အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ
ဂိုရရိုလ်ဟေကမ် ကျမ်း မှ ရီဝါယသ်တော် လာရှိမှု ကို တင်ပြလိုက်ခြင်း ဖြစ်ပါတယ်။ ရီဝါယသ်တော် တွင် အောက်ပါအတိုင်း အရဘီ စာသား လာရှိပါတယ်။
قال امیرالمؤمنين علیه السلام:
أحسَنُ الإِحسانِ مُؤاساةُ الإِخوانِ .
အမီးရိုလ်မိုအ်မေနီးန် အေမာမ် အလီ (အလိုင်ဟစ်စလာမ်) မိန့်တော် မူ၏။
« သာသနာ့ ညီနောင်များ အား ကိုယ်ချင်းစာတရားထားခြင်း ၊ လေးစားမှုပြုခြင်း ဖြင့် ဆက်ဆံခြင်း သည် အကောင်း တကာ အကောင်း ဆုံး ကုသိုလ် ကောင်းမူ ဖြစ်ပါသည်။ »
ကျမ်းကိုး ။ ။ ဂိုရရိုလ်ဟေကမ် ကျမ်း ၊ အတွဲ ၂ ၊ စာမျက်နှာ ၄၀၃ ၊ ဟဒီးစ်တော် အမှတ် ၃၀၂၃
မှတ်ချက် - အထက်ပါ ဟဒီးစ်တော် ကို ကြည့်ပြီးသုံးသပ်ရမည်ဆိုလျှင် ကျနော်တို့ အနေဖြင့် မိမိတို့၏ သာသနာ့ ညီနောင်များ နှင့်မည်သို့ ဆက်ဆံရမည်ဆိုသည့် အချက်ကို အထင်အရှား သိရှိရမည်ဖြစ်ပါတယ်။ မောင်လာအလီ (အ.စ) အနေဖြင့် မိမိ ၏ သာသနာ့ ညီနောင် မိုအ်မင် များ အပေါ် ကိုယ်ချင်းစာ တရားထားဖို့ လေးစားဖို့ မိန့်ဆိုထားလျက် မိမိ နှင့်အဆင်မပြေသည့် အခါ မိမိ ၏ သာသနာ့ ညီနောင် အား ဆဲဆိုခြင်း အပုတ်ချခြင်း ၊သိက္ခာချခြင်း တရားစွဲခြင်း စွပ်စွဲ ခြင်း စသည် တို့ကို ပြုလုပ် မည်ဆိုလျှင် တစ်နေ့ အမီးရိုလ် မိုအ်မေနီးန် အေမာမ် အလီ (အ.စ) အား မည်သို့ မျက်နှာ ပြမည်နည်း? အလ္လာဟ် ထံ မည်သို့ အဖြေပေးမည်နည်း? အင်န်ရှာအလ္လာဟ် ၊ ကျနော်တို့ ယောက်တိုင်း မိမိ ၏ သာသနာ့ ညီနောင် များ အပေါ် အေမာမ် အလီ (အ.စ) ၏ မိန့်မှာ ဆိုဆုံးမထားသည့် ဤ ဟဒီးစ်တော် အတိုင်း ဆက်ဆံ နိုင် ရန် ကြိုးပမ်းရမည် ဖြစ်ပါတယ်။
****************************************************************
END / 251