ရိုဟင်ဂျာတွေ လူမျိုးတုန်းသတ်ဖြတ်ခံရတယ်ဆိုတဲ့ ကိစ္စအတွက် မြန်မာစစ်တပ်နဲ့ ရဲတပ်ဖွဲ့ တာဝန်ရှိသူတွေရဲ့ ဆက်သွယ်ပြောဆိုမှု အချက်အလက်တွေ ထုတ်ပေးရေး ဂမ်ဘီယာနိုင်ငံရဲ့ တောင်းဆိုမှုကို Facebook က ပယ်ချလိုက်ပါတယ်။
၂၀၁၇ ခုနှစ်က ရိုဟင်ဂျာတွေ အစုလိုက်အပြုံလိုက် အသတ်ခံရမှု၊ သိန်းနဲ့ချီ ဘင်္ဂလားဒေ့ရ်ှနိုင်ငံထဲ ထွက်ပြေးရမှုနဲ့ပတ်သက်ပြီး နိုင်ငံတကာ ခုံသမာဓိရုံး ICJ မှာ မြန်မာနိုင်ငံကို တရားစွဲဆိုထားတဲ့ ဂမ်ဘီယာနိုင်ငံဟာ မြန်မာတာဝန်ရှိသူတွေရဲ့ Facebook အကောင့်က အချက်အလက်တွေ ရရှိရေးအတွက် ဇွန်လအတွင်းမှာ အမေရိကန်ခရိုင်တရားရုံးတစ်ခုကို လျှောက်ထားခဲ့တာပါ။
Facebook ကတော့ အသုံးပြုသူတွေရဲ့ အချက်အလက်တွေကို ထုတ်ပေးရေး တားမြစ်ထားတဲ့ အမေရိကန်ဥပဒေအရ ဒီတောင်းဆိုမှုကို လက်မခံဘူးလို့ ဩဂုတ်လ ၄ ရက်နေ့က တရားရုံးမှာ လျှောက်လဲခဲ့ပါတယ်။
ဂမ်ဘီယာ ရှေ့နေချုပ် ဒေါင်ဒါ ဂျာလိုက Facebook ရဲ့ တုန့်ပြန်မှုကို သုံးသပ်နေတယ်လို့ ပြောကြားခဲ့ပါတယ်။
မြန်မာနိုင်ငံမှာ လူမျိုးရေး၊ ဘာသာရေး ပဋိပက္ခတွေဖြစ်အောင် အမုန်းစကားတွေ ဖြန့်ဝေရာမှာ Facebook ဟာ အဓိကကျတဲ့ ဆိုရှယ်မီဒီယာ ပလက်ဖောင်းတစ်ခု ဖြစ်ခဲ့တယ်လို့ ကုလသမဂ္ဂ လူ့အခွင့်အရေး စုံစမ်းစစ်ဆေးသူတွေက ၂၀၁၈ ခုနှစ်မှာ ပြောကြားခဲ့ပါတယ်။ Facebook ကလည်း သူတို့အနေနဲ့ အမုန်းစကား ဖယ်ရှားရေး လုပ်ဆောင်နေတယ်လို့ တုန့်ပြန်ပါတယ်။
Facebook ရဲ့ ပြောရေးဆိုခွင့်ရှိသူက သူတို့ဟာ အမုန်းစကားနဲ့ အကြမ်းဖက်မှု ပပျောက်ရေး လုပ်ဆောင်နေတယ်လို့ မနေ့မှာ ထပ်လောင်းပြောကြားခဲ့ပါတယ်။
“နိုင်ငံတကာ ရာဇဝတ်မှုတွေအပေါ် အရေးယူတာမျိုးကို ကျွန်တော်တို့ ထောက်ခံပြီး ဒီကိစ္စ စုံစမ်းစစ်ဆေးမှုတွေမှာ သက်ဆိုင်ရာ တာဝန်ရှိသူတွေနဲ့လည်း ပူးပေါင်းဆောင်ရွက်နေပါတယ်”
ကုလသမဂ္ဂရဲ့ မြန်မာနိုင်ငံဆိုင်ရာ စုံစမ်းစစ်ဆေးမှုလုပ်ငန်းမှာ ပူးပေါင်းလုပ်ဆောင်ခဲ့တယ်လို့လည်း Facebook က ထည့်သွင်း ပြောဆိုခဲ့ပါတယ်။
************************************************
END / 251
