အာဏာသိမ်းရန် ကြံစည်မှု ကိစ္စ ဂျော်ဒန်က ပထမဆုံး ကြားနာစစ်ဆေး

အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ


ဘုရင် အဘ်ဒူလာ ၂ ကို ဖြုတ်ချ အာဏာသိမ်းဖို့ ကြိုးစားတယ်ဆိုတဲ့ ခေါင်းစဉ်နဲ့ လူ ၂ ဦးကို ဂျော်ဒန်က တရားစွဲဆိုပြီး ဒီကနေ့မှာ ပထမဆုံး ကြားနာ စစ်ဆေးပါတယ်။

တရားစွဲခံရသူတွေဟာ ဘုရင် အဘ်ဒူလာရဲ့ ဆွေမျိုး ရှရစ်ဖ် ဟာဆန် ဘင် ဇိုက်နဲ့ နန်းတွင်းဆိုင်ရာ အကြီးအကဲဟောင်း ဘာဆမ် အာဝါဒွလ္လာဟ်တို့ ဖြစ်ပါတယ်။ သူတို့တွေဟာ ဘုရင် အဘ်ဒူလာရဲ့ ဖအေတူ အမေကွဲညီ မင်းသား ဟမ်ဇာနဲ့ ပေါင်းကာ နိုင်ငံခြားအကူအညီ ရယူပြီး အာဏာသိမ်းဖို့ ကြံတယ်လို့ စွပ်စွဲခံထားရတာပါ။

ဒါဟာ ဂျော်ဒန်နိုင်ငံသမိုင်းမှာ အကြီးမားဆုံး တရားစွဲဆိုမှုလည်း ဖြစ်ပါတယ်။

အိမ်ရှေ့မင်းသားဟောင်းဖြစ်ခဲ့တဲ့ မင်းသားဟမ်ဇာက သူဟာ နေအိမ်အကျယ်ချုပ် ချခံထားရတယ်လို့ ဧပြီလက ဗီဒီယိုရိုက်ကာ အွန်လိုင်းမှာ လွှင့်တင်ခဲ့တဲ့နောက် ဂျော်ဒန်နန်းတွင်းအရှုပ်တော်ပုံ လူသိရှင်ကြား ဖြစ်လာတာပါ။

ဂျော်ဒန်အစိုးရကလည်း ဒီသတင်းကို အတည်ပြုခဲ့ပြီး ဘုရင်ဖြစ်ချင်နေတဲ့ ဟမ်ဇာဟာ ရှရစ်ဇ်ဟာဆန်၊ ဘာဆမ် အာဝါဒွလ္လာဟ်တို့နဲ့ပေါင်းကာ နိုင်ငံခြားအကူအညီရယူပြီး အာဏာသိမ်းဖို့၊ တိုင်းပြည်မတည်မငြိမ်ဖြစ်အောင်လုပ်ဖို့ ကြံစည်ခဲ့ကြောင်း ထုတ်ပြန်ခဲ့ပါတယ်။

ဟမ်ဇာကတော့ အာဏာသိမ်းဖို့ကြိုးစားတယ်ဆိုတဲ့ သတင်းတွေကို ငြင်းပြီး အစိုးရအတွင်း ခြစားမှုတွေ၊ စီမံခန့်ခွဲမှု အမှားတွေကို ထောက်ပြတဲ့အတွက် ပစ်မှတ်ထားခံရတာလို့ တုန့်ပြန်ပြောဆိုခဲ့ပါတယ်။

ဘုရင် အဘ်ဒူလာဟာ ၂၀၀၄ ခုနှစ်မှာ ဟမ်ဇာကို အိမ်ရှေ့အရာကနေချပြီး သူ့ရဲ့သား အကြီးဆုံးကို အရာအပ်နှင်းခဲ့တာ ဖြစ်ပါတယ်။

အိမ်ရှေ့မင်းသားဟောင်း ဟမ်ဇာကတော့ တရားစွဲဆိုခြင်း မခံရပါဘူး။

*****************************************************************
END / 251