အမေရိကန် ခရစ်ယာန်ဘုရားကျောင်းတစ်ခုတွင် အစ္စလာမ့်ရေးရာ နားလည်မှုသင်တန်း ဖွင့်လှစ်မည်

အဲဟ်လေ့ဘိုက်(သ) (အ.စ) သတင်းဌာန ၊ အဗ်နာ

အကြမ်းဖက်သမားများကြောင့် အစ္စလာမ်သာသနာအပေါ် အထင်မှားအမြင်မှား ဖြစ်နေမှုအား ပြောင်းလဲရန်အတွက် အမေရိကန်ပြည်ထောင်စု တန်နက်ဆီးပြည်နယ်မှ ခရစ်ယာန်ဘုရားကျောင်းတစ်ခုတွင် အစ္စလာမ်ဘာသာရေးဆိုင်ရာ နားလည်မှုသင်တန်းကို ဖွင့်လှစ်ပို့ချတော့မည်ဟု သိရသည်။

“မွတ်စလင်တွေဟာ ဆိုးရွားတဲ့ ထင်မြင်ချက်တွေနဲ့ ရင်ဆိုင်နေရပါတယ်။ မွတ်စလင်တိုင်းက အစွန်းရောက်တွေ မဟုတ်ပါဘူး။ လူတွေ အတူတကွ လာရောက်ပြီး အစ္စလာမ်နဲ့ပတ်သက်လို့ တစ်ခုခုသင်ယူလိုက်တာမျိုးကို ကျွန်တော်တို့ လိုချင်ပါတယ်” ဟု ပြည်နယ်အရှေ့ပိုင်း အုတ်ရစ်ဂ်ျမြို့ရှိ First Presbyterian ဘုရားကျောင်းမှ သင်းအုပ်ဆရာ ရှယ်ရွန် ယန်းက ပြောကြားခဲ့သည်။

အဆိုပါ ဘုရားကျောင်းမှာ ယခုတစ်ပတ် တနင်္ဂနွေနေ့မှစ၍ အစ္စလာမ်ရေးရာ နားလည်မှုသင်တန်းကို ဖွင့်လှစ်သွားမည်ဖြစ်ပြီး သီတင်းပတ် ၅ ပတ်ကြာ သင်ကြားပို့ချပေးသွားမည်ဖြစ်သည်။

“အစ္စလာမ်ကို စိတ်ဝင်စားနေတဲ့သူတွေ အခုအချိန်မှာ အများကြီးရှိပါတယ်။ သာသနာကို ဘယ်လိုကျင့်သုံးကျလဲဆိုတာနဲ့ပတ်သက်ပြီး လူတွေဆီကနေ မေးခွန်းတော်တော်များများ ရရှိပါတယ်” ဟို မေရီဗီးလ် ကောလိပ်မှ ပါမောက္ခဖြစ်သူ ဒေါက်တာ ဖီးလစ် ရှာရ်မန်က ပြောကြားခဲ့သည်။

၎င်းမှာ အဆိုပါသင်တန်းတွင် ၀င်ရောက်သင်ကြားသွားမည်ဖြစ်ပြီး သီတင်းပတ်တိုင်းတွင် မတူညီသော ရှုထောင့်များဖြင့် ချဉ်းကပ်သွားမည်ဟု ဆိုသည်။

“အစ္စလာမ်ရဲ့ အရင်းမူလနဲ့ တမန်တော်ရဲ့ ဘ၀ကို ကျွန်တော်တို့ မိတ်ဆက်ပေးနိုင်ပါတယ်။ အစ္စလာမ်ရဲ့ အဓိကသင်ကြားမှုတွေက ဘာတွေလဲဆိုတာကို အသေးစိတ်သိဖို့ ကုရ်အာန်ကျမ်းတော်မြတ်ကို ကြည့်ရှုပါ”

သင်းအုပ်ဆရာ ရှယ်ရွန်ကမူ ခရစ်ယာန်များ အခြားဘာသာတရားကို နားလည်ရန်မှာ အရေးကြီးသည်ဟု ပြောကြားခဲ့သည်။

“အခြားဘာသာဝင်တွေနဲ့ ဆွေးနွေးမှု၊ ဆက်ဆံရေးတည်ဆောက်မှုမှာပါဝင်ဖို့ ခရစ်ယာန်တွေအတွက် အရေးကြီးတယ်ဆိုတာ ကျွန်တော်တို့ တွေ့ရှိခဲ့ပါတယ်”

ဒေါက်တာ ရှာရ်မန်၏ ရည်ရွယ်ချက်မှာ ခိုင်မာသည့် သတင်းအချက်အလက်များ ပေးအပ်ရန်ဖြစ်ပြီး ထိုသင်တန်းတွင် ပိုမို၍ ဆောင်ရွက်နိုင်မည်ဟု ယူဆနေသည်။

Ref: local8now

==========================================
251 /End