စစ်ကောင်စီ ဥက္ကဌ ကို မြန်မာ နိုင်ငံအကြီး အကဲအဖြစ် အာဆီယံ က ရည်ညွှန်း ခြင်း မရှိခဲ့

အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ


မနေ့က အင်ဒိုနီးရှားနိုင်ငံ မြို့တော် ဂျကာတာမှာပြုလုပ်တဲ့ မြန်မာ့အရေး ထိပ်သီးအစည်းအဝေးမှာ အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို မြန်မာနိုင်ငံရဲ့ အကြီးအကဲအဖြစ် ရည်ညွှန်းပြောကြားတာမျိုး မရှိခဲ့ဘူးလို့ အင်ဒိုနီးရှားနိုင်ငံခြားရေးဝန်ကြီး ရက်တနို မာဆူဒီက ပြောပါတယ်။

ဒီထိပ်သီးအစည်းအဝေးဟာ ဖေဖော်ဝါရီ ၁ ရက်နေ့ စစ်တပ်က အာဏာသိမ်းပြီးနောက်ပိုင်း ဖြစ်ပေါ်လာတဲ့ မြန်မာနိုင်ငံက မတည်ငြိမ်မှုတွေကို ဖြေရှင်းဖို့ နိုင်ငံတကာအသိုင်းအဝိုင်းရဲ့ ပထမဆုံး ကြိုးပမ်းမှုပါ။

မလေးရှားဝန်ကြီးချုပ် မုဟ်ယစ်ဒင် ယာစင်က အစည်းအဝေးဟာ မျှော်မှန်းထားတာထက် ပိုမိုအောင်မြင်ခဲ့ပြီး အကြမ်းဖက်မှုတွေ ရပ်တန့်ဖို့ စစ်ကောင်စီဥက္ကဌက သဘောတူခဲ့တယ်လို့ အစည်းအဝေးအပြီးမှာ သတင်းထောက်တွေကို ပြောကြားခဲ့ပါတယ်။

“ကျွန်တော်နဲ့ အခြားခေါင်းဆောင်တွေ တင်ပြတာကို သူ့ဖက်က ငြင်းပယ်တာမျိုး မရှိခဲ့ပါဘူး”

အစည်းအဝေးမှာ မြန်မာအရေး ဖြေရှင်းနိုင်ဖို့အတွက် အချက် ၅ ချက်ကို အဖွဲ့ဝင်နိုင်ငံ အားလုံးက သဘောတူညီခဲ့ကြတယ်လို့ အာဆီယံဥက္ကဌ ဘရူနိုင်းရဲ့ ကြေငြာချက်မှာ ဖော်ပြထားပါတယ်။

အကြမ်းဖက်မှု ရပ်တန့်ရေး၊ သက်ဆိုင်သူတွေအားလုံးအကြားမှာ အပြုသဘောဆောင်တဲ့ ဆွေးနွေးညှိနှိုင်းမှု ဖော်ဆောင်ရေး၊ အာဆီယံ အထူးသံတမန်တစ်ဦးက ကြားဝင်ညှိနှိုင်းပေးရေး၊ အာဆီယံက မြန်မာနိုင်ငံအတွက် လူသားချင်း စာနာထောက်ထားမှုဆိုင်ရာ အကူအညီများ ပေးအပ်ရေး၊ အာဆီယံကိုယ်စားလှယ်အဖွဲ့ မြန်မာနိုင်ငံကိုလာရောက်ကာ သက်ဆိုင်သူအားလုံးနဲ့ တွေ့ဆုံရေးတို့ ဖြစ်ပါတယ်။

အကြမ်းဖက်မှုတွေကို ချက်ခြင်းရပ်တန်ဖို့၊ ဒီမိုကရေစီကို မဖြစ်မနေ ပြန်လည်ဖော်ဆောင်ဖို့၊ ဖမ်းဆီးထားတဲ့ နိုင်ငံရေးအကျဉ်းသားတွေကို ပြန်လွှတ်ပေးဖို့ စစ်ကောင်စီကို တိုက်တွန်းတယ်လို့ အစည်းအဝေးအပြီးမှာ အင်ဒိုနီးရှားသမ္မတ ဂျိုကိုဝီဒိုဒိုက ပြောကြားခဲ့ပါတယ်။

စင်ကာပူဝန်ကြီးချုပ် လီရှန်လွန်းက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတဦးဝင်းမြင့်တို့ကို ပြန်လွှတ်ပေးဖို့ တိုက်တွန်းခဲ့ပြီး စစ်ကောင်စီဥက္ကဌဟာ သူတို့ပြောတာကို မဆန့်ကျင်ခဲ့ဘူးလို့ ဆိုပါတယ်။

“အာဆီယံဟာ အပြုသဘောဆောင်တဲ့ အခန်းကဏ္ဍကနေ ပါဝင်တာ၊ အာဆီယံကိုယ်စားလှယ်အဖွဲ့ မြန်မာနိုင်ငံကို သွားရောက်ဖို့၊ လူသားချင်း စာနာထောက်ထားမှုဆိုင်ရာ အကူအညီတွေပေးဖို့ ကိစ္စတွေကို သူက မဆန့်ကျင်ခဲ့

*****************************************************************
END / 251