အဟ်လေ့ဘိုက် (အ.စ) သတင်းဌာန ၊ အဗ်နာ
မတ်လ ၂၂ ရက်နေ့က တရုတ်နိုင်ငံ၊ ဘေဂျင်းမြို့၊ လီဒိုဟိုတယ်တွင် ကျင်းပသော မလေးရှားအစိုးရနှင့် စစ်ဖက်ဆိုင်ရာ ကိုယ်စားလှယ်များ၏ သတင်းစာရှင်းလင်းပွဲ၌ ပျောက်ဆုံးလေယာဉ်မှ လူများ၏ ဆွေမျိုးသားချင်းများက သတင်းအချက်အလက်များ မရရှိ်မှုအပေါ် ဒေါသထွက် အော်ဟစ်နေစဉ် (ဓာတ်ပုံ – Reuters)
မလေးရှား လေကြောင်းလိုင်းမှ သီတင်း ၂ ပတ်ကျော်ကြာ ပျောက်ဆုံးနေသည့် MH370 ဘိုးအင်းလေယာဉ်ပေါ်တွင် တရုတ်နိုင်ငံသား ၁၀၀ ကျော် ပါသွားပြီးနောက် ရှာဖွေရေးအတွက် တရုတ်နိုင်ငံက တချိန်လုံး တွန်းအားပေးခဲ့သည်။ ဖြန့်ကျက်ထားသော ဂြိုဟ်တု ၂၁ လုံး၊ စစ်သင်္ဘော အုပ်စုတစုတို့ဖြင့် အင်တိုက်အားတိုက် ရှာဖွေခဲ့သည်။
မလေးရှားနိုင်ငံသို့ စုံစမ်းရေးမှူးများ စေလွှတ်သည်။ တရုတ်နိုင်ငံသား ခရီးသည်များ၏ နောက်ခံအကြောင်း အများကို စစ်ဆေးနေသလို အနောက်ဖက်ဒေသများမှ ရေဒါရုပ်ပုံများကို ရှာဖွေစစ်ဆေးနေသည်။ မလေးရှားအစိုးရကိုလည်း နေ့စဉ်လိုလို ဝေဖန်ပြစ်တင်နေခဲ့သည်။ လေယာဉ်ပေါ်တွင် လူ ၂၃၉ ဦးပါသွားပြီး ၃ ပုံ ၂ ပုံမျာ တရုတ်နိုင်ငံသားများ ဖြစ်သည်။
တရုတ်နိုင်ငံသည် အမေရိကန်နှင့် ပစိဖိတ် အနောက်ပိုင်းမှ အမေရိကန်၏ ဗျူဟာမြောက် လွှမ်းမိုးမှုအတွက် ပြိုင်ဖက်တဦးအဖြစ် အလျှင်အမြန် တိုးတက်လာခဲ့သော်လည်း မလေးရှားနိုင်ငံနှင့် အတူ လေယာဉ်ရှာဖွေခြင်းနှင့် မတ်လ ၈ ရက်နေ့ အစောပိုင်းတွင် MH370 လေယာဉ်ဘာတွေ ဖြစ်ခဲ့သည်ကို စုံစမ်းဖော်ထုတ်သည့်အခါ၌ ဒေသအတွင်းတွင် တရုတ်နိုင်ငံ၏ အာဏာ၊ သြဇာ၊ နည်းပညာနှင့် စစ်အင်အားတို့ အကန့်အသတ်ရရှိနေခြင်းကို ထုတ်ပြသလို ဖြစ်ခဲ့ရကြောင်း New York Times သတင်းစာကြီးက ဝေဖန်သည်။
ဆွေမျိုးသားချင်းများအတွက် သောကရောက်နေရသူများက အဖြေရေရေရာရာပေးရန် တောင်းဆိုနေခဲ့သော်လည်း ၂ ပတ်ကြာသည်အထိ တရုတ်အစိုးရက အဖြေမပေးနိုင်ဘဲ စုံစမ်းစစ်ဆေးရေးတွင် မလေးရှား၏ ဦးဆောင်မှုနောက်သို့သာ လိုက်နေရသည်။ မလေးရှားကလည်း အမေရိကန် FBI နှင့် ပင်တဂွန် စစ်ဌာနချုပ်၊ သြတတြေးလျ တော်ဝင်လေတပ် စသည်တို့ကို အကူအညီ တောင်းခံခဲ့သည်။
