အာဆီယံကာကွယ်ရေး၀န်ကြီးများအစည်းအ၀ေး စစ်ကောင်စီ တက်ခွင့်ရ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
 
အမေရိကန်ပါ၀င်မယ့် အာဆီယံ ကာကွယ်ရေး၀န်ကြီးများအစည်းအ၀ေးကို တက်ရာက်ဖို့ မြန်မာစစ်ကောင်စီကို ဖိတ်ကြားထားပါတယ်။

ADMM-Plus လို့အမည်ပေးထားတဲ့ ရေကြောင်းဆိုင်ရာ အဲဒီအစည်းအ၀ေးကို ထိုင်းနဲ့ အမေရိကန်တို့က ဦးဆောင်ကာ ဖေဖော်၀ါရီ ၂၀ ရက်နေ့မှာ ကျင်းပမှာဖြစ်ပြီး ၅ ရက် ကြာမြင့်မှာပါ။

ဆွေးနွေးပွဲမှာ ကယ်ဆယ်ရေး၊ ပင်လယ်ဓားပြကိစ္စ၊ မူးယစ်ဆေး၊ လက်နက်နဲ့ လူမှောင်ခိုမှုပြဿနာတွေကို ဖြေရှင်းရေး စားပွဲ၀ိုင်း စစ်ရေးလေ့ကျင့်မှုလည်း ပါ၀င်မှာဖြစ်ပါတယ်။

အမေရိကန်ကာကွယ်ရေး၀န်ကြီးဌာနရဲ့ ပြောရေးဆိုခွင့်ရှိသူ ဒုတိယဗိုလ်မှူးကြီး မာတင် မီနာက မြန်မာစစ်တပ်ကို ဖိတ်ကြားတာဟာ အာဆီယံ လုပ်ထုံးလုပ်နည်းအရဖြစ်ပြီး အဖွဲ့၀င်နိုင်ငံတွေက ဆုံးဖြတ်တာဖြစ်တယ်လို့ Myanmar Now ရဲ့ မေးမြန်းမှုကို ပြန်လည်ဖြေကြားခဲ့ပါတယ်။

ADMM-Plus အစည်းအ၀ေးမှာ သြစတေးလျ၊ တရုတ်၊ အိန္ဒိယ၊ဂျပန်၊ နယူးဇီလန်၊ ရုရှား၊ တောင်ကိုရီးယားတို့လည်း ပါ၀င်မှာဖြစ်ပါတယ်။

၂၀၂၁ ခုနှစ် စစ်အာဏာသိမ်းပြီးနောက်ပိုင်း ပြည်သူအပေါ် အကြမ်းဖက်မှုတွေကြောင့် အာဆီယံက စစ်ကောင်စီကို အရေးပါတဲ့ အစည်းအ၀ေးတွေ ဖိတ်ကြားခြင်း မပြုပါဘူး။

အခုအစည်းအ၀ေး ဘာ့ကြောင့် ဖိတ်ကြားလဲဆိုတာ အာဆီယံဖက်က ထုတ်ပြန်ခြင်း မပြုသေးပါဘူး။  

****************************************************************
END / 251