မြန်မာ့ အရေး ကုလသမဂ္ဂ အထွေထွေ ညီလာခံဆုံးဖြတ်ချက် အပေါ် မထောက်ခံ ခဲ့ခြင်းက အရေးပါသည့် အကြောင်းအရာများ မပါဝင်ခြင်းကြောင့်ဖြစ်ဟု ထိုင်းဘက်က ရှင်းလင်း

အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ


မြန်မာ့အရေးနှင့်ပတ်သက်သည့် အဆိုပြုဆုံးဖြတ်ချက်ကို ဇွန် ၁၈  ရက်က ကုလသမဂ္ဂအထွေထွေညီလာခံတွင် မဲခွဲခဲ့ကြစဉ်က  ထိုင်းနိုင်ငံကကြားနေခဲ့ခြင်းသည် အဆိုပြုချက်ထဲတွင် အရေးပါသည့်အကြောင်းအရာ အချို့ မပါဝင်ခြင်းကြောင့်ဖြစ်ကြောင်း ထိုင်းနိုင်ငံခြားရေးဝန်ကြီးဌာနပြောခွင့်ရသူက ရှင်းလင်း ပြောကြားသည်။                                                       

ထိုင်းနိုင်ငံခြားရေးဝန်ကြီးဌာနပြောခွင့်ရပုဂ္ဂိုလ် Tanee Sangrat (ထန်နီဆန်ဂရတ်)က အထွေထွေညီလာခံ၏ ဆုံးဖြတ်ချက်သည်  မြန်မာနိုင်ငံတွင် ဖေဖော်ဝါရီ ၁ ရက်မတိုင်မီအခြေအနေနှင့် ဖေဖော်ဝါရီ ၁ ရက် နောက်ပိုင်း အခြေအနေတို့၏ ရှုပ်ထွေးနက်နဲမှုများကို ထည့်မတွက်ထားကြောင်း၊ မြန်မာ့အရေးပဋိပက္ခတွင် အဖွဲ့ အစည်းအချို့ ပါဝင်ပတ်သက်နေခြင်းဖြစ်သဖြင့်  အပြစ်ဖို့မနေဘဲ ယုံကြည်မှုပြန်လည်တည်ဆောက်ရန် လိုအပ်ကြောင်း ၊ နိုင်ငံတကာအသိုင်းအဝိုင်းကလည်း  အကြမ်းဖက်မှု မလုံခြုံမှုများကိုသာ ပိုဖြစ်လာစေမည့် အမုန်း တရားများ ပိုနက်လာစေမည့် အခြေအနေမျိုးမဟုတ်ဘဲ ယုံကြည်မှုများနှင့် တည်ဆောက်သည့်အခြေအနေတစ်ရပ်ကို ကူညီဖန်တီးပေးရန် အရေးကြီးကြောင်း ပြော ကြားခဲ့သည်။

ထို့ပြင်  မြန်မာနိုင်ငံတွင် မြန်မြန်ဆန်ဆန်ဖြင့်ရေရှည်ငြိမ်းချမ်းရေးရရန် ဆောင်ရွက်ရာ၌ အာဆီယံ က အသင့်တော်ဆုံးနေရာတွင်ရှိသော်လည်း ကုလအထွေထွေညီလာခံဆုံးဖြတ်ချက်သည် ဧပြီ ၂၄ ရက်က ဂျာကာတာတွင်ပြုလုပ်သော မြန်မာ့အရေးဆိုင်ရာအာဆီယံခေါင်းဆောင်များ အထူးအစည်းအဝေးက ရရှိထားသည့် ဘုံသဘောတူညီချက်များကို လုံးဝထင်ဟပ်မနေကြောင်း ၊ နိုင်ငံတကာအသိုင်းအဝိုင်းသည်  မြန်မာ့ အကျပ် အတည်းနှင့် သက်ဆိုင်သူဘက်အားလုံးကို ဆွေးနွေးရေးစားပွဲဝိုင်းဆီရောက်လာအောင် တွန်းပို့ရမည့်အရေးကြီးကဏ္ဍတွင်ပါနေသည်ဟု ထိုင်းနိုင်ငံကယူဆကြောင်း ၊  ပဋိပက္ခများဖြစ်ပေါ်မှု ကြာလေလေ မြန်မာ ပြည်သူများ၏လူနေမှုဘဝသည်  ရုပ်ပိုင်းဆိုင်ရာသာမက  စိတ်ပိုင်းဆိုင်ရာပါ အားကုန်လာလေလေဖြစ်မည်ကို ထိုင်းနိုင်ငံ က စိုးရိမ်ကြောင်း၊ အထွေထွေညီလာခံဆုံးဖြတ်ချက်သည် မြန်မာပြည်သူများနှင့်ထိုက်တန်သည့် ရေရှည်တည်တံ့သော ငြိမ်းချမ်းရေးကို ဦးတည်ရာလမ်းကြောင်းအဖြစ် ကိုယ်စားမပြုဟု ထိုင်းနိုင်ငံကယူဆကြောင်း  ၎င်းကပြောကြားသည်။

မြန်မာနိုင်ငံကို လက်နက်တင်ပို့မှု တားဆီးရေးတောင်းဆိုချက်ပါဝင်သည့် မြန်မာ့အရေးအဆိုပြုချက်မူကြမ်းကို ကုလသမဂ္ဂအထွေထွေညီလာခံအတွင်း မဲခွဲမှုတွင် အဖွဲ့ဝင်နိုင်ငံပေါင်း ၁၉၃ နိုင်ငံအနက် ထိုင်း ၊ အိန္ဒိယ ၊ ရုရှား ၊ တရုတ် ၊ နီပေါ ၊ သီရိလင်္ကာ၊  ဘူတန်၊ ဘင်္ဂလားဒေ့ရ်ှနှင့်ပါကစ္စတန်အပါအဝင် ၃၆ နိုင်ငံက ကြားနေခဲ့သည်။

သို့သော် အမေရိကန်၊ ပြင်သစ် ၊ ဗြိတိန် ၊ ဂျာမနီနှင့် ဥရောပနိုင်ငံအများစုအပါအဝင် အဖွဲ့ဝင်နိုင်ငံ ၁၁၉ နိုင်ငံ၏ ထောက်ခံမှုနှင့်အတည်ပြုနိုင်ခဲ့ပြီး ဘယ်လာရုစ်နိုင်ငံသည် ကန့်ကွက်မဲပေးသည် တစ်ခုတည်းသော နိုင်ငံဖြစ်သည်။

အဆိုပြုချက်ကို တညီတညွတ်တည်းဆန္ဒနှင့် အတည်ပြုရန် မျှော်လင့်ခဲ့ကြသော်လည်း ဘယ်လာရုစ်၏တောင်းဆိုမှုနှင့် မဲခွဲခဲ့ကြခြင်း ဖြစ်သည်။
 

*****************************************************************
END / 251