မန္တလေး တွင် ယနေ့ နံနက် အပြစ်မဲ့ ပြည်သူ ၁၄ ဦး အဖမ်း ခံရ

အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ


 

အဖမ်းခံရသူတွေဟာ ပုဒ်မ ၅၀၅ နဲ့ ဖမ်းဝရမ်းထုတ်ခံထားရသူတွေ မဟုတ်ဘူးလို့ အဖမ်းခံရတဲ့ မိသားစုဝင်တွေက ပြောပါတယ်။

ဒီကနေ့ မနက်ပိုင်း ၉ နာရီကျော်ကလည်း အာဏာသိမ်းစစ်ကောင်စီတပ်ဖွဲ့ဝင်တွေဟာ မန္တလေး မြရည်နန္ဒာအိမ်ရာကို ဝင်ရောက်စီးနင်းပြီး သားအမိ ၂ ယောက် အပါအဝင် ပြည်သူ ၆ ယောက်ကို ဖမ်းဆီးသွားခဲ့တာပါ။

ဒါ့အပြင် မနက် ၁၀ နာရီကျော် အချိန်က မန္တလေး ၆၂ လမ်းနဲ့ ၁၈ လမ်းမှာလည်း ဆိုင်ကယ်တွေကို စစ်ဆေးရင်း ဆယ်ကျော်သက်အရွယ် လူငယ် ၂ ယောက်ကို ရိုက်နှက်ပြီး Probox ကားနောက်ဖုံးထဲ ထည့်ခေါ်သွားတယ်လို့ မျက်မြင်တွေ့သူတွေက ပြောပါတယ်။

မန္တလေးမြို့မှာ ဒီကနေ့ မနက်ပိုင်းအတွင်း DVB က သတင်းရရှိသလောက် အပြစ်မဲ့ ပြည်သူ ၁၄ ယောက် အဖမ်းခံထာရပြီဖြစ်ပါတယ်။

အကြမ်းဖက်စစ်ကောင်စီတပ်ဖွဲ့ဝင်တွေဟာ မြရည်နန္ဒာအိမ်ရာကိုလည်း နေ့စဉ်လိုလို ဝင်ရောက် ရှာဖွေနေပြီး ဧပြီလ ၂၂ ရက်နေ့ကလည်း အမျိုးသမီး ၂ ယောက် အပါအဝင် လူငယ် ၄ ယောက်ကို ဖမ်းဆီးခဲ့ပါသေးတယ်။


*****************************************************************
END / 251