အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
အာဖဂန်နစ္စတန် ဘာမီယန် ပြည်နယ် ရဲတပ်ဖွဲ့ တာဝန်ရှိသူများက ယခုနှစ်အတွင်း ပြည်နယ်အတွင်း ယာဉ်မတော်တဆမှု အများအပြား ဖြစ်ပွားခဲ့ကြောင်း ထုတ်ပြန်ခဲ့ပါတယ်။
ဘာမီယန် ပြည်နယ် ရဲတပ်ဖွဲ့ ပြောရေးဆိုခွင့်ရှိသူ မိုဟမ္မဒ် အီစ္စမာအီ ဆာကစ်ဗ် က ယခုနှစ် အတွင်း ပြည်နယ်အနှံ့ ယာဉ်မတော်တဆမှု စုစုပေါင်း ၅၆ ခု မှတ်တမ်းတင်ထားကြောင်း ပြောပါတယ်။
သူ၏ ပြောကြားချက်အရ ထိုမတော်တဆမှုများထဲမှ ၁၅ ခုတွင် လူများ သေဆုံးခဲ့ပြီး ၃၀ ခုတွင် လူအချို့ ဒဏ်ရာရရှိခဲ့ကြကြောင်း အခြား မတော်တဆမှု ၁၇ ခုတွင်တော့ အသက်ဆုံးရှုံးမှု မရှိခဲ့ကြောင်း သိရပါတယ်။
တစ်ဖက်တွင် ဘာမီယန် ပြည်နယ်ရှိ ယာဉ်မောင်း အချို့က လမ်းများ ပျက်စီးနေခြင်းနှင့် ကျွမ်းကျင်မှုမရှိသော ယာဉ်မောင်းများ လုပ်ငန်းဆောင်ရွက်နေခြင်းကို မတော်တဆမှုများ ဖြစ်ပွားစေသော အဓိက အကြောင်းရင်းများ အဖြစ် ဖော်ပြကြပါတယ်။
ဤပြည်နယ်ရှိ ယာဉ်မောင်းတစ်ဦးဖြစ်သော နဂျီဘွလ္လာဟ် ဒရ်ဝေရှီ က ဒေသခံ မီဒီယာများနှင့် ပြောဆိုရာတွင် ယာဉ်မောင်းအချို့သည် အသက်ငယ်သေးပြီး လိုအပ်သော ယာဉ်မောင်း သင်တန်းများကို မရရှိသေးကြောင်း ပြောကြားခဲ့ပါတယ်။
ထို့အပြင် လမ်းများ ပြုပြင်မွမ်းမံရေးအတွက် အာဏာပိုင်များက အရေးယူဆောင်ရွက်ပေးရန်နှင့် မကျွမ်းကျင် သော ယာဉ်မောင်းများ မောင်းနှင်ခြင်းကို တားဆီးရန် တာဝန်ရှိသူများကို တောင်းဆိုခဲ့ပါတယ်။
ထို့ပြင် ဘာမီယန် ပြည်နယ်မှ အခြား ယာဉ်မောင်းတစ်ဦးဖြစ်သော အဗ်ဒွလ္လာဟ် ဇါဟစ်ဒ် ကလည်း ကျွမ်းကျင်မှု မရှိသော ယာဉ်မောင်းများ၏ လုပ်ငန်းဆောင်ရွက်မှုကို တားဆီးပြီး ယာဉ်မောင်း သင်တန်းများ စီစဉ်ပေးပါက ယာဉ်မတော်တဆမှု အရေအတွက် လျော့နည်းလာမည်ဟု အလေးပေး ပြောကြားခဲ့ပါတယ်။
သို့သော်လည်း စာရင်းအချက်အလက်များအရ ဘာမီယန် ပြည်နယ်တွင် ယာဉ်မတော်တဆမှု အရေအတွက်သည် မနှစ်ကနှင့် နှိုင်းယှဉ်လျှင် လျော့နည်းလာခဲ့ပါတယ်။ မနှစ်က အဆိုပါ ပြည်နယ်တွင် ယာဉ်မတော်တဆမှု ၉၀ ကျော် မှတ်တမ်းတင်ထားခဲ့ကြောင်း သိရပါတယ်။
++++++++++++++++++++++++++++++++++++++++++++++++++
END / 251
Your Comment