မလေးရှားအစိုးရ၏ အပြည့်အဝ ပူးပေါင်းပါဝင်မှု မရှိဟု ယူဆကြပြီး တရုတ်အပါအဝင် တခြားနိုင်ငံများက ရောက်ရှိနေကြသော ကူညီမည့်အရာရှိများ စိတ်ပျက်လက်ပျက် ဖြစ်ခဲ့ကြကြောင့် စောင့်ကြည့်လေ့လာသူများက ဝေဖန်သည်။ ဤသည်မှာလည်း တရုတ်အစိုးရပိုင် မီဒီယာများက မလေးရှားကို မကြာခန ပြစ်တင် ဝေဖန်နေခြင်းကို ယောင်ပြန်ဟပ်ခြင်းဟု ဆိုသည်။ မိမိ ပိုင်နက်မှ ထွက်လာသည့်အချိန်တွင် တရုတ်နိုင်ငံသည် သူနှင့် ပုံမှန်ဆက်ဆံရေး ရှိနေသည့် မလေးရှား အပါအဝင် နိုင်ငံငယ်များအပေါ် အသာစီးယူနိုင်သည့် အနေအထား မရှိတော့ဟု New York Times သတင်းစာကြီးက ထောက်ပြသည်။
မလေးရှားနိုင်ငံနှင့် တရုတ်နိုင်ငံကြားတွင် ဆယ်စုနှစ်များစွာ စီးပွားရေး ဆက်ဆံမှု အားကောင်းခဲ့ပြီး တရုတ် ဒု သမ္မတ ရှီ ကျင့်ဖျင် (Xi Jinping) ပြီးခဲ့သည့်နှစ် အောက်တိုဘာလအတွင်းက မလေးရှားနိုင်ငံသို့ အလည်အပတ် ရောက်ရှိပြီး စီးပွားရေးနှင့် စစ်ရေးအရ အနီးကပ် ပူးပေါင်း ဆောင်ရွက်ရန် ကတိပြုခဲ့သည်။ အကဲဆတ်သည့် ကိစ္စတချို့တွင် တရုတ်နိုင်ငံက မလေးရှားကို ဖိအားပေးခဲ့ခြင်းမျိုးလည်း ရှိသည်။ ၂၀၀၂ ခုနှစ်တွင် တရုတ်နိုင်ငံမှ ထွက်ပြေးခဲ့သော ဝီဂါ (Uighur) မွတ်စလင် ၆ ဦးအား မလေးရှားနိုင်ငံက ပြန်ပို့ခဲ့ခြင်းကို တရုတ်နိုင်ငံက ကြိုဆိုခဲ့သည်။
မလေးရှားနိုင်ငံကို ဖိအားပေးခြင်းနှင့် ပတ်သက်၍ “တကယ်လို့ သူတို့ကို တွန်းအားမပေးဘူးဆိုရင် သူတို့ လှုပ်ရှားမှာ မဟုတ်ဘူး။ အဲဒါက သူတို့ရဲ့ စီမံခန့်ခွဲရေး စွမ်းရည်နဲ့ အများကြီးဆိုင်သလို သူတို့ ဓလေ့စရိုတ်နဲ့လည်း ဆိုင်ပါတယ်” ဟု ယူနန် လူမူရေးသိပ္ပံ အကယ်ဒမီ (Yunnan Academy of Social Sciences) မှ အရှေ့တောင် အာရှရေးရာ ပညာရှင် Zhu Zhenming က သူ့အမြင်ကို ပြောသည်။ မလုပ်ချင်တာ တခုတည်းကြောင့် မဟုတ်ဘဲ၊ မလုပ်နိုင်တာလည်း ပါသည်ဟု အဆိုပါ ပညာရှင်က ဝေဖန်သေးသည်။
