ဂါဇာမှာ မည်သည့် အကူအညီများ မရောက်သည်မှာ သုံးပတ်ကျော်ရှိ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

ဂါဇာတွင် ပါလက်စတိုင်း လူမျိုးတုံးသတ်ဖြတ်မှု ရည်မှန်းချက် အောင်မြင်စေရန်အတွက် နယ်ချဲ့ ဇီယွန်ဝါဒီ အစိုးရသည် ယခုအခါ အဆိုပါ ကြိုးဝိုင်းအား လုံး၀ ဝိုင်းရံထားကာ လူသားချင်း စာနာထောက်ထားမှု အကူအညီများ ဝင်ရောက်ခြင်းမှ တားမြစ်ထားပြီး  အရပ်သားများ၏  အသက်အိုးအိမ်စည်းစိမ်ကို ခြိမ်းခြောက်နေ ကြောင်း သိရပါတယ်။

ယင်းကိုအခြေခံ၍ ပါလက်စတိုင်းဒုက္ခသည်များဆိုင်ရာ ကုလသမဂ္ဂကယ်ဆယ်ရေးနှင့်အလုပ်များအေဂျင်စီ (UNRWA) အကြီးအကဲ Philip Lazzarini က မိမိ၏  လူမှုကွန်ရက် (ယခင် Twitter) တွင် လူသား ချင်းစာနာထောက်ထားမှု မည်သည့် အကူအညီများ ဂါဇာကမ်းမြောင်သို့ သီတင်းပတ်သုံးပတ်ကျော်ကြာ ဝင်ရောက်ခြင်း မရှိကြောင်း ရေးသားခဲ့ပါတယ်။ ဤအခြေအနေသည် ဂါဇာကမ်းမြောင်ဒေသအတွက်  စစ်ပွဲစတင် ကတည်းက မည်သည့် အကူအညီမှ မရရှိဘဲ အရှည်ကြာဆုံးကာလဖြစ်သည်။

အပစ်အခတ်ရပ်စဲရေးကာလအတွင်း ဂါဇာကမ်းမြောင်ဒေသရဲ့ အခြေအနေတွေကို ရည်ညွှန်းပြီး လူသားချင်းစာနာထောက်ထားမှုဆိုင်ရာ အကူအညီတွေတင်ဆောင်လာတဲ့ ထရပ်ကားအစီးရေ ၆၀၀ လောက်က ဒီဒေသကို နေ့တိုင်း ဝင်ရောက်ခဲ့ပေမယ့် အခု အခါ မည်သည့် အကူအညီတွေ မရောက်သေးဘူး ဟု Philip Lazzarini က  ဆိုပါတယ်။

Philip Lazzarini က ထပ်လောင်း၍ မိဘများသည် မိမိ တို့၏ကလေးများအတွက် အစာရှာမတွေ့ကြောင်း  လူနာများ ဆေးမကုဘဲ ကျန်ရစ်နေကြောင်း ဈေးများ တဟုန်ထိုးတက်သွားကြောင်း ငတ်မွတ်မှု တိုးများလာကာ ရောဂါဖြစ်ပွားနိုင်ခြေလည်း တိုးလာနေကြောင်းဤကဲ့သို့ အချိန်တွင် ဇီယွန်ဝါဒီ စစ်တပ် ၏ ဗုံးကြဲတိုက်ခိုက်မှုများ ဆက်လက်ဖြစ်ပွားနေကြောင်း သတိပေး ပြောကြား ခဲ့ပါတယ်။

ဆက်လက်ပြီး  ပြီးခဲ့သည့် သီတင်းပတ်တစ်ခုတည်းတွင် UNRWA ဝန်ထမ်း ရှစ်ဦးသည် ဇီယွန်ဝါဒီများ၏ တိုက်ခိုက်မှုအတွင်း အသက်ဆုံးရှုံးခဲ့ကြောင်း ၎င်း မှ ပြောကြားခဲ့ပါတယ်။

.......................................................

END / 251