အဲဟ်လေ့ဘိုက်(သ) (အ.စ) သတင်းဌာန ၊ အဗ်နာ
အစ္စရေးရှိ လက်ယာစွန်းရောက် ဂျူးအဖွဲ့၏ ခေါင်းဆောင်ဖြစ်သူက နိုင်ငံအတွင်း ခရစ္စမတ်ပွဲတော်အား ပိတ်ပင်ရန်နှင့် ခရစ်ယာန်များအား မောင်းထုတ်ရန် တောင်းဆိုခဲ့ပြီး ခရစ်ယာန်ဘာသာဝင်များကို သွေးစုပ်ဖုတ်ကောင်များအဖြစ် ပြောကြားခဲ့သည်။
ဟီဘရူးဘာသာစကားဖြင့် “မီးတောက်” ဟု အမည်ရသည့် လာဟာဗာအဖွဲ့၏ ခေါင်းဆောင် ဘန်ဇီ ဂေ့ါပ်စတိန်းဆိုသူဖြစ်ပြီး ပြီးခဲ့သည့်တစ်ပတ်က အော်သိုဒေါ့စ်ဂျူး ၀ဘ်ဆိုက်တစ်ခုဖြစ်သော Kooker တွင် ရေသားခဲ့ခြင်းဖြစ်ကာ ခရစ်ယာန်များမှာ သန့်စင်မှုမရှိဘဲ နိုင်ငံအတွင်းမှ ထွက်သွားရမည်ဟု ဆိုသည်။
“မြင့်မြတ်သောမြေမှာ ခရစ္စမတ်အတွက် နေရာမရှိပါဘူး။ သူတို့သာသနာပြုလုပ်ငန်းကို အခြေစိုက်ခွင့်ပေးလို့ မရပါဘူး။ ငါတို့ရဲ့ သွေးတွေကို ထပ်ပြီးမစုပ်ခင် ဒီသွေးစုတ်ဖုတ်ကောင်တွေကို ငါတို့မြေကနေ မောင်းထုတ်ပစ်ကြရအောင်” ဟု ဂေါ့ပ်စတိန်း၏ ရေးသားမှုကို ကိုးကား၍ အစ္စရေးမီဒီယာများက ဖော်ပြခဲ့သည်။
ပြီးခဲ့သည့်သြဂုတ်လကလည်း ဂေါ့ပ်စတိန်းမှာ အစ္စရေးရှိ ခရစ်ယာန်ဘုရားကျောင်းများကို မီးရှို့ပစ်ရန် ဆော်သြခဲ့သည်။ ဂေါ့ပ်စတိန်းကမူ ၎င်း၏ပြောကြားမှုအား နားလည်မှုလွဲမှားကာ ဖော်ပြခြင်းဖြစ်ပြီး မိမိမှာ ခရစ်ယာန် သာသနာပြုအုပ်စုများကိုသာ သွေးစုပ်ဖုတ်ကောင်များဟု ခေါ်ဆိုခြင်းဖြစ်ကြောင်း၊ ခရစ်ယာန်အားလုံးကို မရည်ရွယ်ကြောင်း အလ်ဂျာဇီးရား၏ မေးမြန်းမှုကို ဖြေကြားခဲ့ပြီးနောက် ဖုန်းချသွားခဲ့သည်။
အစ္စရေးလွှတ်တော်မှ အာရပ်အမတ်ဖြစ်သူ အဟ်မဒ်တိုင်ဘီက ဂေ့ါပ်စတိန်း၏ လာဟာဗာ အဖွဲ့ကို ရှုတ်ချခဲ့ပြီး မွတ်စလင်များနှင့် ခရစ်ယာန်များအပေါ် လူမျိုးရေးခွဲခြားတိုက်ခိုက်မှုများကို ပြုလုပ်နေသည့် အမုန်းအခြေခံအုပ်စုဟု ပြောကြားခဲ့သည်။
အဆိုပါ ဟာဗာနာအဖွဲ့မှာ ဂျူးများနှင့် အာရပ်များ လက်ထပ်မှုကိုလည်း ဆန့်ကျင်မှုများပြုလုပ်သည်ဟု စွပ်စွဲခံထားရသည်။
အစ္စရေးအာဏာပိုင်များအနေဖြင့် ဂေ့ါပ်စတိန်း၏ ထိုကဲ့သို့လှုံ့ဆော်မှုအတွက် အရေးယူမည်လားဟု မေးမြန်ရာ တိုင်ဘီက “အစ္စရေးအစိုးရကိုယ်တိုင်က ကြံရာပါပဲ။ ဂေါ့ပ်စတိန်းတို့လို လူမျိုးရေးခွဲခြားသူတွေ၊ အကြမ်းဖက်သမားတွေကို သူတို့က ကူညီနေတာပါ” ဟု ပြောကြားခဲ့သည်။
အစ္စရေးတရားရေးဝန်ကြီးဌာနမှ ပြောရေးဆိုခွင့်ရှိသူ မိုရှေးကိုဟန်အား အလ်ဂျာဇီးရားသတင်းဌာနက မေးမြန်းရာတွင်လည်း ထိုကိစ္စနှင့်ပတ်သက်၍ မှတ်ချက်ပေးရန် ငြင်းဆိုခဲ့ပြီး အီမေးလ်ဖြင့် မေးမြန်းမှုကိုလည်း ဖြေကြားခဲ့ခြင်းမရှိပေ။
Ref: Aljazeera
============================
251/End