တဖက်သားကို အထင်သေးခြင်း ဖြစ်ကောင်းဖြစ်နိုင်သည့် စကားများကို သံခင်းတမန်ခင်းအရ ပြောသည့် တရုတ် တာဝန်ရှိသူတို့၏ မှတ်ချက်များတွင်လည်း တွေ့နိုင်သည်ဟု နယူးယောက်တိုင်းမ် သတင်းစာက ထောက်ပြသည်။ မလေးရှားနိုင်ငံဆိုင်ရာ တရုတ်သံအမတ်ကြီး Huang Huikang က “မလေးရှားအစိုးရမှာ MH370 ဖြစ်ရပ်ကို ကိုင်တွယ်ဖို့အတွက် လုံလောက်တဲ့ စွမ်းဆောင်ရည်၊ နည်းပညာနဲ့ အတွေ့အကြုံ မရှိပါဘူး။ ဒါပေမယ့် သူတို့ အကောင်းဆုံး လုပ်ခဲ့ပါတယ်” ဟု ကွာလာလမ်ပူမြို့တွင် သတင်းထောက်များကို ပြောကြားခဲ့သည်။
တနည်းပြောရလျှင် ထိုသို့ ပြစ်တင်ပြောဆိုခြင်းများကြောင့် တရုတ်လူမျိုး အများအပြားက သူတို့၏ နိုင်ငံရေး ယဉ်ကျေးမှုသည် အရှေ့တောင်အာရှ နိုင်ငံများထက် အဆင့်မြင့်သည်ဟု ယူဆကြကြောင်း အများက ယုံကြည်ထားမှုကို ပိုပြီး အားကောင်းစေခဲ့သည်။ ကမ္ဘာ၏အမြင်တွင် အရှေ့တောင်အာရှသည် ဖွံ့ဖြိုးမှုအားနည်းခဲ့သည့် ဒေသဖြစ်၍ တရုတ်ကို မော့ကြည့်ခဲ့ရကာ ပြေလည်အောင်ဆက်ဆံရင်း အတုယူခဲ့ရသည် ဟူ၍ဖြစ်နေသည်။
မွတ်စလင် မလေးလူမျိုးများ လွှမ်းမိုးထားပြီး တရုတ်လူမျိုး လူနည်းစုလည်း ရှိနေသော မလေးရှားနိုင်ငံနှင့် ပတ်သက်၍ တရုတ်အစိုးရနှင့် တရုတ်ပြည်သူများ အမြင်တွင် ခြွင်းချက် မရှိပါ။ လေယာဉ်ပျောက်ဆုံးသည့် ကိစ္စက ထို မမျှတသည့် အမြင်ကို ပိုမို အားကောင်းစေသည်ဟု လေ့လာသူတို့က သုံးသပ်သည်။
စင်ကာပူ အမျိုးသား တက္ကသိုလ်၊ East Asian Institute မှ တရုတ်နိုင်ငံရေး လေ့လာသူ ပညာရှင် Bo Zhiyue က “မလေးရှား အစိုးရရဲ့ ပုံရိပ်က တရုတ်အစိုးရနဲ့ ပြည်သူတွေရဲ့အမြင်မှာ ကျဆင်းသွားရတယ်။ မလေးရှား အစိုးရနဲ့ နှိုင်းယှဉ်ကြည့်ရင် တရုတ်အစိုးရက ပိုပြီး မြန်မြန်ဆန်ဆန် တုန့်ပြန်နိုင်ပါတယ်” ဟု ပြောသည်။ ထိုအချက်က သူတို့၏ စနစ်သည် တခြားစနစ်များထက် နိမ့်ကျမှု မရှိကြောင်း၊ အချို့နေရာများတွင် သူတို့က စွမ်းဆောင်ရည် သာလွန်ကြောင်း တရုတ်လူမျိုးများအကြား အမြင် ပိုအားကောင်းသွားစေနိုင်သည် သူက ဆက်ပြောသည်။
တရုတ်နိုင်ငံကဲ့သို့ပင် မလေးရှားနိုင်ငံသည်လည်း နိုင်ငံရေးပါတီ တခုတည်းက ဆယ်စုနှစ်များစွာ အုပ်ချုပ်ခဲ့သည့် နိုင်ငံတခု ဖြစ်သည်။ သို့သော်လည်း အရေးပါသည့် ကွဲပြားခြားနားမှုများ ရှိနေသည်။ မလေးရှားနိုင်ငံတွင် အတိုက်အခံ ပါတီများ အင်အားကြီးကြီးမားမားဖြင့် ရှိနေပြီး တခြားအိမ်နီးချင်