အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
နဲဟ်ဂျိုလ်ဘလာဂဟ် ကျမ်း မှ ရီဝါယသ်တော် လာရှိမှု ကို တင်ပြလိုက်ခြင်း ဖြစ်ပါတယ်။ ရီဝါယသ်တော် တွင် အောက်ပါအတိုင်း အရဘီ စာသား လာရှိပါတယ်။
قال أمیرالمؤمنین علیه السلام:
الثَّناءُ بأكثَرَ مِن الاستِحقاقِ مَلَقٌ و التَّقصيرُ عنِ الاستِحقاقِ عِيٌّ أو حَسَدٌ.
အမီးရိုလ်မိုအ်မေနီ အေမာမ် (အလိုင်ဟစ်စလာမ်) မိန့်တော် မူ၏။
“ အကြင်သူတစ်ဦး တစ်ယောက်အား ထိုက်တန်သည်ထက် ပို၍ ချီးမွမ်း ခြင်းသည် မြှောက်ပင့်ခြင်း (ဖားခြင်း) ဖြစ်ပြီး ထိုက်တန်သည်ထက် လျော့၍ ချီးမွမ်း ခြင်း သည် မောက်မခြင်း၊မာန သို့မဟုတ် မနာလို ခြင်း ဖြစ်ပါသည်။ “
ကျမ်းကိုး ။ ။ နဲဟ်ဂျိုလ်ဘလာဂဟ် ကျမ်း ၊ ဟေက်မသ်နံပါတ် ၃၄၇
မှတ်ချက် - အထက်ပါ ဟဒီးစ်တော် ကို ကြည့်ပြီး တွင် မြှောက်ပင့် ခြင်း နှင့် မနာလိုခြင်း တို့၏ စည်းကိုသေချာစွာ သိရှိရမှာ ဖြစ်ပြီး ကျနော်တို့ကိုယ်တိုင် တွင် မြှောက်ပင့် ခြင်း ကို လုပ်နေတာလား ? သို့မဟုတ် မောက်မ နေတာလား ? မနာလိုခြင်းတွင် နစ်မြှုပ်နေတာ လား ? ဆိုတာကိုလည်း စိစစ်နိုင်မှာ ဖြစ်ပါတယ်။ အကြောင်း မှာ ယနေ့ ဖေ့ဘုတ် လောကတွင် ပိုမို၍ ကွက်ကွက်ကွင်းကွင်း ၊ ထင်ရှားစွာ တွေ့မြင်နိုင်ပါတယ်။ ပို့စ်ကောင်းများ ရေးပေးနေသူများ ၊ အလှူအဒါန်း ပြုနေသူ များ စသည်တို့အား တစ်ချို့ က မိမိ တို့ သဘောကျသူများ ပတ်သက်နေသူများဖြစ်၍ အတိုင်းထက် အလွန် ကဗျာဆန်ဆန် ကော်မန့်များပေး၍ အလွန် ချီးမွမ်းကြပြီး မိမိ သဘောမကျသူများ မိမိ နှင့်ပတ်သက်နေသူများ နှင့် အဆင်မပြေသူဆိုလျှင် like ကလေးတစ်ခု ပေးရန် ပင် ဝန်လေးနေသူများ အထူး သတိပြုသင့်ပါ တယ်။
****************************************************************
END / 251