အိန္ဒိယရဲတပ်ဖွဲ့​၏ ညွှန်ကြားစာတွင် ဆစ်ခ် နှင့် မွတ်စလင်များ ကို အကြမ်းဖက်သမားနှင့် နှိုင်းထား

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


အာဏာရဟိန္ဒူအမျိုးသားရေးပါတီ BJP အုပ်စိုးတဲ့ နိုင်ငံအလယ်ပိုင် မဒ်ယာပရာဒက်ရ်ှပြည်နယ်က ရဲတပ်ဖွဲ့ရဲ့ညွှန်ကြားချက်တစ်ခုမှာ ဆစ်ခ်လူမျိုးနဲ့ မွတ်စလင်တွေကို အကြမ်းဖက်အဖွဲ့တွေနဲ့ ယှဉ်တွဲ ဖော်ပြထားပြီး ဒီအတွက် ဝေဖန်မှုတွေလည်း ရှိနေပါတယ်။

ကတ္တနီခရိုင်ရဲမှူး ဆူနေးလ် ကူးမားဂျိန်း လက်မှတ်နဲ့ ဒီဇင်ဘာ ၆ ရက်နေ့က ထုတ်ပြန်တဲ့ အဲဒီညွှန်ကြားချက်မှာ “ဆစ်ခ်တွေ၊ မွတ်စလင်တွေ၊ JKLF၊ ULFA နဲ့ SIMI & LTTE အကြမ်းဖက်သမားတွေကို သေသေချာချာ စောင့်ကြည့်ပါ” လို့ ရေးသားထားပါတယ်။

ပြည်နယ်ဝန်ကြီးချုပ် မန်ဂူဘိုင် စီ ပတေးလ် ကတ္တနီခရိုင်ကို လာရောက်မယ့် ခရီးစဉ်အတွက် လုံခြုံရေးဆိုင်ရာ စီစဉ်ထားဖို့ ၂ မျက်နှာခွဲရှိတဲ့ ညွှန်ကြားချက်ကို ထုတ်ပြန်တာဖြစ်ပါတယ်။

BJP ရဲ့ အဓိကအတိုက်အခံပါတီဖြစ်တဲ့ ကွန်ဂရက်ပါတီ အတွင်းရေးမှူး ကေကေမစ်ရ်ှရာက ကတ္တနီခရိုင်ရဲမှူး ရဲ့ ဒီလုပ်ရပ်ကို Twitter စာမျက်နှာကနေတစ်ဆင့် ရှုတ်ချခဲ့ပါတယ်။

“တိုင်းပြည်က လယ်သမားတွေ၊ မွတ်စလင်တွေကို အကြမ်းဖက်သမားအဖြစ် BJP က ပြုမူဆက်ဆံနေတယ်။ အခု အုပ်ချုပ်ရေးမှူးလာမယ့်ခရီးစဉ်မှာ ကတ္တနီရဲမှူးနဲ့ ရဲစခန်းက ဆစ်ခ်နဲ့ မွတ်စလင်တွေကို အကြမ်းဖက်သမားအဖြစ် တရားဝင် တံဆိပ်ကပ်လိုက်ပြီ။ မင်းက စခန်းမှူးလား၊ BJP အတွက် ပြောပေးနေတာလား။ BJP အစိုးရက မင်းကို Padma Shri ဘွဲ့ ပေးတော့မယ်ထင်တယ်’

Padma Shri ဟာ အိန္ဒိယအစိုးရက အရပ်သားတွေကိုချီးမြှင့်တဲ့ စတုတ္ထမြောက်အမြင့်ဆုံး ဂုဏ်ပြုဆု ဖြစ်ပါတယ်။

ကတ္တနီခရိုင်ရဲမှူး ကူးမားဂျိန်းက စာမှားရိုက်မိတာသာဖြစ်ပြီး၊ စာရိုက်တဲ့ စာရေးကို ထိထိရောက်ရောက် အရေးယူသွားမယ်လို့ ဒီကနေ့မှာ ပြောကြားခဲ့ပါတယ်။
*********************************************************************
END / 251