အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
ကိုဗစ်နောက်ဆက်တွဲ စီးပွားရေးကျဆင်းနေပြီး၊ ကြည့်ရှုစောင့်ရှောက်ဖို့ ရင်းမြစ်တွေလည်း နည်းလာတာကြောင့် မြန်မာနိုင်ငံက ရိုဟင်ဂျာမွတ်စလင်ဒုက္ခသည်တွေကို ဆက်ပြီး လက်မခံနိုင်တော့ဘူးလို့ မလေးရှားဝန်ကြီးချုပ် မုဟ်ယစ်ဒင် ယာစင်က ဒီကနေ့မှာ ပြောကြားလိုက်ပါတယ်။
မြန်မာနိုင်ငံမှာ ဖိနှိပ်ချုပ်ချယ်ခံရတဲ့ ရိုဟင်ဂျာတွေဟာ အိမ်နီးချင်းနိုင်ငံတွေမှာ ထွက်ပြေးခိုလှုံနေရတာပါ။ မလေးရှားဟာ ကုလသမဂ္ဂရဲ့ ဒုက္ခသည်လက်ခံရေးသဘောတူညီချက်ကို လက်မှတ်ရေးထိုးထားခြင်းမရှိပေမယ့် မြန်မာနိုင်ငံက ရိုဟင်ဂျာဒုက္ခသည်တွေ၊ တိုင်းရင်းသားဒုက္ခသည်တွေကို လက်ခံထားပါတယ်။
“ကျွန်တော်တို့ရဲ့ရင်းမြစ်တွေ၊ လုပ်နိုင်စွမ်းတွေက အကန့်အသတ်ကို ရောက်သွားပြီး၊ Covid-19 ကပ်ရောဂါကလည် ဖြစ်နေတာကြောင့် နောက်ထပ် လက်မခံနိုင်တော့ပါဘူး။ နောက်ထပ်လာမယ့် ဒုက္ခသည်တွေကို မလေးရှားက ထပ်ပြီး နေရာထိုင်ခင်းပေးဖို့ မျှော်လင့်ထားတာမျိုးက မတရားပါဘူး” လို့ ဒီကနေ့ အွန်လိုင်းကနေတစ်ဆင့် ပြုလုပ်တဲ့ အာဆီယံခေါင်းဆောင်များ အစည်းအဝေးမှာ မုဟ်ယစ်ဒင်က ပြောကြားခဲ့ပါတယ်။
မလေးရှားက ရိုဟင်ဂျာဒုက္ခသည်တွေ တတိယနိုင်ငံမှာ အခြေချနိုင်ရေး ပိုမို မြန်မြန်ဆန်ဆန်ဆောင်ရွက်ဖို့ ကုလ UNHCR ကို တိုက်တွန်းခဲ့သလို၊ ရိုဟင်ဂျာဒုက္ခသည်တွေ လူကုန်ကူးခံရမှုတိုက်ဖျက်ရေး ပိုမိုအားထုတ်လုပ်ဆောင်ဖို့ လည်း ဆော်ဩခဲ့ပါတယ်။
“မြန်မာနိုင်ငံကို ကူညီရေး အာဆီယံက ပိုမိုလုပ်ဆောင်ရမှာဖြစ်သလို၊ ဒီပြဿနာ ကျွန်တော်တော်တို့နဲ့ မဆိုင်တော့တဲ့အထိ မြန်မာနိုင်ငံက ကိုယ့်ဟာကိုယ်လုပ်ဖို့ လိုအပ်ပါတယ်”
ကိုဗစ်ရောဂါပြန့်နှံ့ပြီးနောက်ပိုင်း မလေးရှားအစိုးရဟာ ရိုဟင်ဂျာတွေအပေါ် သည်းမခံနိုင်တဲ့ ပေါ်လစီမျိုး ထုတ်ပြောလာပြီ။ ပြီးခဲ့တဲ့သီတင်းပတ်အတွင်း ရေပိုင်နက်ထဲဝင်လာတဲ့ ရိုဟင်ဂျာလှေကို ပြန်လှည့်ခိုင်းထာတွေ ရှိခဲ့ပါတယ်။
#######################################
END / 251
