ဖမ်းဆီးထား သူများအား ညှင်းပမ်းမှု အတွက် စစ်ကောင်စီကို အမေရိကန်က အရေး ယူဖွယ်ရှိ

အဲဟ်လေ့ဘိုက်(သ) (အလိုင်ဟေမွစ်စလာမ်) သတင်းဌာန ၊ အဗ်နာ


မြန်မာအာဏာသိမ်းစစ်ကောင်စီဟာ ဖမ်းဆီးထားတဲ့သူတွေကို အကြီးအကျယ် နှိပ်စက်ညှင်းပမ်းတယ်လို့ သတင်းတွေထွက်လာပြီးတဲ့နောက် ဒီကိစ္စကို စုံစမ်းစစ်ဆေးဖို့ အမေရိကန်အစိုးရက လွှတ်တော်ကို တိုက်တွန်းလိုက်ပါတယ်။

ဖေဖော်ဝါရီ ၁ ရက်နေ့ အာဏာသိမ်းပြီးနောက်ပိုင်း စစ်ကောင်စီတပ်တွေရဲ့ အကြမ်းဖက်မှုကြောင့် နိုင်ငံတစ်ဝှမ်း လူပေါင်း ၁၂၀၀ နီးပါး သေဆုံးခဲ့ပြီး ထောင်နဲ့ချီ ဖမ်းဆီးခံထားရပါတယ်။ ဖမ်းဆီးထားသူတွေကို စစ်ကောင်စီတပ်တွေက အကြီးအကျယ် ညှင်းပမ်းနှိပ်စက်မှု လုပ်နေတာကို AP သတင်းဌာနက အခုတစ်ပတ် အစောပိုင်းမှာ ရေးသားဖော်ထုတ်ခဲ့ပါတယ်။

အမေရိကန်အစိုးရက ထုတ်ပြန်တဲ့ ကြေငြာချက်မှာ ဒီသတင်းအတွက် အလွန်စိတ်ပျက်ဒေါသထွက်ရတယ်လို့ ဖော်ပြထားပြီး ကျူးလွန်သူတွေကို အရေးယူရမယ်လို့ ဆိုပါတယ်။

“မြန်မာနိုင်ငံက ညှင်းပမ်းနှိပ်စက်မှု သတင်းတွေကို တိတိကျကျ စုံစမ်းစစ်ဆေးကာ ကျူးလွန်သူတွေကို အရေးယူ အပြစ်ပေးရမှာ ဖြစ်ပါတယ်”

AP သတင်းဌာနဟာ ဓာတ်ပုံနဲ့စာ အထောက်အထား၊ ကိုယ်တွေ့ကြုံတွေခဲ့ရသူတွေနဲ့ စစ်တပ်ဖက်က ဘက်ပြောင်းလာတဲ့ အရာရှိ ၃ ဦးရဲ့ ပြောကြားမှုတွေကို ကိုးကားပြီး အာဏာသိမ်းစစ်တပ်က ဖမ်းဆီးခံထားရသူတွေကို အသက်သေဆုံးတဲ့အထိ ညှင်းဆဲနှိပ်စက်တာ၊ သက်သေအထောက်အထား ဖျောက်ပစ်တာ၊ ​ဆေးစာ လိမ်ထုတ်ခိုင်းတာ၊ အလောင်းဖျောက်ဖျက်တာ စတာတွေကို ရေးသားဖော်ထုတ်ခဲ့တာ ဖြစ်ပါတယ်။

