ကုန်ဈေးနှုန်းကျစေလိုလျှင် ဟင်းတစ်မည်တည်းစားဟု ပြောကြားမှုနှင့် ပြည်သူ့အသံ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ပြည်သူများအနေဖြင့် ဟင်းတစ်မည်တည်းစားပြီး ခြိုးခြံချွေတာ၍ ပိုသည့်ငွေကိုရင်းနှီးမြှုပ်နှံပါက ကုန်ဈေးနှုန်းကျဆင်းမည်ဖြစ်ကြောင်း မွန်ပြည်နယ်ဝန်ကြီးချုပ်ဒေါက်တာအေးဇံ၏ပြောကြားမှုအပေါ် ပြည်သူများ အကြား အဓိပ္ပာယ်မျိုးစုံကောက်ယူမှုဖြင့် ဝေဖန်မှုများရှိနေသည်။ ဟင်းတစ်မည်တည်းစားသုံးရုံဖြင့် ကုန်ဈေးနှုန်းကျဆင်းမှုကို သက်ရောက်မှုမရှိကြောင်း ဝေဖန်ခဲ့သလိုခြိုးခြံချွေတာရေးသဘောဖြစ်၍ လက်ခံသူအချို့

လည်း ရှိသည်။ တိုင်းပြည်တွင် အမှန်တကယ်ကုန်ဈေးနှုန်းကျဆင်းရေးမည်သို့လုပ်ကိုင်သင့်သည်၊ မည်သူများထံတွင် တာဝန်ရှိသည်များနှင့်ပတ်သက်၍ အလွှာစုံမှ ပြည်သူများအားမေးမြန်းထားမှုကို ဖော်ပြလိုက်ပါသည်။

ကိုဇော်သူရိန်ထွန်း (အမှုဆောင်ဒါရိုက်တာ Justice House မုံရွာ)
ဟင်းတစ်မည်တည်းစားကြရင် ကုန်ဈေးနှုန်းကျသွားဖို့ဆိုတာက မဖြစ်နိုင်ဘူးလို့ ပြောလို့မရပေမယ့် ဖြစ်နိုင်ဖို့ကလည်း အလွန့်အလွန်ကို  ခက်ခဲတဲ့ကိစ္စဖြစ်ပါတယ်။ ကုန်ဈေးနှုန်းတွေတက်လာခြင်း(သို့မဟုတ်) ငွေကြေးဖောင်းပွလာခြင်းရဲ့ အကြောင်းရင်းတွေကရှုပ်ထွေးလှတာ မို့အလွယ်တကူဖြေရှင်းဖို့ ခက်ခဲလွန်းပါတယ်။ Supply Demand သဘောအရ၀ယ်လိုအားကျဆင်းသွားရင် ကုန်ဈေးနှုန်းကျတာမျိုးတော့ ရှိပေမယ့် ထမင်းတို့၊ ဟင်းတို့ဆိုတာက လူတွေရဲ့နေ့စဉ်လိုအပ်ချက်ဖြစ်တဲ့အတွက်လူတွေကို ဟင်းတစ်မည်တည်းစားလို့ပြောတာဟာ လက်တွေ့မကျတဲ့အရာကို တိုက်တွန်းနေတာနဲ့တူပါတယ်။ ကုန်ဈေးနှုန်းတက်တာဟာ စီးပွားရေးသီအိုရီများအရအကြောင်းရင်းနှစ်ခုရှိပါတယ်။ Cost Push နဲ့ Demand Pull ပါ။ Cost Push လို့ခေါ်တဲ့ ကုန်ပစ္စည်းထုတ်လုပ်ဖို့လိုအပ်တဲ့ ကုန်ကြမ်းတွေရဲ့ တန်ဖိုးမြင့်တက်မှု၊ လုပ်သားခမြင့်တက်မှု၊ တခြားစရိတ်မြင့်တက်မှုတွေကြောင့်လည်းဖြစ်သလို Demand Pull လို့ခေါ်တဲ့ သုံးစွဲသူတွေဘက်က ၀ယ်လိုအားတက်လာပြီး တစ်ဖက်ကအဲဒီလိုဝယ်လိုအားအတိုင်းကုန်ပစ္စည်းက