အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ
မြန်မာနိုင်ငံကနေ ကိုရိုနာဗိုင်းရပ်စ် ကူးစက်မှုရှိတဲ့အတွက် နယ်စပ်က ရွှေလီမြို့ကို Lock Down ချကာ ကိုရိုနာစစ်ဆေးမှု လုပ်ဆောင်မှာဖြစ်ပြီး တရားမဝင် နိုင်ငံခြားသားတွေကို ဖော်ထုတ် အရေးယူသွားမယ်လို့ တရုတ်အာဏာပိုင်တွေက ဒီကနေ့မှာ ထုတ်ပြန်ပါတယ်။
ယူနန်ပြည်နယ်က ရွှေလီမြို့ဟာ တရုတ်-မြန်မာ နှစ်နိုင်ငံ ကုန်သွယ်မှု၊ ဝင်ထွက်သွားလာမှု လုပ်ဆောင်တဲ့ အဓိကနယ်စပ်မြို့တွေထဲက တစ်ခု ဖြစ်ပါတယ်။
အာဏာပိုင်တွေရဲ့ ဒီကနေ့ထုတ်ပြန်တဲ့ ကြေငြာချက်မှာ မြို့တွင်းနေထိုင်သူအားလုံးကို တနင်္လာနေ့ ညနေပိုင်းကစပြီး အိမ်ထဲကနေ အပြင်ထွက်ခွင့်မပေးတော့ဘဲ၊ မြို့ထဲကနေထွက်တာ၊ မြို့တွင်းကိုဝင်တာ အားလုံးကို ပိတ်ပင်ထားတယ်လို့ ဖော်ပြထားပါတယ်။
ရွှေလီမြို့မှာ လူဦးရေ ၂ သိန်း ၁ သောင်းကျော်ရှိပြီး ကျန်းမာရေးတာဝန်ရှိသူတွေက တစ်အိမ်တက်ဆင်း ကိုဗစ်စစ်ဆေးမှာဖြစ်ပါတယ်။ စူပါမားကတ်၊ ဆေးဆိုင်တွေနဲ့ စားသောက်ကုန်အရောင်းဆိုင်တွေကလွဲပြီး ကျန်တဲ့ စီးပွားရေးလုပ်ငန်းအားလုံးကို ပိတ်ထားမှာ ဖြစ်ပါတယ်။
အာဏာပိုင်တွေက မြန်မာဖက်ကနေ ကိုဗစ်ရောဂါ ကူးစက်မှုရှိတဲ့အတွက် တရားမဝင်နိုင်ငံခြားသားအားလုံးကို ဖော်ထုတ်ဖမ်းဆီးသွားမယ်လို့လည်း ပြောကြားခဲ့ပါတယ်။
ရွှေလီ ဒုတိယမြို့တော်ဝန် ယန်ဘင်ကျန်းက နိုင်ငံအတွင်း ဝင်ရောက်လာတဲ့အချိန် တိတိကျကျ မရှိသူတွေ၊ နေထိုင်ရာနေရာ၊ အလုပ်လုပ်ရာနေရာ အတည်တကျ မရှိတဲ့ နိုင်ငံခြားသားတွေကို ဖမ်းဆီးကာ နေရပ်ပြန်ပို့သွားမယ်လို့ မနေ့က သတင်းစာရှင်းလင်းပွဲမှာ ပြောကြားခဲ့ပါတယ်။
*****************************