို အရှင်မြတ် သည် ထိုသူ ၏ နှစ် ၅၀ အတိတ် က နှစ် ၅၀ အနာဂတ် ၏ ဂိုနာဟ် (အပြစ်) ကို ခွင့်လွတ် ပေးသနားတော် မူမည်။ နမာဇ် ဖတ်နည်းမှာ ၂ရကတ်စီ ခွဲ၍ ဝတ်ပြုရမည် ဖြစ်ပါတယ်။ ရကတ် တိုင်းတွင် စူရဟ် ဟမ်ဒ် ပြီးနောက် စူရဟ် သောင်ဟီးဒ် အကြိမ် ၅၀ ဖတ်ရွတ် ရမည် ဖြစ်ပါတယ်။ » ကြည့် - သဟ်ဖသိုလ်အဝါမ် ကျမ်း ၊ စာမျက်နှာ ၃၂၂
(နီယသ် မှာ ရှက်ဗ်ဘေ အာရှုရာ ၏ လေးရကတ် နမာဇ် ဝတ်ပြုပါ၏ ။ ကိုရ်ဘသန်အေလ္လာဟ် )
အက်ပါလိုလ်အအ်မါလ် ကျမ်းတွင်လာ ရှိသည် မှာ မဟာတမန်တော်မြတ် မိုဟမ္မဒ် (ဆွ) ထံ မှ ဆင့်ပြန် လာရှိသည်။ « လေးရကတ် ဖတ်ပြီးလို စလာမ် ဖတ်ပြီး လျင် များသထက်များများ အလ္လာဟ်၏ဇေက်ရ် ကို ပြုရမည် ၊ များသထက်များများ ဆလ်ဝသ် ဖတ်ရမည်။ များသထက်များများ အဲဟ်လေ့ဘိုက်(သ) (အ.စ) ၏ ရန်သူများ အပေါ်သို့ လအ်နသ် ပို့ ရမည် ။ »
(၄) အေမာမ် ဟိုစိုင်းန် (အ.စ) ကဗရ် တော်အနားတွင် တစ်ညလုံးနေခြင်း
အကယ်၍ ကံကောင်း၍ ဤည ကို ကရ်ဗလာ တွင် အေမာမ် ဟိုစိုင်းန် (အ.စ) ၏ ဇေယာရသ် ပြုခွင့် ရမည် ဆိုလျင် အေမာမ် ဟိုစိုင်းန် (အ.စ) ကဗရ် မိုဘာရတ်က် ၏ ဘေးတွင် ညလုံးပေါက် မနက်မိုးလင်းသည့် အချိန် အထိ နေရမည် ဖြစ်ပါတယ်။ ဤသို့ပြုခြင်း ဖြင့် အေမာမ် ဟိုစိုင်းန်(အ.စ) နှင့် အတူ ရှဟီးဒ် ဖြစ်သွားသူများ စာရင်း တွင် အမည် ထည့် သွင်းခြင်းခံရမည် ဖြစ်ပါတယ်။ ကြည့် - အက်ပါလိုလ်အအ်မါလ် ကျမ်း အခန်း (၁) ၊ ဖဒ်ွလို မဘီးသ် အန်ဒဲလ် ဟိုစိုင်းန် (အ.စ)
ယာအလ္လာဟ် ... ကျနော်မျိုးတို့အား ဤ လောကတွင် အေမာမ် ဟိုစိုင်းန် (အ.စ) ၏ ဇေယာရသ် နှင့် အာခေရသ် တွင် အေမာမ် ဟိုစိုင်းန် (အ.စ) ၏ ရှဖာအသ် ပေးသနားတော်မူပါ ။
အေလာဟီ အာမီးန်
.......................................................
END / 251
