ပုံပြောင်း ကိုဗစ် အိုမီခရွန် အတွက် အစိုးရိမ် မလွန်ကြရန် Pfizer ကာကွယ်ဆေး ဖန်တီးရှင် ပြော

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


ကမ္ဘာတစ်ဝှမ်းမှာ လက်ရှိ ပြန့်နှံ့နေတဲ့ ကိုဗစ်မျိုးကွဲ Omicron နဲ့ပတ်သက်ပြီး အစိုးရိမ်မလွန်ကြဖို့ Pfizer ကိုဗစ်ကာကွယ်ဆေးကို ဖန်တီးထုတ်လုပ်ခဲ့သူ BioNTech ကုမ္ပဏီ စီအီးအို ယူဂါ ဆာဟင်က ပြောကြားလိုက်ပါတယ်။

ဆာဟင်ဟာ မနေ့က Wall Street ဂျာနယ်နဲ့ အင်တာဗျူးလုပ်ခဲ့ပြီး ကိုဗစ်မျိုးကွဲနဲ့ပတ်သက်တဲ့ သူ့ရဲ့ ယူဆချက်တွေကို ပြောပြခဲ့ပါတယ်။ ကာကွယ်ဆေးထိုးထားပြီးသူတွေမှာ Omicron ကူးစက်တာကို ပိုတွေ့လာရနိုင်ပေမယ့် ပြင်းထန်တဲ့ ရောဂါလက္ခဏာတွေ ခံစားရဖို့ မရှိဘူးလို့ သူက ဆိုပါတယ်။

“‘သိပ်ပြီး အစိုးရိမ်မလွန်ကြပါနဲ့’ လို့ သတင်းစကားပေးချင်ပါတယ်။ ကျွန်တော်တို့ရဲ့အစီအစဉ်ကတော့ အရင်အတိုင်းပါပဲ။ တတိယအကြိမ် Booster ထိုးမယ့်ကိစ္စကို မြန်မြန်ဆန်ဆန် ဆောင်ရွက်သွားဖို့ပါ”

ဆာဟင်ဦးစီးတဲ့ BioNTech ကုမ္ပဏီဟာ ၂၀၂၀ ခုနှစ် ဇန်နဝါရီလလောက်မှာပဲ ကိုဗစ်ကာကွယ်ဆေးကို တီထွင်နိုင်ခဲ့ပြီး နောက်ပိုင်းမှာ အမေရိကန်ဆေးကုမ္ပဏီ Pfizer နဲ့ပေါင်းကာ အမြောက်အများ ထုတ်လုပ်ဖြန့်ဖြူးခဲ့တာ ဖြစ်ပါတယ်။

လက်ရှိအသုံးပြုနေတဲ့ ကာကွယ်ဆေးကနေ ထုတ်ပေးတဲ့ ကိုယ်ခံစွမ်းအားကို Omicron က Delta ထက် ပိုမိုကျော်လွှားထိုးဖောက်နိုင်ဖွယ် ရှိပေမယ့် ဒုတိယအဆင့် ကိုယ်ခံစွမ်အားဖြစ်တဲ့ T-cell ကို ထိုးဖောက်နိုင်မှာ မဟုတ်ဘူးလို့ ယုံကြည်ရကြောင်း ဆာဟင်က ထည့်သွင်းပြောဆိုခဲ့ပါတယ်။

“ဒီယုံကြည်မှုဟာ သိပ္ပံဆိုင်ရာ အချက်အလက်တွေမှာ အခြေခံတာပါ။ ဗိုင်းရပ်စ်ဟာ ခန္ဓာကိုယ်တွင်းက ပဋိပစ္စည်း (antibody) ကို ဖောက်နိုင်ပြီဆိုရင် ကိုယ်ခံစွမ်းအားကို ကျော်လွှားနိုင်ပါပြီ။ ဒါပေမယ့် ပြင်းထန်တဲ့ ရောဂါပိုးကို ကာကွယ်တိုက်ဖျက်ပေးမယ့် T-cell ဆိုတဲ့ ဒုတိယအဆင့် ကိုယ်ခံစွမ်းအား ရှိနေပါသေးတယ်”

ကိုဗစ်ကာကွယ်ဆေးကုမ္ပဏီတစ်ခုဖြစ်တဲ့ Moderna ရဲ့ စီအီးအို စတီဖိန်း ဘန်ဆဲလ်က လက်ရှိကာကွယ်ဆေးတွေဟာ Omicron အပေါ်မှာ သက်ရောက်မှု သိပ်ရှိမှာမဟုတ်ဘူးလို့ ပြီးခဲ့တဲ့ရက်ပိုင်းက Financial Times သတင်းဌာနနဲ့ အင်တာဗျူးမှာ ပြောကြားခဲ့ပါတယ်။

Omicron အတွက် ကာကွယ်ဆေးရဖို့ လချီကြာမယ်လို့လည်း သူက ဆိုပါတယ်။

Pfizer ကာကွယ်ဆေးဖန်တီးရှင် ဆာဟင်က Omicron အတွက် ကာကွယ်ဆေးဟာ ရက်ပေါင်း ၁၀၀ အတွင်း ဈေးကွက်ထဲ ဝင်ရောက်နိုင်မှာဖြစ်ပြီး၊ ထုတ်လုပ်ဖို့လည်း လိုအပ်ချင်မှ လိုအပ်လိမ့်မယ်လို့ ထည့်သွင်းပြောဆိုခဲ့ပါတယ်။

“လူတွေကို တတိယအကြိမ်ထိုးပေးဖို့ ကျွန်တော်တို့ စီစဉ်ထားတယ်။ ဒီအစီအစဉ်အတိုင်း အရှိန်မြှင့်လုပ်သွားဖို့ လိုပါတယ်။ ကာကွယ်ဆေးကို အဆင့်မြှင့်ပြီး ကာကွယ်ပေးရမယ့် အခြေအနေမျိုး လိုလား၊ မလိုလားဆိုတာကတော့ စောင့်ကြည့်ရမှာ ဖြစ်ပါတယ်”
****************************************************************
END / 251