မထုတ်လုပ်နိုင်တဲ့အချိန်မျိုးမှာလည်း ကုန်ဈေးနှုန်းတက်လေ့ရှိပါတယ်။ ဆိုတော့ ကုန်ဈေးနှုန်းတွေကျချင်ရင် အဲဒီ အပိုင်းတွေမှာ အစိုးရက ရသလောက်ဝင်ရောက်ထိန်းညှိရမှာပါ။ နိုင်ငံတော်က ပြဋ္ဌာန်းထားတဲ့ဥပဒေတွေ၊ မူဝါဒတွေ၊ လုပ်ထုံးလုပ်နည်းတွေ၊ အခွန်ကောက်ခံမှုစနစ်တွေ၊ အခြေခံအဆောက်အအုံမပြည့်စုံမှုတွေ ကြောင့်  ကုန်ဈေးနှုန်းကြီးမြင့်မှုကို အားပေးရာရောက်နိုင်သလို ကုန်ဈေးနှုန်းကျဆင်းခြင်းကို ဖြစ်ပေါ်စေနိုင် ပါတယ်။ နောက်ပြီး ကုန်ထုတ်စရိတ်ကြီးမြင့်လို့ ကုန်ဈေးနှုန်းတွေတက်စေပါတယ်။ ဥပမာမုံရွာကနေ ရန်ကုန် ကို ဂျုံမှုန့်တင်ပို့တာဟာ စင်ကာပူက ဂျုံမှုန့်ကို ၀ယ်တာထက်ပိုပြီး ကုန်ကျစရိတ်ကြီးမားနေတဲ့ကိစ္စလိုမျိုး ပေါ့။ တိုင်းပြည်စီးပွားရေးအတွက် အကြံပေးလိုတာကတော့ ပြည်ပပို့ကုန်တွေ များများပေါ်ထွန်းလာအောင် အစိုးရအနေနဲ့ အားပေးကူညီရမှာဖြစ်သလို သွင်းကုန်အစားထိုးကုန်ထုတ်လုပ်မှုတွေကိုလည်း ဦးစားပေးဖို့ လိုပါတယ်။ နိုင်ငံပိုင်စက်ရုံတွေကို Private နဲ့လက်တွဲပြီး Public Private Partnership (PPP)မော်ဒယ် အသွင်ပြောင်းသင့်ပါပြီ။ SME ကို အားပေးတဲ့နေရာမှာ ပိုက်ဆံထုတ်ချေးတာမျိုးသက်သက်မဟုတ်ဘဲ ဈေး ကွက်နဲ့ လိုအပ်တဲ့နည်းပညာတွေကိုပါ ရှာဖွေပေးဖုိ့လိုပါတယ်။

ဒေါ်သန်းသန်းဌေး (ခိုင်ရွှေပွင့်ဆန်ပွဲရုံ)
ဝန်ကြီးချုပ်က အဲဒီလိုပြောတယ်ဆိုပြီး သတင်းတွေထဲမှာတော့ ဖတ်လိုက်ရတယ်။ ဟင်းတစ်မည်တည်းစားရင် ကုန်ဈေးနှုန်းတွေကျနိုင် တယ်လို့ပြောတာ သေချာတွေးကြည့်ရင်မှန်တယ်လို့ထင်တယ်။ ဒါပေမဲ့ လိုတယ်။ စကားပြောမတတ်တာဖြစ်သွားတယ်။ ဆန်တစ်မျိုးကို လူ ကြိုက်များပြီး ၀ယ်တာများလာရင် ဈေးတက်တယ်။ သိပ်မကြိုက်ကြဘဲ အ၀ယ်နည်းတယ်ဆိုရင် ဈေးကျတယ်။ အဲဒီတော့လူတွေအစစအရာရာ ငွေသုံးတာလိုတာထက်ပိုမသုံးကြရင် ကုန်ဈေးနှုန်းတွေကျလာတယ်လို့ ပြောချင်တာလို့တော့ ထင်တယ်။ ဟင်းတစ်မည်တည်းစားရုံနဲ့ ကုန်ဈေးနှုန်းကျဖို့က ဆက်စပ်မှုရှိသလားဆို ရင် ဆက်စပ်မှုရှိအောင်တွေးယူရင်တော့ရှိတယ်။ ဒီအတိုင်း သူပြောသလိုပဲ နားလည်လိုက်ရင်တော့ မဆက် စပ်တော့ဘူးပေါ့။ ကုန်ဈေးနှုန်းတက်တာကတော့ အစိုးရနဲ့ဆိုင်တယ်ထင်တယ်။ အစိုးရက တာဝန်ယူမှု၊ တာ ၀န်ခံမှုမရှိဘဲ ပြည်သူတွေအပေါ် အပြစ်တင်နေရင် လူတွေယုံကြည်မှုလျော့လာလိမ့်မယ်။ တိုင်းပြည်စီးပွား ရေးဖွံ့ဖြိုးတိုးတက်မှုအတွက် အစိုးရက ကောင်းမွန်တဲ့စီးပွားရေးမူဝါဒတွေ၊ ဗျူဟာတွေချပေးဖို့လိုပါတယ်။ လုံခြုံစိတ်ချရတဲ့စီးပွားရေးဝန်းကျင်ဖန်တီးပေးဖို့လည်း လိုပါတယ်။ ဆန်လောကမှာဆိုရင် အခုအခြေအနေ ဆိုးတယ်။ နှစ်ခါရှိပြီ။ အကြီးအကျယ်ငွေလိမ်ခံရတာ။ ကျွန်မဆို ပထမတစ်ခေါက်က ပါသွားသေးတယ်။ ဒီလိုမျိုးတွေဆန်မှာမှ မဟုတ်ဘူး။ ဒီပြင်ကုန်စည်တွေမှာလည်း အဖြစ်များလာရင် စီးပွားရေးအတော်ထိခိုက် လာနိုင်တယ်။

ဦးသန်းလွင် (အကြီးတန်းအကြံပေး၊ ကမ္ဘောဇဘဏ်)
ကုန်ဈေးနှုန်းကျဆင်းဖို့ အဓိကလုပ်ရမှာက ထုတ်လုပ်မှုကဏ္ဍတိုး တက်ဖို့က အဓိကပဲ၊ စားသုံးမှုကို လျှော့ချရုံနဲ့ ကုန်ဈေးနှုန်းက ကျဆင်း မှာမဟုတ်ဘူး။ ဂျီဒီပီတိုးတက်အောင်လုပ်နိုင်မှ စီးပွားရေးက တက်လာ မှာ။ ကုန်ဈေးနှုန်းဆိုတာက ၀ယ်လိုအားနဲ့ ရောင်းလိုအားအပေါ်မှာ မူ တည်ပါတယ်။ ၀ယ်လိုအားများရင် ကုန်ပစ္စည်းတွေကဈေးတက်မှာပဲ။ ထုတ်လုပ်မှုအပိုင်းမှာ ၀ယ်လိုအားထက်ပိုလျှံအောင်ထုတ်ပေးနိုင်ရင် ကုန်ဈေးနှုန်းကကျလာမှာပဲ။ ဒီနိုင်ငံမှာ ထုတ်လုပ်မှုတက်ဖို့အတွက် အ ခွန်နဲ့ ဆွဲဆောင်ရမယ်။ ဒုတိယကမ္ဘာစစ်ဖြစ်ပြီးခါစလို ချွေတာသုံးစွဲသင့်တဲ့ခေတ်မဟုတ်တော့ဘူး။ နိုင်ငံ့ဂျီဒီ ပီကို တွက်တဲ့နေရာမှာလည်း အများပြည်သူစားသုံးမှု၊ သုံးစွဲမှုတွေပါဝင်တယ်။ ဂျီဒီပီတက်ဖို့၊ နိုင်ငံ့စီးပွား ရေးတိုးဖို့က ပြည်သူတွေသုံးစွဲဖို့လည်းလိုတယ်။

ခိုင်ထက်အောင် (ဈေးကွက်မန်နေဂျာ)
ကုန်ဈေးနှုန်းကျဖို့ ဟင်းတစ်မည်တည်းနဲ့ စားဆိုတာကတော့မဆိုင် ဘူးထင်တယ်။ ကုန်ဈေးနှုန်းကျဖို့ဆို နိုင်ငံတော်နဲ့ ကုန်သည်တွေဝိုင်းထိန်း ရမယ်။ တိုင်းပြည်စီးပွားရေးနဲ့ပတ်သက်လို့အကြံပေးရရင်တော့ နိုင်ငံ တကာလုပ်ငန်းရှင်တွေကို ဖိတ်ခေါ်ရမယ်။ နိုင်ငံတကာလုပ်ငန်းရှင်တွေ ပါဝင်လာရင် မြန်မာပြည်ကလက်ဝါးကြီးအုပ်ထားတဲ့ စီးပွားရေးလုပ်ငန်းရှင်တွေလည်း သူတို့ရဲ့ လုပ်ရပ်တွေကိုရပ်တန့်နိုင်မယ်လို့ ကျွန်တော်ထင်တယ်။ ကုန်ဈေးနှုန်းတက်နေတာကိုတော့ အစိုးရကထိထိရောက်ရောက်နဲ့ ကုန်သည်တွေနဲ့ညှိ နှိုင်းဆွေးနွေးဖို့အဓိကလုပ်ရမယ်။ ကုန်ဈေးနှုန်းတက်တာကိုအစိုးရကို အပြစ်တင်တာတော့ မဟုတ်ဘူး။ ဒါပေမဲ့ နိုင်ငံတစ်နိုင်ငံမှာ အစိုးရကကဏ္ဍမျိုးစုံမှာ ပါဝင်ပတ်သက်နေတာလေ။ အစိုးရက လုပ်ပေးမှ  ကုန်ဈေးနှုန်းတင်မကဘူး။ အရာရာကို Change လုပ်လို့ရနိုင်မယ်။ ကျွန်တော်တို့ပြည်သူတွေကကုန်သည်တွေကိုသွားပြီး ဈေးလျှော့ခိုင်းလို့ရတာမှမဟုတ်တာ။ ကျွန်တော်တို့မှာ ဘာအာဏာမှလည်းမရှိဘူး။ အခွန်တွေတိုးကောက်တာကလည်း ပြည်သူတွေကိုအများကြီးနစ်နာတယ်။ အခွန်တိုးတော့ ကုန်သည်တွေကလည်း ဈေးပြန်တင်။ နောက်ဆုံးတော့ ပြည်သူပဲဒုက္ခရောက်တာ။ ကုန်သည်တွေကို မေးကြည့်။ ဘာလို့ ဈေးတွေတင်ရတာလဲဆိုတာ အခွန်တွေက တိုးကောက်လို့၊ Custom Duty တွေဘယ်လောက်တောင် ဆောင်ရလို့ဆိုပြီး ဒါကိုပဲကိုင်ပြောကြတာ။

မင်းဗညားစန်း (ဒုဥက္ကဋ္ဌ၊ မွန်ပြည်နယ်ကုန်သည်ကြီးများနှင့် စက်မှုလက်မှုလုပ်ငန်းရှင်များအသင်း)
အမှန်ကတော့ ၀န်ကြီးချုပ်ပြောတာက ဂျပန်ခေတ်က ဗိုလ်ချုပ် အောင်ဆန်းပြောခဲ့တဲ့စကားကို သူပြောလိုက်တာ။ ကုန်ဈေးနှုန်းကျဖို့ဆို တာ ပြည်နယ်တစ်ခုတည်းလုပ်လို့ရတာမဟုတ်ဘူး။ ကုန်ဈေးနှုန်းဆိုတာ တစ်တိုင်း၊ တစ်ပြည်နယ်လုံးနဲ့ ပတ်သက်တာ။ ကုန်ဈေးနှုန်းကျတာက သက်သက်တိုင်းပြည်အတွက် ခြိုးခြံချွေတာဖို့ပြောတာက သက်သက်။ အဲဒီနှစ်ပိုင်းကို လူတွေက တိတိကျကျသိဖို့လိုတယ်။ ၀န်ကြီးချုပ်ပြောတာက ခြိုးခြံချွေတာခိုင်းတဲ့သဘောပါ။ ကျွန်တော်တို့လူမျိုးတွေ အသုံးအဖြုန်းမများရအောင် သူက စေတနာ နဲ့ပြောတာပါ။ ဒါပေမဲ့ ကုန်ဈေးနှုန်းကျမယ့်ဟာနဲ့ သူပြောတဲ့လမ်းကြောင်းက တူကို မတူဘူး။ ဟင်းတစ်မည် စားရုံနဲ့ စီးပွားရေးက ကျမသွားနိုင်ဘူး။ ဒါက ဘာမှမဆိုင်ဘူး။ ဆက်စပ်မှုလည်းမရှိဘူး။ ပိုက်ဆံအကြွေကိစ္စက ကုန်ဈေးနှုန်းကို ထိတာပဲ။ မြန်မာပြည်မှာ အကြွေရှားပါးမှုကို အရင်ပြုပြင်ဦး။ တိုင်းပြည်စီးပွားရေးကောင်းဖို့ ကျွန်တော့်အနေနဲ့အကြံပေးချင်တာကတော့ အစိုးရ၊ လုပ်ငန်းရှင်၊ ဌာနဆိုင်ရာနဲ့ ပြည်သူတွေပူးပေါင်းမှ စီးပွားရေးတိုးတက်လာမယ်။ အစိုးရဘက်က ဖြေလျှော့မယ့်ဟာမျိုးတွေဖြေလျှော့ပေးရမယ်။ ပြည်သူတွေကလည်း စည်းကမ်းရှိရမယ်။ အားလုံးဟန်ချက်ညီညီဖြစ်နေမှ ကျွန်တော်တို့တိုင်းပြည်စီးပွားရေးကောင်းလာမယ်။

