အမေရိကန် ၊အစ္စရေး၏ မဟာရှ်ဟာရ်တိုက်ခိုက်မှုအပြီး အီရန်မှ ပစ်မှတ်စာရင်းကို အသစ်ပြင်ဆင်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ

Farsnews သတင်းဌာန ၏ အစီရင်ခံစာ အရမဟာရှ်ဟာရ်ရှိ ပက်ထရိုကေမီကယ် စက်ရုံများကို တိုက်ခိုက်ခဲ့ခြင်းကို ပြန်လည်တုံ့ပြန်ရာတွင် သာမန်အတိုင်း ရေနံ၊ ဓာတ်ငွေ့နှင့် ပက်ထရိုကေမီကယ် လုပ်ငန်းများသာမက၊ လျှပ်စစ်၊ ရေ၊ အပူနှင့် စွမ်းအင်စနစ်များအားလုံးကိုပါ ပစ်မှတ်ထားနိုင်သည်ဟု ဆိုပါတယ်။

အရေးကြီးသော ပစ်မှတ်များထဲတွင် 

အစ္စရေးတွင် Israel Electric Corporation ဟုခေါ်သော လျှပ်စစ်ကုမ္ပဏီသည် အဓိက လျှပ်စစ် ထောက်ပံ့သူဖြစ်ပြီး ၊ ဟိုင်ဖာရှိ ပက်ထရိုကေမီကယ် စက်မှုဇုန်များနှင့်အတူ အဓိကပစ်မှတ်များထဲတွင် ပါဝင်ပါတယ်။

ဆော်ဒီအာရေးဘီးယားတွင် Marafiq ကုမ္ပဏီသည် ယန်ဘူနှင့် ဂျူဘိုင်လ် စက်မှုမြို့များတွင် လျှပ်စစ်၊ ရေသန့် နှင့် စက်မှုသုံး အပူစနစ်များကို ပံ့ပိုးပေးနေပြီး၊ အရေးကြီးသော ပစ်မှတ်တစ်ခုဖြစ်ပါတယ်။

ယူအေအီးတွင် TAQA ကုမ္ပဏီသည် နိုင်ငံအနှံ့ လျှပ်စစ်ထုတ်လုပ်ရေး စနစ်များကို လည်ပတ်နေပြီး၊ အဘူဒါဘီနှင့် ရွိုက်စ် ဒေသများရှိ စက်မှုလုပ်ငန်းများနှင့် တိုက်ရိုက်ဆက်စပ်နေပါတယ်။

ကာတာတွင် QatarEnergy နှင့် ဆက်စပ်ကုမ္ပဏီများသည် ရာ့စ် လာဖန် ဒေသရှိ LNG နှင့် ပက်ထရိုကေမီကယ် စက်မှုဇုန်များ အတွက် စွမ်းအင်နှင့် ရေကို ပံ့ပိုးပေးနေပြီး၊ ၎င်းတို့မရှိပါက ထုတ်လုပ်မှုစနစ်တစ်ခုလုံး ရပ်တန့်နိုင် ပါတယ်။

အသစ်ပြင်ဆင်ထားသော အီရန်၏ စစ်ရေးအဖြေမှာ တစ်ချိန်တည်းတွင် ပစ်မှတ်များစွာကို တိုက်ခိုက်နိုင်ခြင်း ဖြစ်ပြီး၊ ပေါင်းစည်းထားသော ထိခိုက်မှုဖြင့် မျိုးစုံသော ကာကွယ်ရေးစနစ်များကို ကျော်လွှားနိုင်ကြောင်း ပြသရန် ရည်ရွယ်ထားသည်ဟု ဆိုပါတယ်။

ကျွမ်းကျင်သူများကလည်း ဤကဲ့သို့ အသေးစိတ် ပစ်မှတ်စာရင်း ထုတ်ပြန်ခြင်းသည် အီရန်မှ အဆင့်မြင့် စူးစမ်း ရှာဖွေရေး နှင့် စစ်ရေးဆိုင်ရာ ပြင်ဆင်မှုများ ပြုလုပ်ထားကြောင်းကို ပြသနေပြီး၊ ဒေသတွင်းနှင့် နိုင်ငံတကာ ပါဝင်သူများအတွက် ပြတ်သားသော သတိပေးချက်တစ်ရပ်ဖြစ်ကြောင်း ပြောကြားကြပါတယ်။

++++++++++++++++++++++++++++++++++++++++++++++++++

END / 251