ပုဝါမဆောင်းရအမိန့်ကြောင့် တင်းမာမှုမြင့်နေသည့် အိန္ဒိယပြည်နယ်တစ်ခုတွင် ကျောင်းများပြန်ဖွင့်

 
အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

မွတ်စလင်ကျောင်းသူတွေ ပုဝါမဆောင်းရဆိုတဲ့ အမိန့်ထုတ်ပြန်မှုကြောင့် တင်းမာမှုတွေ မြင့်တက်နေတဲ့ အိန္ဒိယနိုင်ငံ တောင်ပိုင်း ကာနာတာကာပြည်နယ်မှာ လုံခြုံရေးတွေထားပြီး ကျောင်းတွေ ပြန်ဖွင့်ခဲ့ပါတယ်။

ပုဝါဆောင်းတဲ့ မွတ်စလင်ကျောင်းသူတွေကို အာဏာရ ဟိန္ဒူအမျိုးသားရေးပါတီ (BJP) ကို ထောက်ခံသူတွေက လိုက်လံနှောက်ယှက်စော်ကားတာ၊ ဒီအမိန့်ဟာ ဖွဲ့စည်းပုံ

အခြေခံဥပဒေက ပေးထားတဲ့ လွတ်လပ်စွာကိုးကွယ်ခွင့်ကို ထိပါးတယ်ဆိုပြီး မွတ်စလင်လူငယ်တွေက ဆန္ဒပြတာတွေကြောင့် ပြည်နယ်အတွင်း စာသင်ကျောင်းတွေကို ပြီးခဲ့တဲ့တစ်ပတ်ကစလို့ ပိတ်ထားတာ ဖြစ်ပါတယ်။

မနေ့ကစတင်ပြီး ကျောင်းပြန်ဖွင့်ရာမှာ မွတ်စလင်ကျောင်းသူတွေ နှောက်ယှက်ခံရတဲ့သတင်း ထွက်မလာတော့ပါဘူး။ ကျောင်းတာဝန်ရှိသူတွေက ပုဝါချွတ်ခိုင်းတဲ့အခါ မွတ်စလင်ကျောင်းသူတွေက မချွတ်ဘဲ ကျောင်းမတက်တာ၊ စာမေးပွဲ မဖြေတာတွေ ရှိတယ်လို့ ဒေသတွင်းမီဒီယာတွေက ဖော်ပြပါတယ်။

“ကျွန်မတို့ ငယ်ငယ်လေးကတည်းက ပုဝါဆောင်းလာတာ။ ဒါကို မစွန့်လွှတ်နိုင်ဘူး။ စာမေးပွဲ ဖြေလို့မရဘူးဆိုလည်း မဖြေဘူး။ အိမ်ပြန်မယ်” လို့ မွတ်စလင်ကျောင်းသူတစ်ဦးက News Minute ကို ပြောကြားခဲ့ပါတယ်။

ကျောင်းသားမိဘတစ်ယောက်ကလည်း “ဟိန္ဒူတွေ ပူတူးတပ်တယ်။ ခရစ်ယာန်တွေ လက်ဝါးကပ်တိုင်ဆွဲတယ်။ ကျွန်မတို့ကလေးတွေ ပုဝါဆောင်းတာကို သူတို့က ဘာဖြစ်နေတာလဲ” လို့ NDTV ကို ပြောကြားခဲ့ပါတယ်။

စာသင်ကျောင်းတွေမှာ ဘာသာရေးနဲ့နွယ်တဲ့ အမှတ်သညာတွေ ၀တ်မလာရဆိုတဲ့ အမိန့်တစ်ရပ်ကို ကာနာတာကာ ပြည်နယ်အစိုးရက ပြီးခဲ့တဲ့နှစ်နှောင်းပိုင်းမှာ ထုတ်ပြန်ခဲ့ပြီးတဲ့နောက် ပြည်နယ်အတွင်းက

ကျောင်းတွေမှာ အနည်းဆုံး မွတ်စလင်ကျောင်းသူ ၄ ဦး ပုဝါ၀တ်ထားတဲ့အတွက် အတန်းထဲကနေ မောင်းထုတ်ခံခဲ့ရပါတယ်။

အဲဒီနောက်ပိုင်း ပုဝါ၀တ်ထားတဲ့ မွတ်စလင်ကျောင်းသူ နှောက်ယှက်ခံရမှုတွေ မြင့်တက်လာပါတယ်။ ဆန္ဒပြမှုတွေကို ထိန်းသိမ်းဖို့အတွက် ကာနာတာကာပြည်နယ်အစိုးရက လူ ၄ ယောက်ထက် ပိုမစုရအမိန့် ထုတ်ပြန်ထားပါတယ်။
****************************************************************
END / 251