ပုသိမ်မြို့ က ကဗျာ ဆရာ လူဖန်ခါး ကို အကြမ်းဖက် စစ် အုပ်စုက ရိုက်နှက် ဖမ်းဆီး

အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ
 
ပုသိမ်မြို့မှာ မတ်လ ၂၉ ရက်နေ့ ညနေပိုင်းက စစ်အာဏာရှင်ဆန့်ကျင်ရေး ဦးဆောင်လှုပ်ရှားသူတစ်ဦးဖြစ်တဲ့ ကဗျာဆရာ လူဖန်ခါးကို အကြမ်းဖက်စစ်အုပ်စုက အရပ်ဝတ်တွေနဲ့ လာရောက်ဖမ်းဆီးခဲ့တယ်လို့ သိရပါတယ်။

စစ်အာဏာရှင်ဆန့်ကျင်ရေး မြစ်ဝကျွန်းပေါ်တော်လှန်တပ်ဦးက ဦးဆောင်သူ ကိုထက်လင်းစိုး(ခေါ်)လူဖန်ခါးကို ဖုန်းပြောနေတဲ့အချိန်မှာ အရပ်ဝတ်နဲ့ လူတစ်စုက ဝိုင်းထိုးရိုက်နှက်ပြီး ဖမ်းဆီးသွားတာလို့ မျက်မြင်တွေ့သူတွေက DVB ကိုပြောပါတယ်။

"မနက်က ခံတပ်ကိုလာပစ်တော့ အဲ့မှာသွားကာပေးကြတာပေါ့။ အဲ့ကပြန်လာပြီး ဖုန်းထွက်ပြောနေတုန်း အိမ်စီးကားနဲ့ရောက်လာပြီး ချက်ခြင်းထိုးရိုက်လုပ်ပြီး ခေါ်သွားတာ'' လို့ ပြောပါတယ်။

လက်ရှိအချိန်မှာတော့ အကြမ်းဖက်စစ်အုပ်စုရဲ့ ဖမ်းဆီးခြင်းခံခဲ့ရတဲ့ ကဗျာဆရာ ကိုထက်လင်းစိုး(ခေါ်)လူဖန်ခါးကို ဘယ်နေရာမှာ ဖမ်းဆီးထားတယ်ဆိုတာ မသိရသေးသလို မိသားစုနဲ့လည်း အဆက်အသွယ်မရသေးဘူးလို့ ဆိုပါတယ်။

ဒါပြင် ရာမညရပ်ကွက်မှာ နေအိမ်တွေကို အကြမ်းဖက်စစ်အုပ်စုရဲ့ လက်နက်ကိုင်တွေက ဝင်ရောက်စစ်ဆေးရှာဖွေရင်း ဖုန်းထဲမှာ “နွေဦးတော်လှန်ရေး” ဆိုတဲ့ ပရိုဖိုင်တင်ထားမိခဲ့တဲ့ လူငယ် ၁ ဦးကိုလည်း ဖမ်းဆီးခေါ်ဆောင်သွားတယ်လို့ ဒေသခံတွေက ပြောပါတယ်။

စစ်တပ်ရဲ့အာဏာသိမ်းပြီး ဖေဖော်ဝါရီလ ၁ ရက်နေ့က စတင်ကာ မတ်လ ၂၉ ရက်နေ့ထိ ပုသိမ်မြို့မှာ အကြမ်းဖက်စစ်အုပ်စုရဲ့ ဖမ်းဆီးခြင်းခံခဲ့ရတဲ့ နိုင်ငံရေးတက်ကြွလှုပ်ရှားသူ ၁၂ ဦးထိ ရှိနေပြီလို့ သိရပါတယ်။

******************************************
END / 251