အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေး၊ ပြည်တွင်း ငြိမ်းချမ်းရေး စတဲ့ အချက်အလက်တွေကို တနေရာတည်းမှာ ရှာဖွေနိုင်တဲ့ “ဖွဲ့စည်းပုံအခြေခံဥပဒေပြင်ဆင်ရေးနဲ့ ငြိမ်းချမ်းရေးအလားအလာ” အမည်ရှိ အထူးထုတ်စာအုပ်မိတ်ဆက်ပွဲကို စက်တင်ဘာလ ၁၄ ရက်နေ့က မန္တလေးမြို့မှာ ပြုလုပ်ခဲ့ပါတယ်။
အချက်အလက်အားပြု ထုတ်ဝေတဲ့ Info Digest ဂျာနယ်ရဲ့ အထူးထုတ် စာအုပ်တအုပ်ဖြစ်ပြီး ဆရာမ မသီတာ(စမ်းချောင်း)နဲ့ ဆောင်းပါးရှင် နှစ်ဦးရဲ့ ဆောင်းပါးပေါင်း သုံးဆယ့်ခုနစ်ပုဒ်ပါဝင်တာလည်း ဖြစ်ပါတယ်။
ဒီစာအုပ်မှာ လက်ရှိ အာဏာရပါတီရဲ့ ရွေးကောက်ပွဲမတိုင်ခင်က ကတိကဝတ်တွေ၊ ဖွဲ့စည်းပုံ အခြေခံဥပဒေ ပြင်ဆင်ဖို့အတွက် အစိုးရအဖွဲ့ဟောင်းနဲ့ လက်ရှိအစိုးရအဖွဲ့အပြင် တိုင်းရင်းသားပါတီတွေရဲ့ တောင်းဆိုချက်တွေကိုလည်း စုစည်းဖော်ပြထားတယ်လို့ Info Digest ဂျာနယ်အယ်ဒီတာချုပ် ဦးမျိုးမြင့်က ပြောပါတယ်။
ဒါ့အပြင် ဖွဲ့စည်းပုံပြင်ဆင်ရေး၊ ငြိမ်းချမ်းရေးဆိုင်ရာ အကြောင်းအရာတွေ အပါအဝင် မြန်မာနိုင်ငံက လက်မှတ်ရေးထိုးဖို့လိုအပ်နေတဲ့ နိုင်ငံတကာသဘောတူစာချုပ်တွေနဲ့ အကျဉ်းထောင်စနစ်ပြုပြင်ပြောင်းလဲရေးဆိုင်ရာ အကြောင်းအရာတွေ၊ အမျိုးသားပြန်လည်သင့်မြတ်ရေးအတွက် တောင်းဆိုချက်တွေ ပါဝင်တာကြောင့် ယနေ့ခေတ်မြန်မာ့နိုင်ငံရေး အခြေအနေကိုပါ လေ့လာနိုင်မယ်လို့ သိရပါတယ်။
ဒီစာအုပ်မှာပါဝင်တဲ့ အချက်အလက်တွေဟာ နိုင်ငံရေးနယ်ပယ်မှာ လုပ်ကိုင်နေသူတွေအတွက် အသုံးဝင်တဲ့ စာအုပ်တအုပ်ဖြစ်တယ်လို့ လူ့အခွင့်အရေးလှုပ်ရှားသူ ကိုမင်းဇော်နေဦးက သုံးသပ်ပါတယ်။
စာအုပ် မိတ်ဆက်ပွဲနဲ့အတူ မန္တလေးမြို့ခံ တရားလွှတ်တော်ရှေ့နေနဲ့ သတင်းစာဆရာ တွေ ပါဝင်ဆွေးနွေးတဲ့ စကားဝိုင်းကိုလည်း ပြုလုပ်ခဲ့ပါတယ်။
စာအုပ်မှာပါရှိတဲ့ အချက်အလက်တွေကို ဖြည့်စွက်ဆွေးနွေးတဲ့အနေနဲ့ စကားဝိုင်းဆွေးနွေးပွဲကျင်းပတာဖြစ်ပြီး ဆရာမ မသီတာ(စမ်းချောင်း) က ဦးဆောင်ကာ မြန်မာနိုင်ငံ လွတ်လပ်သောရှေ့နေများ အသင်းရဲ့ အထွေထွေအတွင်းရေးမှူး၊ တရားလွှတ်တော် ရှေ့နေကြီး ဦးသိန်းသန်းဦး၊ သတင်းစာဆရာ မောင်ဉာဏတို့ ပါဝင်ဆွေးနွေးခဲ့ကြပါတယ်။
====================================
END / 251
