အဲဟ်လေ့ဘိုက်(သ) (အလိုင်းဟစ်စလာမ် အဗ်နာ) သတင်းဌာနာ
မြန်မာနိုင်ငံမှာ ပြည်တွင်းစစ် အကြီးအကျယ်ဖြစ်မယ့် အန္တရာယ် အမှန်တကယ် ရှိနေပြီလို့ မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် ခရစ္စတင်း ရှာရ်နာ ဘာဂီနာက ပြောကြားလိုက်ပါတယ်။
မြန်မာ့အရေး မနေ့က လုံခြုံရေးကောင်စီရဲ့ ဆွေးနွေးမှုမှာ ဘာဂီနာတက်ရောက်ပြီး မြန်မာနိုင်ငံက အခြေအနေကို တင်ပြခဲ့ပါတယ်။ ကုလသမဂ္ဂ အထွေထွေညီလာခံကလည်း စစ်ကောင်စီကို လက်နက်ရောင်းချမှု ပိတ်ပင်ရေး တိုက်တွန်းတဲ့ ဆုံးဖြတ်ချက်တစ်ခုကို မနေ့က အတည်ပြုခဲ့ပါတယ်။
ဘာဂီနာက မြန်မာ့အရေးမှာ အချိန်ဆွဲနေလို့မရဘဲ စစ်တပ်ရဲ့ အာဏာသိမ်းမှု နောက်ပြန်ဆုတ်ရေး ဆောင်ရွက်နိုင်မယ့် အခွင့်အလမ်း နည်းလာပြီလို့ ထည့်သွင်း သတိပေးခဲ့ပါတယ်။
ကုလသမဂ္ဂ အထွေထွေညီလာခံရဲ့ ဆုံးဖြတ်ချက်မှာ စစ်ကောင်စီတပ်တွေက အရပ်သားတွေအပေါ် အကြမ်းဖက်သတ်ဖြတ်မှုကို ရပ်တန့်ဖို့၊ ဖမ်းဆီးထားသူတွေကို ချက်ခြင်းပြန်လွှတ်ပေးဖို့လည်း တိုက်တွန်းထားပါတယ်။
ကုလ အထွေထွေအတွင်းရေးမှူး အန်တိုနီယို ဂူတာရက်စ်က အာဏာသိမ်း စစ်ကောင်စီကို ထိထိရောက်ရောက် အရေးယူဆောင်ရွက်ဖို့ အဖွဲ့ဝင်နိုင်ငံအားလုံးကို တိုက်တွန်းခဲ့ပါတယ်။
“ကျွန်တော်တို့နေတဲ့ ကမ္ဘာကြီးမှာ စစ်အာဏာသိမ်းမှုဟာ ရိုးရာတစ်ခု ဖြစ်လာတာမျိုး လက်ခံလို့ မရပါဘူး”
*****************************************************************
END / 251
၁၉ ဇွန် ၂၀၂၁ - ၁၉:၁၂
News ID: 1151923
မြန်မာနိုင်ငံမှာ ပြည်တွင်းစစ် အကြီးအကျယ်ဖြစ်မယ့် အန္တရာယ် အမှန်တကယ် ရှိနေပြီလို့ မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် ခရစ္စတင်း ရှာရ်နာ ဘာဂီနာက ပြောကြားလိုက်ပါတယ်။
