အငြင်းပွား ဖိလစ်ပိုင် ရေပိုင်နက် တွင် တရုတ် က မိလ္လာများ လာရောက်စွန့်ပစ်

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ




တောင်တရုတ်ပင်လယ်က အငြင်းပွား ရေပိုင်နက်မှာ တရုတ်က မိလ္လာအညစ်အကြေးတွေ လာရောက်စွန့်ပစ်တယ်ဆိုတဲ့ သတင်းအတွက် စုံစမ်းစစ်ဆေးမယ်လို့ ဖိလစ်ပိုင် ကာကွယ်ရေးဝန်ကြီးဌာနက ဒီကနေ့မှာ ထုတ်ပြန်ပါတယ်။

တရုတ်နိုင်ငံဟာ တောင်တရုတ်ပင်လယ်တစ်ခုလုံးကို သူပိုင်တယ်ဆိုတာ ပြသဖို့အတွက် ငါးဖမ်းသင်္ဘောတွေ စေလွှတ်တတ်ပြီး ဖိလစ်ပိုင်၊ ဘရူနိုင်း၊ ထိုင်ဝမ်၊ ဗီယက်နမ်၊ မလေးရှားတို့နဲ့ အငြင်းပွားနေတဲ့ စပရက်တလီကျွန်းမှာ ငါးဖမ်းသင်္ဘောပေါင်း ရာချီ ချထားပါတယ်။

ဂြိုဟ်တု ဓာတ်ပုံ​ လေ့လာရေးအဖွဲ့ဖြစ်တဲ့ Simularity က စပရက်တလီကျွန်းမှာ ပြီးခဲ့တဲ့ ၅ နှစ်အတွင်း တရုတ်ငါးဖမ်းသင်္ဘောတွေကနေ စွန့်ပစ်ထားတဲ့ လူသား မစင်တွေကြောင့် ရေထုအတွင်း ထိခိုက်ပျက်ဆီးတာတွေ ​တွေ့ရတယ်လို့ မနေ့က ထုတ်ပြန်ပါတယ်။

“မစင်တွေလာပုံတယ်ဆိုတဲ့ ဒီသတင်းကို ကျွန်တော်တို့ အတည်ပြုနေပြီး ဒီလိုတာဝန်မဲ့တဲ့လုပ်ရပ်မျိုး လုပ်တယ်ဆိုတာ မှန်ကန်ခဲ့မယ်ဆိုရင်တော့ ဒါဟာ ဒီကျွန်းတစ်ဝိုက်မှာ ရှိတဲ့ ​ဂေဟစနစ်ကို ဆိုးဆိုးဝါးဝါး ထိခိုက်ပျက်ဆီးအောင် လုပ်တာပဲ ဖြစ်ပါတယ်” လို့ ဖိလစ်ပိုင်ကာကွယ်ရေးဝန်ကြီး ဒဲလ်ဖင် လော်ရန်ဇာနာက ပြောပါတယ်။

တောင်တရုတ်ပင်လယ်မှာ ပိုင်နက်နဲ့ အကျိုးစီးပွား အငြင်းပွားမှုတွေရှိနေပေမယ့် နိုင်ငံအားလုံးဟာ သဘာဝပတ်ဝန်းကျင်နဲ့ သယံဇာတတွေကို ထိန်းသိမ်းစောင့်ရှောက်ဖို့ တာဝန်ရှိတယ်လို့လည်း ဝန်ကြီးက ထည့်သွင်းပြောဆိုခဲ့ပါတယ်။

တရုတ်က ဒီလို လူမစင်တွေ လာရောက်စွန့်ပစ်မှုဟာ ရေနေသတ္တဝါတွေအပေါ် ခြိမ်းခြောက်မှု ဖြစ်လာနိုင်တယ်လို့ Simularity ကို တည်ထောင်သူ လစ်ဒါရ်က ပြောပါတယ်။

“အာကာသကနေ မြင်နိုင်တဲ့အထိ တော်တော့်ကို ဆိုးရွားနေပါပြီ”

ဖိလစ်ပိုင်က တရုတ်သံရုံးကတော့ ဒီသတင်းနဲ့ပတ်သက်ပြီး မီဒီယာတွေရဲ့ မေးမြန်းမှုကို ပြန်လည် ဖြေကြားခြင်း မရှိသေးပါဘူး။

တောင်တရုတ်ပင်လယ်က ရေပိုင်နက်အငြင်းပွားနေတဲ့နေရာမှာ တရုတ်ဖက်က ပြည်သူ့စစ်တွေပါတဲ့ ငါးဖမ်းသင်္ဘော ရာနဲ့ချီ ချထားမှုအတွက် ဖိလစ်ပိုင်ဟာ ပြီးခဲ့တဲ့ လအနည်းငယ်အတွင်း ပြင်းပြင်းထန်ထန် ဝေဖန်မှုတွေ ပြုလုပ်ထားတာ ဖြစ်ပါတယ်။
****************************************************************

END / 251