ဂါဇာ ကမ်းမြောင်ဒေသ ပိတ်ဆို့မှုကို ချိုးဖျက်ရန် ကြိုးပမ်းနေသည့် Madeleine သင်္ဘောအား အစ္စရေး ဇီယွန်နစ် ရေတပ်က ဝိုင်းရံ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

Mehr News Agency ၏ အစီရင်ခံစာအရ အစ္စရေးရေတပ်သည် ဂါဇာကမ်းမြောင်သို့ ထောက်ပံ့ရေးပစ္စည်းများ တင်ဆောင်လာသော နိုင်ငံတကာ သင်္ဘော Madeleine ကို ဝိုင်းရံဖမ်းဆီးခဲ့ကြောင်း သိရပါတယ်။

အဆိုပါ လှေသည် အစ္စရေး၏ ပိတ်ဆို့ထားမှုကို ချိုးဖျက်ရန်အတွက် လူ့အခွင့်အရေး လှုပ်ရှားသူများနှင့် အကူအညီပေးရေး လုပ်သားများနှင့်အတူ ဂါဇာသို့ ဦးတည်ခဲ့ပါတယ်။

Al Jazeera ၏အဆိုအရ ပါလက်စတိုင်းရေးရာ ကုလသမဂ္ဂ အထူးကိုယ်စားလှယ် Francesca Albanese က မိမိ သည် သင်္ဘော ပေါ်ရှိ သင်္ဘောသားများနှင့် အမြဲမပြတ် အဆက်အသွယ်ရှိကြောင်း လူမှုမီဒီယာပလပ်ဖောင်း X တွင် ပြောကြားခဲ့ပါတယ်။

Madeleine သင်္ဘောကို အစ္စရေး အမြန်ရေယာဉ်များက ဝိုင်းရံထားပြီး အနည်းဆုံး အစ္စရေး လှေငါးစင်းက လောလောဆယ် ၎င်းကို ဝိုင်းရံထားကြောင်း Francesca Albanese က ပြောကြားခဲ့ပါတယ်။

ကပ္ပတိန်သည် သင်္ဘောသားများအား မိမိ တို့၏ ပတ်စပို့နှင့် အသက်ကယ်အင်္ကျီများ ထားရှိရန် မိမိ တို့၏ ထိုင်ခုံများတွင် ငြိမ်သက်စွာနေရန် ညွှန်ကြားထားကြောင်း အယ်လ်ဘာနီစ်က ပြောကြားခဲ့ပါတယ်။

ကပ္ပတိန် နှင့် ဆက်သွယ်ပြီး အသေးစိတ် အချက်အလက်အားလုံးကို မှတ်တမ်းတင်နေကြောင်း သို့သော်လည်း အချိန်အတန်ကြာပြီးနောက်တွင် အစ္စရေးကင်းလှည့်သင်္ဘောများသည် Madeleine အနီးတစ်ဝိုက်မှ ပြန်လည် ဆုတ်ခွာ လာသောအခါ သင်္ဘောသည် ဂါဇာကမ်းမြောင်ဘက်သို့ ဆက်လက်ချီတက်နိုင်ခဲ့ကြောင်း ‌ Francesca Albanese က ပြောကြားခဲ့ပါတယ်။

အစ္စရေးသတင်းစာ Haaretz က Tel Aviv သည် နိုင်ငံတကာရေပိုင်နက်အတွင်း သင်္ဘောကို ကြားဖြတ်တားဆီးရန် အစီအစဉ်ကို ပြင်ဆင်ထားကြောင်း ဖော်ပြခဲ့ပါတယ်။ သို့သော်လည်း ဂါဇာကမ်းမြောင်ဒေသကို ဖြတ်ကျော်ရန် ၎င်းတို့၏ ဆုံးဖြတ်ချက်ကို လိုက်လျောညီထွေဖြစ်စေရန် သင်္ဘောအမှုထမ်းများက ကြေညာခဲ့ပါတယ်။

အတောအတွင်း သင်္ဘောလမ်းကြောင်း မပြောင်းလဲပါက အစ္စရေးကွန်မန်ဒိုများက သင်္ဘောကို တိုက်ခိုက်ပြီး သိမ်းယူကာ Ashdod ဆိပ်ကမ်းသို့ လွှဲပြောင်းပေးမည်ဟု အစ္စရေး အကြီးတန်း အရာရှိတစ်ဦး၏ ပြောကြားချက်ကို ကိုးကား၍ အစ္စရေး Channel 12 က ပြောကြားခဲ့ပါတယ်။

.......................................................

END / 251