အာဆီယံနိုင်ငံများရင်ဆိုင်နေရသည့် စိန်ခေါ်မှုများကို ဒေါ်အောင်ဆန်းစုကြည်ပြောကြား

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


အာဆီယံအဖွဲ့ဝင် နိုင်ငံများအနေဖြင့် ဘာသာရေး အခြေခံသော အကြမ်းဖက်မှုများ၊ သဘာဝသယံဇာတပျက်သုဉ်းမှု အပါအ၀င် စိန်ခေါ်မှုများ ရင်ဆိုင်နေရကြောင်း နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က သတိပေးပြောကြားသည်။

သြဂုတ် ၁၄ ရက်က နေပြည် တော်ရှိ မြန်မာအပြည်ပြည်ဆိုင် ရာ ကွန်ဗင်းရှင်းဗဟိုဌာန-၂ တွင် ကျင်းပခဲ့သည့် အာဆီယံ နှစ် (၅၀) ပြည့် အထိမ်းအမှတ်အခမ်းအနားမိန့်ခွန်း၌ ဒေါ်အောင်ဆန်းစုကြည်က ထည့်သွင်းပြောကြားခဲ့ခြင်းဖြစ်သည်။

‘‘အာဆီယံအဖွဲ့ကြီးဟာ ဒေ သတွင်းပေါင်းစည်းမှု ခေတ်သစ် တစ်ရပ်ကို ချင်းနင်းဝင်ရောက် လာနေပြီး ရေရှည်တည်တံ့မှုနဲ့ ပတ်သက်တဲ့ စိန်ခေါ်မှုတွေဖြစ်တဲ့ အဖွဲ့ဝင်နိုင်ငံများအတွင်း ဆင်းရဲ နွမ်းပါးမှု၊ မညီမျှမှုအပြင် ဘာသာ ရေးကိုအခြေခံတဲ့ အကြမ်းဖက်မှု နဲ့ သဘာဝသယံဇာတပျက်သုဉ်းမှုတွေကို ရင်ဆိုင်လာနေရပါပြီ။ စည်းစည်းလုံးလုံး၊ ညီညီညွတ် ညွတ်၊ ခိုင်ခိုင်မာမာရပ်တည်နိုင်ဖို့ ကျွန်မတို့ရဲ့ စွမ်းရည်တွေကို ထပ်မံမြှင့်တင်ပြီး ဒီစိန်ခေါ်မှုတွေကို ရင်ဆိုင်ဖြေရှင်းရမှာပါ’’ဟု ဒေါ်အောင်ဆန်းစုကြည်က ပြောကြားသည်။

ထို့အပြင် အာဆီယံအသိုက် အ၀န်းတည်ဆောက်မှု အောင် မြင်ရေး ကျေပွန်ရမည့် တာဝန်ဝတ္တရားများရှိပြီး ငြိမ်းချမ်းရေး၊ တည်ငြိမ်ရေး၊ လုံခြုံရေးနှင့် သာယာဝပြောရေးအတွက် အဖွဲ့ဝင်များ ကြိုးပမ်းဆောင်ရွက်မှုကို မြန်မာနိုင်ငံအနေဖြင့် ဝေမျှထမ်း ဆောင်မည်ဟု ၎င်းက ဆိုသည်။

‘‘အနာဂတ်ကာလ နိုင်ငံရေး မတည်ငြိမ်မှုတွေ၊ မသေချာမရေ ရာမှုတွေကိုလည်း အာဆီယံအ နေနဲ့ အာဆီယံရဲ့ အချက်အချာ ကျမှု၊ စုစည်းညီညွတ်စွာ ရပ် တည်မှုနဲ့ အပြုသဘောဆောင်မှု တို့ကို အခြေခံပြီး အောင်မြင်စွာ ကျော်လွှားသွားနိုင်မယ်လို့ အ ပြည့်အ၀ယုံကြည်ပါတယ်’’ဟု ဒေါ်အောင်ဆန်းစုကြည်က ဆက် လက်ပြောကြားသည်။

အာဆီယံ၏ ကြိုးပမ်းအား ထုတ်မှု ရလဒ်တစ်ခုအဖြစ် ၂၀၁၆ တွင် မွေးဖွားခဲ့သော ကလေးများ သည် ၁၉၆၇ က မွေးဖွားခဲ့သော သူများထက် ပျမ်းမျှ ၁၅ နှစ်ခန့်ပို မိုပြီး အသက်ရှည်လာခဲ့ပြီဖြစ် ကြောင်းနှင့် သန့်ရှင်းသော သောက်သုံးရေရရှိမှုသည်လည်း ၁၉၉၉ တွင် ၆၈ ဒသမ ၁ ရာခိုင် နှုန်းသာရှိရာမှ ၉၀ ရာခိုင်နှုန်းအ ထိ တိုးတက်လာပြီဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်က ထည့်သွင်းပြောကြားခဲ့သည်။

ထို့အပြင် အာဆီယံဒေသ အတွင်း လက်ရှိ ပြည်တွင်းအသား တင်ထုတ်ကုန် စုစုပေါင်း တန်ဖိုး သည် ကန်ဒေါ်လာ ၂ ဒသမ ၄ ထရီလီယံရှိနေပြီဟု ဒေါ်အောင်ဆန်းစုကြည်က ဆိုသည်။

=====================
251/ End