မခင်ချိုချိုဝင့် (ရွှေဝင့်ဝါ တိုင်းရင်းဆေးဝါးထုတ်လုပ်ရေး)
မွန်ဝန်ကြီးက ဟင်းတစ်မည်တည်းစားလို့ပြောတာနဲ့ပတ်သက်ပြီး အစိုးရဆိုတာ ပြည်သူရဲ့လူမှုဘ၀လုံခြုံအောင်လုပ်ပေးရတာမို့လား။ ကုန်ဈေးနှုန်းတက်တာ၊ ကျတာဟာ အစိုးရနဲ့ လုံးလုံးသက်ဆိုင်ပါတယ်။ နိုင်ငံ့အရေးတွေ စီမံခန့်ခွဲနေတဲ့ ခေါင်းဆောင်များက ပြည်သူကို မဲဆွယ် တုန်းကလို မစားရ၀ခမန်းပြောဆိုစည်းရုံးခဲ့တာကို နည်းနည်းအလေး ထားစေချင်ပါတယ်။ ပြည်သူတွေက ဟင်းတစ်ခွက်ကိုပဲ စားချင်လို့ရွေး ချယ်ခဲ့တာမဟုတ်ဘဲ၊ ပြည်သူများဟင်းသုံးခွက်လောက်စားနိုင်ချင်လို့ ရွေးချယ်ခဲ့တာပါ။ ပြည်သူတွေက ဟင်းလျှော့စားဖို့ အစိုးရကို ရွေးချယ်ခဲ့တာမဟုတ်ပါဘူး။ ကုန်ဈေးနှုန်းနဲ့ ပတ်သက်ပြီး အစိုးရကို အပြစ်တင်တဲ့စိတ်ကို ပြင်ရမယ်ဆိုတော့ဒါတွေက အစိုးရအပေါ်မှာပဲ မူတည်တယ်လို့ ထင်တယ်။ ဦးဆောင်နေတဲ့လူတွေကို မပြောရင် ဘယ်သူကို ပြောရမလဲ။ ကုန်ဈေးတက်အောင် ဈေးကစား နေတဲ့သူတွေရှိရင်လည်း သူတို့ထိန်းချုပ်ရမယ်လေ။ တိုင်းပြည်စီးပွားရေးအတွက် အကြံပြုဆိုရင် ကျွန်မက တိုင်းရင်းဆေးထုတ်တာဆိုတော့ တိုင်းရင်းဆေးကဏ္ဍကိုပဲ အခြေခံပြီးပြောချင်ပါတယ်။ မြန်မာနိုင်ငံမှာ လုပ် ငန်းကဏ္ဍအသီးသီးအတွက် ကုန်ကြမ်းတွေပေါပါတယ်။ ကုန်ချောကိုသာပြည်တွင်းမှာထုတ်နိုင်ရင် ကားတွေ၊ ဘာတွေကအစဈေးနှုန်းတွေ ကျသွားမယ်လို့ထင်ပါတယ်။

ကိုဆက်ထွန်းအောင် (ဆောက်လုပ်ရေးလုပ်ငန်းရှင်)
ပုံမှန်အလုပ်ထဲမှာ အမျိုးသမီးက နေ့စား ၅,၀၀၀၊ အမျိုးသားက ၇,၀၀၀ ရတယ်။ နေ့တိုင်းမဆင်းနိုင်လို့ တစ်ပတ်ကိုနှစ်ရက်စာအိမ်စရိတ် ကျန်အောင်ရယ်၊ ကလေးအတွက်ရယ်ချန်ပြီးနေရ၊ စားရတယ်။ ဟင်း တစ်နပ်လျှော့စားဖို့နေနေသာသာ ဟင်းတစ်ခွက်အတွက်ရုန်းရတယ်။ အဲဒီတော့ ဟင်းလျှော့စားဆိုတော့ ပြည်သူတွေတင်မြှောက်တဲ့မင်းက ပြည်သူချဉ်ဖတ်ဖြစ်အောင် ပြောခဲ့တာလို့ယူဆရပါတယ်။ မေးခွန်းမှာပါ တဲ့အတိုင်းဆို ဟင်းလျှော့စားဖို့ ဆန်ဖိုးဆက်မတက်အောင်ထိန်းပေးနိုင်မယ်။ ဆန်ကောင်းကောင်းလေးကို ဆားနဲ့ နယ်ပြီးစားနိုင်လောက်မယ်ဆို ဟင်းမလိုလောက်ပါဘူး။ ဆန်ဖိုးကတင် နေ့စားခရဲ့ လေးပုံတစ်ပုံနီးနီးသွားပါတယ်။ နိုင်ငံ့စီးပွားရေးတော့ အကြံမပေးတတ်ဘူး။ အလုပ်သမားနဲ့ ၀န်ထမ်းမတူပါဘူး။ ၀န်ထမ်းတွေက အလုပ်သမားတွေထက် ပိုစိတ်ချရသေးတယ်။ အလုပ်သမားက အလုပ်ရှင်က ပြန်တော့ပြောရင် သုံးလစာအသာထား၊ သုံးရက်စာတောင် တောင်းမရ။ အလုပ်သမားက ဟင်းတစ်ခွက်ထက်ပိုမစားနိုင်တဲ့အပြင် ရှိတဲ့ဟင်းတစ်ခွက်မပြုတ်ကျရေး ဒို့အရေးဖြစ်နေတာပါ။

ကိုညိုမင်း (အတွင်းရေးမှူး၊ မွန်ပြည်နယ်မွေးမြူရေးလုပ်ငန်းအဖွဲ့)
ဟင်းတစ်မည်တည်းစားဖို့ ၀န်ကြီးချုပ်ပြောတဲ့ရည်ရွယ်ချက်က ကျွန်တော်တို့အမြင်မှာတော့ ခြိုးခြံချွေတာဖို့ပြောတယ်လို့ပဲ ယူဆလို့ရ တယ်။ အများစုလက်ခံနိုင်မယ့်စကားမဟုတ်တဲ့အတွက် သူ့အနေနဲ့ နောက်နောင်ပြောဆိုမှုတွေကို ပြန်လည်သုံးသပ်သင့်တယ်လို့ ကျွန်တော် ထင်တယ်။ ဟင်းတစ်မည်လျှော့စားခိုင်းရုံနဲ့ ကုန်ဈေးနှုန်းက ကျသွားမယ် ဆိုတာ မဖြစ်နိုင်ဘူး။ ဘာကြောင့်လဲဆိုတော့ ကမ္ဘာကြီးတစ်ခုလုံးမှာ ကုန်ဈေးတက်နေတယ်။ တစ်ကမ္ဘာလုံးကုန်ဈေးနှုန်းတက်နေတဲ့အချိန်မှာ ဟင်းတစ်မည်လျှော့စားလို့ ကုန်ဈေးနှုန်းကျသွားမယ်ဆိုတာမဖြစ်နိုင်ဘူး။ ဒီကိစ္စက ဆက်စပ်မှုလည်းမရှိနိုင်ဘူး။ တိုင်းပြည်စီးပွားဖွံ့ဖြိုးဖို့ဆိုရင်တော့ စီးပွားရေးပညာရှင်တွေနဲ့တိုင်ပင်ပြီး အသေးစိတ်ဘယ်မူဝါဒကို သွားမယ်ဆိုတာကို အမြန်ဆုံးအကောင်အထည်ဖော်ဖို့ ကျွန်တော်အကြံပေးချင်ပါတယ်။

မအိအိခင်   (အိအိ အထည်ချုပ်လုပ်ငန်း)
ကုန်ဈေးနှုန်းကျပြီးချောင်လည်ဖို့ အခုခေတ်မှာတော့ ချွေတာရုံနဲ့၊ ဟင်းတစ်မည်စားရုံ၊ အလှူမလုပ်ရုံနဲ့တော့ ဆက်စပ်မှုမရှိပါဘူး။ ထုတ် ကုန်တိုးမြှင့်ဖို့၊ နည်းပညာပိုင်းအားကောင်းဖို့၊ ဈေးကောင်းရဖို့ဆိုတာတွေ ကသာ အရေးပါတဲ့ဆက်စပ်မှုရှိပါတယ်။ ဟင်းတစ်မည်တည်းစားပြီး၊ ခြိုးခြံချွေတာတဲ့နည်းကိုသုံးပြီး ပိုငွေနဲ့ရင်းနှီးမြှုပ်နှံမယ့်အစား ပိုပိုလျှံလျှံ ထုတ်နိုင်အောင် နည်းပညာအရင်းအနှီးတွေကူညီစေချင်ပါတယ်။ပိုလျှံ ထုတ်ကုန်တွေကို နည်းပညာသုံးပြီး Value added လုပ်ချင်ပါတယ်။ လုပ်ရပါမယ်။ နည်းပညာနဲ့ အရင်းအနှီးပံ့ပိုးမှသာ ပိုလျှံထုတ်ကုန်တွေကို Export လုပ်နိုင်ပါမယ်။ ဟိုးအရင်က အိမ်နောက်ဖေးဈေးဆိုင်တည်ဆိုတဲ့စကားလိုပေါ့။ ကုန်ဈေးနှုန်းတက်တိုင်းအစိုးရကို အပြစ်တင်တဲ့ mindset ကိုပြင်ရမယ်လို့ပြည်သူကို ပြောမယ့်အစား ပြည်သူရယ်၊ စီးပွားရေးပညာရှင်တွေရယ်၊ တကယ်လုပ်နေတဲ့ စီးပွားရေးလုပ်ငန်းရှင်တွေရယ်၊ စွန့်ဦးစီးပွားရေးလူငယ်ခြေတက်တွေရယ်နဲ့ တွေ့ဆုံတာမျိုး၊ စကားသံအစစ် အမှန်တွေကို နားထောင်တာမျိုးနဲ့ ကျပ်တည်းမှုတွေကနေ ဘယ်လိုရုန်းထွက်ကြမလဲလို့ ဆွေးနွေးပြီးတကယ် အကောင်အထည်ဖော်ကြည့်စေချင်ပါတယ်။

ဦးမျိုးသူရအေး (ပြည်ပသို့ ဆန်တင်ပို့သည့် လုပ်ငန်းရှင်)
ဝန်ကြီးချုပ်က ချွေတာစုဆောင်းဖို့ပြောတယ်လို့နားလည်ပါတယ်။ ချွေတာရုံနဲ့တော့ ကုန်ဈေးနှုန်းမတက်အောင်လုပ်လို့မရပါဘူး။ တကယ် လုပ်ရမှာက ထုတ်လုပ်မှုကုန်ကျစရိတ်တွေလျော့အောင် လုပ်မှရမယ်။ ၀န်ကြီးချုပ်ဆိုလိုတာက ၀င်ငွေနဲ့ထွက်ငွေမျှအောင်သုံးဖို့ ပြောတယ်လို့ ယူဆလို့လည်းရပါတယ်။ ဒါပေမဲ့ ၀င်ငွေကောင်းတဲ့သူတွေကို ဟင်းတစ် မည်တည်းနဲ့ စားလို့သွားပြောလို့မရဘူးလေ။ ကုန်ဈေးနှုန်းကျဖို့က ကုန်ပစ္စည်းတွေနဲ့ ၀ယ်လိုအားနဲ့ရောင်းလိုအားပေါ်ပဲမူတည်ပါတယ်။ ကြက်သား၊ ဟင်းသီးဟင်းရွက်၊ သစ်သီး၊ အာလူး၊ ကြက်သွန်လိုမျိုး အခြေခံစားကုန်တွေကို တရုတ်၊ ထိုင်းစတဲ့ နိုင်ငံတွေက သွင်းနေရတဲ့အချိန်မှာ ထုတ်လုပ်မှုကုန်ကျစရိတ်ကျအောင်လုပ်ပေးနိုင်ရင် ကုန်ဈေးနှုန်းက ကျမှာပဲ။ သယ်ယူပို့ဆောင်စရိတ်တွေများနေရင် ဘယ်လိုပဲ လျှော့စားစား ကုန်ဈေးနှုန်းက ကျမှာမဟုတ်ဘူး။ သယ်ယူပို့ဆောင်စရိတ်နဲ့ အတားအဆီးတွေလျော့သွားအောင် အစိုးရကလုပ်ပေးဖို့လိုပါတယ်။

ကိုသက်ဆွေဝင်း (တက်ကြွလှုပ်ရှားသူ)
