မာသာထရီဇာ၏ ပရဟိတအဖွဲ့ကို အဓမ္မဘာသာပြောင်းမှုစွဲချက်ဖြင့် အိန္ဒိယရဲတပ်ဖွဲ့ စစ်ဆေးနေ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ခရစ်ယာန်ဘာသာ အဓမ္မကူးပြောင်းခိုင်းတယ်ဆိုတဲ့ စွပ်စွဲချက်နဲ့ နိုဘယ်ငြိမ်းချမ်းရေးဆုရှင် မာသာထရီဇာ တည်ထောင်ခဲ့တဲ့ ပရဟိတအဖွဲ့ Missionaries of Charity ကို အိန္ဒိယရဲတပ်ဖွဲ့က စုံစမ်းစစ်​​ဆေးမှုတွေ ပြုလုပ်နေပါတယ်။

ဒါဟာ အာဏာရ ဟိန္ဒူအမျိုးသားရေးပါတီ BJP ရဲ့ လူနည်းစုခရစ်ယာန်ဘာသာဝင်တွေအပေါ် နှိပ်ကွပ်မှုတွေထဲက ပုံစံတစ်ခုလို့ လေ့လာစောင့်ကြည့်သူတွေက သုံးသပ်ပါတယ်။

BJP ကြီးစိုးတဲ့ နိုင်ငံအနောက်ပိုင်း ဂူဂျာရတ်ပြည်နယ် ဗာဒိုဒါရာမြို့မှာ Missionaries of Charity ပရဟိတအဖွဲ့က သူတို့စောင့်ရှောက်ထားတဲ့ အမျိုးသမီးငယ်တွေကို လက်ဝါးကပ်တိုင်ဆွဲကြိုးတွေ အတင်းဝတ်ခိုင်းတာ၊ သမ္မာကျမ်းစာ အဓမ္မဖတ်ခိုင်းတာတွေ လုပ်တယ်ဆိုတဲ့ သတင်းကြောင့် စုံစမ်းစစ်​ဆေးမှုတွေ လုပ်နေတယ်လို့ ပြည်နယ်အာဏာပိုင်တွေက ပြောပါတယ်။

ခရစ်ယာန်သာသနာပြုအဖွဲ့တွေက ဟိန္ဒူတွေကို အဓမ္မဘာသာပြောင်းခိုင်းတယ်လို့ စွပ်စွဲပြီး ခရစ်ယာန်တွေအပေါ် ကန့်သတ်နှိပ်ကွပ်မှုတွေကို ပြီးခဲ့တဲ့နှစ်တွေအတွင်း အိန္ဒိယက ပြည်နယ်တစ်ချို့မှာ လုပ်ဆောင်လာပြီး ဝန်ကြီးချုပ် နရန်ဒရာမိုဒီရဲ့ ဇာတိပြည်နယ် ဂူဂျာရတ်လည်း ဒီထဲမှာ ပါဝင်ပါတယ်။

Missionaries of Charity အဖွဲ့ရဲ့ လုပ်ရပ်တွေကို ကလေးသူငယ်ရေးရာအဖွဲ့တွေ၊ အခြားမြို့မှာရှိတဲ့ အာဏာပိုင်တွေက ​သတင်းပို့လာတာကြောင့် ရဲတပ်ဖွဲ့ကို တိုင်ကြားတာဖြစ်တယ်လို့ ဗာဒိုဒါရာမြို့ရဲ့ လူမှုဖူလှုံရေးဆိုင်ရာ အကြီးအကဲ မာယန့် ထရီဗီဒီက​ ပြောပါတယ်။

စာကြည့်တိုက်ထဲမှာ သမ္မာကျမ်းစာ ၁၃ အုပ်တွေ့သလို၊ ရိပ်သာက မိန်းကလေးငယ်တွေကို သမ္မကျမ်းစာ အဓမ္မဖတ်ခိုင်းတာကို သိရတယ်လို့ တိုင်ကြားချက်မှာ ဖော်ပြထားပါတယ်။

Missionaries of Charity ပရဟိတအဖွဲ့ကို နိုဘယ်ငြိမ်းချမ်းရေးဆုရှင်ဖြစ်တဲ့ ခရစ်ယာန်ကက်သလစ် သီလရှင် မာသာထရီဇာက ၁၉၅၀ ခုနှစ်မှာ တည်ထောင်ခဲ့တာပါ။

အလ်ဘေးနီးယန်းလူမျိုးဖြစ်တဲ့ မာသာထရီဇာဟာ ဘ၀သက်တမ်းတစ်လျှောက်လုံးကို အိန္ဒိယနိုင်ငံ ကိုလ်ကတ္တားမြိုမှာ အခြေချကာ လူသားအကျိုးပြုလုပ်ငန်းတွေလုပ်ရင်း ကုန်ဆုံးခဲ့တာ ဖြစ်ပါတယ်။ HIV/AIDS၊ ကျောက်ရောဂါ၊ တီဘီရောဂါ ပပျောက်ရေး၊ စာတတ်မြောက်ရေးကနေ အိန္ဒိယပြည်သူတွေအတွက် နယ်ပယ်စုံမှာ မာသာထရီဇာက ကူညီပေးခဲ့ပြီး နိုင်ငံတကာက ဂုဏ်ပြုဆုတံဆိပ်ပေါင်းများစွာ ရရှိခဲ့သလို ၁၉၇၉ ခုနှစ်မှာ နိုဘယ်ငြိမ်းချမ်းရေးဆု ရရှိခဲ့ပါတယ်။

ခရစ်ယာန်ကက်သလစ်အသင်းတော်ရဲ့ အကြီးအကဲ ပုပ်ရဟန်းမင်းကြီး ဖရန်စစ်ဟာ ၂၀၁၆ ခုနှစ်မှာ မာသာထရီဇာကို ‘သူတော်စင်’ အဖြစ် သတ်မှတ်ကြေငြာခဲ့ပါတယ်။

ဟိန္ဒူအမျိုးသားရေးပါတီ BJP ၂၀၁၄ ခုနှစ်မှာ အာဏာရပြီးကတည်းက အိန္ဒိယမှာရှိနေတဲ့ လူနည်းစု ခရစ်ယာန်တွေဟာ ဟိန္ဒူလက်ယာစွန်းရောက်တွေရဲ့ တိုက်ခိုက်မှု၊ အစိုးရရဲ့ ကန့်သတ်နှိပ်ကွပ်မှုတွေကို ပိုမိုခံစားလာရတယ်လို့ တက်ကြွလှုပ်ရှားသူတွေက ပြောပါတယ်။

အခုနှစ်အတွင်းမှာပဲ နိုင်ငံတစ်ဝှမ်း ခရစ်ယာန်ဆန့်ကျင်ရေး တိုက်ခိုက်မှုပေါင်း ၃၀၀ ကျော် ဖြစ်ပွားခဲ့ပါတယ်။ နောက်ဆုံးအဖြစ်အပျက်က မဒ်ယာပရာဒက်ရ်ှပြည်နယ်မှာ ပြီးခဲ့တဲ့တစ်ပတ်က ဖြစ်ပွားခဲ့တာပါ။ ခရစ်ယာန်စာသင်ကျောင်းတစ်ခုမှာ ကျောင်းသားတွေ စာမေးပွဲဖြေနေတဲ့အချိန် လူ ၃၀၀ လောက်က ၀ိုင်းပြီး တိုက်ခိုက်ခဲ့တာ ဖြစ်ပါတယ်။

****************************************************************
END / 251