“AP သတင်းဌာနရဲ့ စုံစမ်းဖော်ထုတ်မှုဟာ စစ်တပ်က ရာဇတ်မှုမြောက်တဲ့ ညှင်းဆဲရေး စီမံကိန်းကို စနစ်တကျနဲ့ ပီပီပြင်ပြင် လုပ်ဆောင်မှုအကြောင်း မီးမောင်းထိုးပြလိုက်တာပါ။ ဖမ်းဆီးခံထားရသူတွေ သေတဲ့အထိ နှိပ်စက်ခံရတာကို မျက်မြင်တွေ့ခဲ့ရတဲ့ စစ်သားတွေ၊ AP က ဖော်ထုတ်လိုက်တဲ့ ညှင်းပမ်းစစ်ကြောတဲ့ စခန်းတွေဟာ အရေးယူအပြစ်ပေးတဲ့ လုပ်ငန်းစဉ်မှာ အရေးပါလာမှာ ဖြစ်ပါတယ်” လို့ ကုလသမဂ္ဂရဲ့ မြန်မာနိုင်ငံဆိုင်ရာ အထူးကိုယ်စားလှယ် တွမ်အန်ဒရူးက ပြောပါတယ်။

စစ်ကောင်စီတပ်က ​ဖျောက်ဖျက်ဖုံးကွယ်မှုတွေ လုပ်တဲ့ အနေအထားကြောင့် AP ရဲ့ အခုဖော်ထုတ်မှုဟာ တစ်စိတ်တစ်ပိုင်းလောက်သာဖြစ်ပြီး နောက်ထပ် အများကြီး ကျန်နိုင်သေးတယ်လို့လည်း သူက ဆိုပါတယ်။

အမေရိကန်လွှတ်တော် နိုင်ငံခြားရေးကော်မတီက ထိပ်တန်း ရီပက်ဘလစ်ကန်အမတ် မိုက်ကယ် မက်ကောလ်က လွှတ်တော်အနေနဲ့ စစ်ကောင်စီတပ်ကို အရေးယူနိုင်မယ့် ဥပဒေတစ်ခု ထပ်မံပြဌာန်းကာ အရေးယူဖို့ တိုက်တွန်းခဲ့ပါတယ်။

“AP သတင်းဌာနက စုံစမ်းဖော်ထုတ်လိုက်တဲ့ မြန်မာစစ်တပ်ရဲ့ ရက်ရက်စက်စက် ညှင်းပမ်းနှိပ်စက်မှုတွေ၊ ကြောက်စရာ အကြမ်းဖက်မှုတွေဟာ ရိုဟင်ဂျာတွေအပေါ် လူမျိုးတုန်းသတ်ဖြတ်တာအပါအဝင် အဆက်မ​ပြတ်လုပ်လာတဲ့ ရက်စက်ကြမ်းကြုတ်မှုတွေထဲက တစ်ခုဆိုတာ ဝမ်းနည်းဖွယ် တွေ့ရပါတယ် ”

လွှတ်တော် နိုင်ငံခြားရေးကော်မတီရဲ့ ဒီမိုကရက်အဖွဲ့ ဥက္ကဌ လွှတ်တော်အမတ် ဂရီဂိုရီမိက မြန်မာစစ်တပ်ရဲ့ ဒီလိုလုပ်ရပ်တွေကို ရှုတ်ချကြောင်း ပြောကြားခဲ့ပါတယ်၊ လွှတ်တော်အနေနဲ့ စစ်တပ်ကို ထပ်အရေးယူနိုင်မယ့် ဥပဒေတစ်ခု ပြဌာန်းဖို့လည်း တိုက်တွန်းခဲ့ပါတယ်။

အာဏာသိမ်းပြီးနောက်ပိုင်း ပြည်သူလူထုအပေါ် အကြမ်းဖက်မှုတွေအတွက် မြန်မာစစ်ခေါင်းဆောင်တွေ၊ သူတို့ရဲ့ စီးပွားရေးလုပ်ငန်းတွေကို အမေရိကန်၊ ဥရောသမဂ္ဂတို့ဦးဆောင်တဲ့ အအနောက်နိုင်ငံတွေက ထပ်တိုးပိတ်ဆို့မှုတွေ လုပ်ဆောင်ထားတာ ဖြစ်ပါတယ်။

****************************************************************
END / 251