ဟီလာရီကလင်တန်၏ အသက်ကို ခြိမ်းခြောက်သည့် စကားများ ထရမ့်ပြော

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

 လာမည့်နိုဝင်ဘာ သမ္မတရွေးကောက်ပွဲတွင် ရီပက်ဘလစ်ကန်ပါတီ၏ သမ္မတလောင်းဖြစ် ၀င်ရောက်ယှဉ်ပြိုင်မည့် ဒေါ်နယ်ထရမ့်က ၎င်း၏ပြိုင်ဘက် ဒီမိုကရက်တစ်ပါတီမှ ဟီလာရီကလင်တန်အား လုပ်ကြံရန် သဘောသက်ရောက်သည့် မှတ်ချက်တစ်ခုကို ပြောကြားခဲ့ပြီး ၎င်း၏ မဲဆွယ်ရေးအဖွဲ့မှ ပြောရေးဆိုခွင့်ရှိသူကမူ အဓိပ္ပါယ်ကောက်လွဲခြင်းသာဖြစ်သည်ဟု ပြန်လည်တုန့်ပြန်ခဲ့သည်။

မြောက်ကယ်ရိုလိုင်းနားပြည်နယ် ၀ီလ်မင်တန်မြို့တွင် ယမန်နေ့က ပြောကြားခဲ့သည့်မိန့်ခွန်း၌ ထရမ့်က သေနတ်ရောင်းချမှု ကန့်သတ်ရေး ဆောင်ရွက်ရန် ရည်ရွယ်ထားသည့် ကလင်တန် သမ္မတမဖြစ်စေရန် သေနတ်ကိုင်ဆောင်ခွင့်ရရှိရေး တက်ကြွလှုပ်ရှားသူများက ရပ်တန့်ပစ်ရမည်ဟု ပြောကြားခဲ့ခြင်းဖြစ်သည်။

ထရမ့်၏ ထိုမှတ်ချက်မှာ အဓိပ္ပါယ်နှစ်ခွ ထွက်ခဲ့ပြီး အမေရိကန်မီဒီယာများနှင့် ဆိုရှယ်မီဒီယာ အသုံးပြုသူများကမူ ထရမ့်၏ ထိုစကားမှာ ကလင်တန်အား လုပ်ကြံရေး အားပေးရာရောက်နေသည့်အတွက် စိုးရိမ်မိသည်ဟု ပြောကြားခဲ့သည်။

ထရမ့်၏ မဲဆွယ်ရေးအဖွဲ့ကမူ ချက်ခြင်းပင် ကြေငြာချက်ထုတ်ပြန်ကာ ထိုသို့ရေးသားမှုမှာ မီဒီယာများက မရုိုးမသား ပြုလုပ်ခြင်းဖြစ်ပြီး ထရမ့်က သေနတ်ကိုင်ဆောင်ရေး တက်ကြွလှုပ်ရှားသူများ၏ အင်အားကောင်းသည့် မဲပေးခွင့်ကို ရည်ညွှန်းခြင်းဖြစ်သည်ဟု ပြောကြားခဲ့သည်။

သို့သော်လည်း ကလင်တန်၏ မဲဆွယ်ရေးအဖွဲ့ မန်နေဂျာ ရော်ဘီ မွတ်ကမူ ထိုပြောစကားက အန္တရာယ်ရှိသည့် အသုံးအနှုန်းဖြစ်ပြီး အမေရိကန် သမ္မတအဖြစ် ၀င်ရောက်ယှဉ်ပြိုင်ရန် ရည်ရွယ်ထားသူ တစ်ဦးအနေဖြင့် ထိုကဲ့သုို့ အကြမ်းဖက်လိုသည့် စကားများကို မပြောသင့်ဟုလည်း ပြောကြားခဲ့သည်။

Ref: Aljazeera

=======================
251/End