အရင်အစိုးရလက်ထက်ကလည်း ထမင်းတစ်နပ်လျှော့စားဖို့ပြောခဲ့ လို့ ပွက်လောရိုက်ခဲ့ပြီးပြီ။ အခုပြည်သူ့အစိုးရလက်ထက်ဆိုပြီးရောက် တော့လည်း ပြည်သူတွေကို အပြစ်တင်တဲ့ပုံစံကနေ မပြောင်းသေးဘူး။ အစိုးရအနေနဲ့တာဝန်ယူမှု၊ တာဝန်ခံမှုဘာမှမလုပ်ဘဲ ပြည်သူတွေကို လက်ညှိုးထိုးပြောတာရှက်ဖို့ကောင်းပါတယ်။ ကုန်ဈေးနှုန်းတက်တာကို အစားလျှော့စားရုံနဲ့ ဈေးနှုန်းကျမယ်ဆိုတာမျိုးတော့ လက်တွေ့မကျဘူး ထင်ပါတယ်။ မနှစ်တုန်းက ထိုင်းမှာဆိုရင်တစ်နှစ်ဝင်ငွေဘတ်သုံးသောင်း(ဒေါ်လာကိုးရာကျော်)ရှိတဲ့ ၀င်ငွေနည်းမိသားစုတွေကို အစိုးရက ဘတ်သုံးထောင်(ဒေါ်လာကိုးဆယ်လောက်)ပြန်ထောက်ပံ့ပြီး လူတွေရဲ့ သုံးနိုင်စွမ်းအား (Spending Power)တက်လာအောင်ထောက်ပံ့ပေးတယ်။ မင်းတို့ သုံးနိုင်ချင်ရင် အစားလျှော့စားပြီး ၀ယ်သုံးကြလို့ သူတို့အစိုးရက မပြောခဲ့ဘူး။ ကျွန်တော်တို့ နိုင်ငံမှာ အစိုးရဖြစ်သွားပြီဆိုတာနဲ့ ဘာမဆိုအကုန်သိ၊ အကုန်တတ်တဲ့ စွယ်စုံပညာရှင်ကြီးတွေဖြစ်သွားပြီလို့ထင်ကုန်ကြတာခက်တာပဲ။ အစိုးရတွေမှာ သက်ဆိုင်ရာကဏ္ဍအလိုက်အကြံပေးအဖွဲ့တွေထားသင့်ပြီး ပုံမှန်ဆွေးနွေးတာမျိုးလုပ်ကြစေချင်တာပါပဲ။

ဦးတင်ထွဋ်ဦး (စီးပွားရေးပညာရှင်)
ခြိုးခြံတာက ကုန်ဈေးနှုန်းကို သက်ရောက်မယ်မထင်ပါဘူး။ ပို့ကုန် ကိုသာ များများတင်ပို့သင့်တာ။ တကယ်အလုပ်အကိုင်အခွင့်အလမ်း များပြီး ကိုယ့်ပစ္စည်းကိုများများရောင်းနိုင်မှ အကျိုးရှိပါတယ်။ ခြိုးခြံတာ ထက် ပြည်သူလူထုကို ၀င်ငွေများများရအောင်လုပ်ပေးတာ ပိုအရေးကြီး ပါတယ်။ လိုငွေပြတာကြီးနှစ်ခုဖြစ်နေတယ်။ တစ်ခုက ကုန်သွယ်မှုလို ငွေပြတာရယ်၊ နောက်တစ်ခုက ဘတ်ဂျက်လိုငွေပြတာရယ်။ ဒီလိုငွေပြ တာနှစ်ခုကို ကျော်လွှားနိုင်အောင်၊ စီးပွားရေးဖွံ့ဖြိုးအောင် ကုန်သွယ်မှုလို ငွေကို တတ်နိုင်သမျှ ပို့ကုန်နဲ့သွင်းကုန်ညီအောင်လုပ်ရမယ်။ လုပ်တဲ့အခါမှာ သွင်းကုန်ကဏ္ဍကိုဦးစားပေးတာထက် ပို့ကုန်မြင့်တက်အောင်လုပ်တာပိုပြီးမှန်တယ်။ ပို့ကုန်များများပို့မှ ရေရှည်ဖွံ့ဖြိုးမှုကွင်းဆက်တစ်လျှောက်ပါသွားမယ်။ အခုက ပြည်ပက သွင်းတာများတယ်။ အများစုက ပြည်တွင်းမှာ အစားထိုးလို့မရဘူး။ အသေးအဖွဲ့ကလေးတွေကို အစားထိုးလိုက်လုပ်နေလို့လည်း ဒီလိုငွေတွေကို ကာမိမှာမဟုတ်ဘူး။

========================
251 / End